Magnesium Malate ဆိုတာကတော့ Magnesium နှင့် Malic acid တို့ကိုပေါင်းစပ်ထားသောဖြည့်စွက်စာဆေးဖြစ်သည်။ Malic acid သည် သဘာဝအသီးအက်ဆစ်တမျိုးလည်းဖြစ်ပါတယ်။
—
Magnesium သောက်သုံးခြင်းဖြင့်ရရှိလာမည့်အကျိုးကျေးဇူးတွေကတော့အများကြီးပါ၊အဲဒီထဲကမှကောက်နုတ်ဖေါ်ပြရရင်တော့
မဂ္ဂနီစီယမ်သည်နှလုံးကျန်းမာရေးအတွက်လွန်စွာအရေးပါပါတယ်။နှလုံးသွေးကြောဆိုင်ရာအတွက်ကျန်းမာရေးနှင့်စွမ်းအင်ထုတ်လုပ်ခြင်းတို့ကိုအထောက်ပံ့ပေးနိုင်ပါတယ်။ ခန္ဓာကိုယ်တစ်ခုလုံးအတွင်းရှိ ပမာဏအများဆုံးသောမဂ္ဂနီယမ်သည် နှလုံးအတွင်းတွင်ရှိပြီး အထူးသဖြင့် နှလုံး၏ ဘယ်ဘက်(သွေးပြန်ထုတ်လွှတ်ရာ) အောက်ပိုင်းခန်းမ တွင်ဖြစ်ပါသည်။
မဂ္ဂနီစီယမ်သည် ကယ်လစီယမ်နှင့်အတူတွဲ၍ အလုပ်လုပ်ကာ သွေးဖိအားပမာဏ မှန်ကန်စေရန်လုပ်ဆောင်ပေးနိုင်တဲ့အတွက် သွေးတိုးခြင်းကို ကာကွယ်ပေးပါသည်။
မဂ္ဂနီစီယမ်သည် အူနံရံများအပါအဝင် အစာခြေလမ်းကြောင်းအတွင်းရှိ ကြွက်သားများကို ဖြေလျော့စေရန်ကူညီပေးပြီး အစာအိမ်အက်စစ်ကို မျှတစေကာ အူများတလျောက်မှ မစင်ကိုစွန့်ထုတ်ရန်အ ကူအညီပေးပါသည်။
စိတ်မတည်ငြိမ်ခြင်းကို ငြိမ်သက်စေရန်ကူညီပေးနိုင်ခြင်း၊ကြွက်သားများကိုတင်းမာနေမှု့တွေကိုဖြေလျော့ပေးခြင်း၊ ခန္ဓာကိုယ်အပူချိန်ကိုထိန်းညှိပေးနိုင်ခြင်းတို့ကြောင့်ကောင်းမွန်စွာအိပ်စက်နိုင်ရန်လည်းအကူအညီပေးပါသည်။
တချို့လူများအိပ်နေရင်းအကြောဆွဲသလိုတဆတ်ဆတ်တုန်ခြင်းမှာလည်းအဓိကကမဂ္ဂနီစီယမ်ကို လုံလောက်စွာမရရှိခဲ့သောအခါ ကြွက်သားများသည် အကြောဆွဲခြင်းဖြစ်ပေါ်လာစေခြင်းဖြစ်ပါသည်။
ခန္ဒာကိုယ်ရှိဆဲလ်များကိုစနစ်တကျလည်ပတ်ရန်အတွက်လည်းအလွန်လိုအပ်ပါတယ်။
အရိုးများကသန်မာလာစေခြင်း၊အထူးသဖြင့် အမျိုးသမီးများဖြစ်တတ်တဲ့ အရိုးပွရောဂါ ကာကွယ်ပေးနိုင်ပါသည်။
ထို့ပြင်သွေးသကြားဓာတ်ပမာဏကိုထိန်းချုပ်ပေးနိုင်ခြင်းနှင့်သွေးပေါင်ချိန်ကိုတည်ငြိမ်စေရန်ထိန်းသိမ်းခြင်းတို့အတွက်လည်းအကူအညီပေးပါတယ်။
မဂ္ဂနီစီယမ်သည်လုပ်ဆောင်မှု့အမျိုးမျိုးဖြင့်ခန္ဓာကိုယ်အတွင်းရှိအရေးကြီးသောလုပ်ငန်းဆောင်တာများကိုထိန်းချုပ်ပေးနိုင်ခြင်းတို့ကြောင့်
ကျန်းမာရေးတဲ့ခန္ဒာကိုယ်ဖြစ်ပေါ်စေဖို့အတွက်မရှိမဖြစ်လိုအပ်သောသတ္တုဓာတ်တစ်ခုလည်းဖြစ်ပါတယ်။
