အပိုင်း(၂)။လာမယ့်ဆယ်စုနှစ်တွေမှာလူတိုင်းနီးပါးဖြစ်လာနိုင်တဲ့၊ဟော်မုန်းနဲ့ပါတ်သက်တဲ့ကင်ဆာအမျိုးမျိုးအကြောင်း။
Source from Kelvin A. Power’s Facebook on August 5, 2019 အရွယ်ရောက်ပြီးအမျိုးသမီးတွေအားလုံးနီးပါးမှာမကြာခင်ဖြစ်လာနိုင်တဲ့၊သားဥအိမ်ကင်ဆာ၊ရင်သားကင်ဆာ၊သားအိမ်နံရံကင်ဆာ၊သားအိမ်ခေါင်းကင်ဆာ၊သားအိမ်ဝကင်ဆာနဲ့မွေးလမ်းကြောင်းကင်ဆာတွေနဲ့အတူအမျိုးသားတွေမှာဖြစ်လာမဲ့ဆီးကြိတ်ကင်ဆာ၊ဝေးစေ့ကင်ဆာတွေဟာဘာကြောင့်မကြာခင်လူတိုင်းနီးပါးမှာဖြစ်လာနိုင်တယ်လို့ပြောနိုင်တာလဲ၊ဒီရောဂါတွေဘာကြောင့်အစပြုဖြစ်လာရသလဲ၊ဆိုတဲ့အကြောင်းတရားတွေကိုရေးပေးပါမယ်။အမျိုးသမီးတွေမှာရောအမျိုးသားတွေမှာရောမျိုးပွားအင်္ဂါအစိတ်အပိုင်းမှာရှိနေတဲ့ဆဲလ်တွေအားလုံးရဲ့မျက်နာပြင်အပေါ်ဖက်မှာ(Estrogen)လို့ခေါ်တဲ့အမျိုးသမီးမဟော်မုန်းဓါတ်ကိုလက်ခံပေးနိုင်စွမ်းရှိတဲ့လက်တံ(Receptors)တွေပါရှိနေတတ်ကြပါတယ်။ဆိုလိုတာကသဘာဝအားဖြင့်အမျိုးသမီးငယ်လေးတစ်ယောက်ဟာ(၁၃)နှစ်(၁၄)နှစ်လောက်မှာအပျိုဖေါ်ဝင်လာပြီဆိုရင်၊အဲဒီအမျိုးသမီးလေးရဲ့မျိုးဥအိမ်က(Estrogen)လို့ခေါ်တဲ့အမျိုးသမီးမဟော်မုန်းဓါတ်ကိုစတင်ပြီးထုတ်လုပ်ပေးပါတယ်။ဒီလိုမျိုးဥအိမ်ကထုတ်ပေးလိုက်တဲ့မဟော်မုန်းဓါတ်ဟာအမျိုးသမီးလေးရဲ့မျိုးပွားအင်္ဂါတွေကဆဲလ်တွေရဲ့ဟော်မုန်းလက်ခံပေးတဲ့လက်တံ(Estrogen receptors)တွေမှာသွားပေါင်းစီးမိပြီး၊ဒီဟော်မုန်းဓါတ်ရဲ့ပြုပြင်မှုကြောင့်မျိုးပွားအင်္ဂါတွေဖွံ့ဖြိုးကြီးထွားလာပြီးတော့၊ကလေးဘဝကနေ၊အိမ်ထောင်သားမွေးနိုင်တဲ့လူကြီးဘဝကိုတဖြေးဖြေးပြောင်းလဲလာပါတယ်။ဒီအက်စထိုဂျင်ဟော်မုန်းဓါတ်ကိုအမျိုးသမီးတွေအသက်(၅၀)ပါတ်ဝန်းကျင်လောက်အထိသွေးမဆုံးမချင်းသားဥအိမ်ကနေလစဉ်အမြဲထုတ်ပေးနေပါတယ်။ဒီဟော်မုန်းဓါတ်ကြောင့်မိန်းကလေးတွေရဲ့အသွင်အပြင်တွေ၊အသံတွေကယောင်္ကျားလေးတွေနှင့်မတူညီပဲမိန်းမဆန်ပြီးကွဲပြားခြားနားနေရခြင်းဖြစ်ပါတယ်။မိန်းကလေးဆန်ဆန်ကိုယ်လုံးကိုယ်ပေါက်တွေရှိလာပြီးလှပနေဖို့အတွက်ကလဲဒီဟော်မုန်းကပဲအဓိကလုပ်ဆောင်ပေးပါတယ်။လင်ယူသားမွေး၊ကလေးမွေးအစရှိတဲ့မျိုးပွားမှုကိစ္စတွေမှာလဲဒီဟော်မုန်းဓါတ်ကအဓိကကျနေပါတယ်။ကျန်းမာတဲ့အမျိုးသမီးအဖြစ်ရပ်တည်ဖို့၊အမျိုးသမီးအင်္ဂါအစိတ်အပိုင်းတွေကျန်းမာသန်စွမ်းဖို့ကဒီအက်စထရိုဂျင်ဟော်မုန်းကမရှိမဖြစ်လိုအပ်လှပါတယ်။ ———- သို့သော်အခုခေတ်မှာပြဿနာအကြီးအကျယ်တက်လာတာကဒီလိုမဟော်မုန်းနဲ့အလားသဏ္ဍန်တူပြီးအကြီးအကျယ်ဒုက္ခပေးနိုင်တဲ့မသန့်ရှင်းတဲ့ပါတ်ဝန်းကျင်ပြင်ပလူလုပ်တဲ့ဓါတုပစ္စည်းတွေကလာတဲ့ဆင်တက်တစ်ဇီနိုအက်စထိုဂျင်(synthetic xenoestrogens)လို့ခေါ်တဲ့ဓါတုဗေဒပစ္စည်းတွေကြောင့်ဖြစ်လာတဲ့မဟော်မုန်းဓါတ်အတုတစ်မျိုးဟာခန္ဒာကိုယ်ထဲကိုဝင်ရောက်လာပြီး၊မဟော်မုန်းကဲ့သို့မျိုးပွါးအင်္ဂါတွေရဲ့ဟော်မုန်းလက်ခံပေးတဲ့လက်တံတွေမှာဝင်ရောက်ပေါင်းဖက်ပြီးတော့အကြီးအကျယ်ဒုက္ခပေးတော့တာပါပဲ။ဒီပြင်ပဓါတုဗေဓပစ္စည်းတွေကလာတဲ့ဇီနိုအက်စထိုဂျင်(အက်စထိုဂျင်အတု)ဟော်မုန်းတွေဟာအမျိုးသမီးတွေရဲ့မျိုးပွားအင်္ဂါအစိတ်အပိုင်းတွေကဆဲလ်တွေကိုပေါင်းစပ်လိုက်ပြီးတော့၊ကောင်းနေတဲ့ဆဲလ်တွေကနေကင်ဆာဆဲလ်တွေဖြစ်အောင်၊ကင်ဆာဆဲလ်တခုကနေရာချီထောင်ချီတဲ့ကင်ဆာဆဲလ်တွေအဖြစ်ပွားများလာအောင်ဝင်ရောက်စီးနင်းပြီးဒုက္ခအကြီးအကျယ်ပေးတော့တာပါပဲ။ဒီဟော်မုန်းအတုကြောင့်ကင်ဆာအဖြစ်ပြောင်းလဲသွားတဲ့ဆဲလ်တွေအားလုံးရဲ့ထူးခြားချက်ကတော့၊ကင်ဆာဆဲလ်တွေရဲ့မျက်နာပြင်အပေါ်ဖက်မှာ(Estrogen)လို့ခေါ်တဲ့မဟော်မုန်းဓါတ်ကိုလက်ခံနိုင်တဲ့လက်တံ(Receptors)တွေဟာသာမန်နဂိုတုံးကကျန်းမာနေတဲ့ဆဲလ်တွေထက်အဆပေါင်းရာနဲ့ချီပြီးတိုးပွားဖြစ်ပေါ်လာတာကိုတွေ့ရှိရပါတယ်။ဆိုလိုတာကထပ်ပြီးပြင်ပကမဟော်မုန်းအတုဇီနိုအက်စထိုဂျင်တွေဝင်လာတိုင်းကင်ဆာဆဲရဲ့လက်တံတခုအပေါ်မှာသွားပြီးပေါင်းစပ်လိုက်မိတာနဲ့၊အဲဒီကင်ဆာဆဲလ်ဟာတခဏအတွင်းရာနဲ့ထောင်နဲ့ချီပြီးပွားများလာမယ်၊ကြီးထွားလာတော့မယ်လို့ဆိုလိုပါတယ်။အဲဒီကစပြီးတော့မျိုးပွားအင်္ဂါတွေမှာကင်ဆာရောဂါတွေစပြီးဖြစ်တော့တာပါပဲ။နောက်ပိုင်းမှာကင်ဆာဆဲလ်တွေဟာအမျိုးသမီးတွေရဲ့မျိုးဥအိမ်ကထုတ်တဲ့ဟော်မုန်းအစစ်တွေနဲ့ပေါင်းစပ်မိရင်တောင်ဆဲလ်တွေကပွားများလာတော့တာပါပဲ။ဒီပြင်ပကလာတဲ့ဟော်မုန်းအတုဇီနိုအက်စထိုဂျင်တွေဟာမိန်းကလေးတွေရဲ့မျိုးပွားအင်္ဂါတွေကိုတင်မကပါဘူးယောင်္ကျားလေးတွေရဲ့မျိုးပွားအင်္ဂါတွေမှာရှိတဲ့ဆဲလ်တွေနဲ့ပေါင်းစပ်မိရင်လဲအလားတူကင်ဆာရောဂါတွေကိုစတင်ပြီးဖြစ်ပေါ်စေပါတယ်။ ——————– ဒီလိုမျိုးပွားအင်္ဂါမှာဖြစ်ပေါ်နေတဲ့ကင်ဆာတွေဟာတခြားကင်ဆာတွေနဲ့မတူပဲအီစထိုဂျင်ဟော်မုန်းကိုလက်ခံပေးပြီးတော့မှပွားများနိုင်တဲ့လက်တံတွေကပုံမှန်ကျန်းမာနေတဲ့ဆဲလ်တွေထက်အဆတစ်ရာလောက်များပြားလာပါတယ်။ဒီတော့ပုံမှန်ဆဲလ်တွေထက်ဟော်မုန်းဓါတ်အက်စထိုဂျင်ကိုပိုပြီးတော့အပြိုင်အဆိုင်သာလွန်စွာလုယူပေါင်းစည်းနိုင်ပါတေ့ာတယ်။အက်စထိုဂျင်ဟော်မုန်းဓါတ်နဲ့ပေါင်းစည်းလိုက်တာနဲ့နောက်ထပ်ကင်ဆာဆဲလ်အသစ်အသစ်တွေအဆပေါင်းများစွာပွားများလာတော့တာပါပဲ။ဒီလိုအက်စထရိုဂျင်ဟော်မုန်းဓါတ်ကိုလက်ခံနိုင်တဲ့လက်တံပါရှိပြီးဟော်မုန်းဓါတ်ရတော့မှပွားများနိုင်တဲ့ကင်ဆာဆဲလ်တွေကို(Estrogen receptors positive=ER positive)ဆဲလ်တွေလို့ခေါ်ပါတယ်။အများအားဖြင့်ရင်သားကင်ဆာ၊သားအိမ်ကင်ဆာ၊မျိုးဥကင်ဆာ၊ဆီးကြိတ်ကင်ဆာ၊ဝေးစေ့ကင်ဆာ၊အစရှိတဲ့မျိုးပွားအင်္ဂါတွေနားမှာဖြစ်ပေါ်လာတဲ့ကင်ဆာရောဂါတွေရဲ့(80%)ကျော်ဟာဒီလို(ER Positive)ကင်ဆာဆဲလ်အမျိုးအစားတွေဖြစ်ပြီး၊အခြားသောအက်စထဂိုဂျင်မလိုပဲနဲ့လဲပွားများနိုင်တဲ့(ER negative)ကင်ဆာဆဲလ်တွေကတော့(၂၀%)လောက်ပဲဖြစ်လေ့ဖြစ်ထရှိပါတယ်။ ————————- ဒီလိုဟော်မုန်းဓါတ်နဲ့ဆက်စပ်နေတဲ့မျိုးပွားအင်္ဂါတွေမှာဖြစ်ပေါ်လာတဲ့ကင်ဆာရောဂါတွေဟာ့မမျိုးဥအိမ်ကလစဉ်သဘာဝအားဖြင်ထုတ်လုပ်ပေးနေတဲ့အက်စထိုဂျင်ဟော်မုန်းတွေကနေစပြီးဖြစ်လာတာတော့မဟုတ်ပါဘူး။ဒါပေမဲ့ပြင်ပကလာတဲ့ဆင်တက်တစ်ဇီနိုအက်စထိုဂျင်(synthetic xenoestrogens) လို့ခေါ်တဲ့ဓါတုဗေဓဓါတ်ပေါင်းအက်စထရိုဂျင်အတုတွေကြောင့်စပြီးတော့ကင်ဆာတွေဖြစ်ပေါ်လာပါတယ်။ ပိုပြီးဆိုးတာကဆေးရုံဆေးခန်းတွေမှာဆရာဝန်တွေကသွေးဆုံးနေတဲ့အမျိုးသမီးတွေကိုသွေးဆုံးတဲ့ရောဂါဝေဒနာမျိုးမခံရအောင်ကုသပေးတဲ့(Hormone replacement Therapy =HRT)ဆေးဝါးတွေမှာပါတဲ့လူလုပ်တဲ့ဆင်တက်တစ်အက်စထရိုဂျင်(synthetic estrogens)ပါပဲ။ဆရာဝန်တွေဆေးရုံဆေးခန်းတွေမှာသုံးတဲ့သဘာဝမဟုတ်ပဲဓါတ်ခွဲခန်းမှာဓါတုဗေဒပစ္စည်းတွေသုံးပြီးအရင်းရှင်ဆေးကုမ္မဏီကြီးတွေကဖန်တီးထားတဲ့ဆေးဝါးတွေမှာပါတဲ့အက်စထရိုဂျင်ကတော့အပြင်းထန်ဆုံးနဲ့အဆိုးဆုံးဖြစ်လို့ရေရှည်သုံးရင်သေချာပေါက်ကင်ဆာရောဂါအစပြုဖြစ်ပွားစေနိုင်သလိုဖြစ်ပြီးသားကင်ဆာရောဂါတွေကိုလဲအကြီးအကျယ်ပွားများပြန့်ပွားစေနိုင်ပါတယ်။နောက်ဆိုးတာတစ်ခုကကင်ဆာဆဲလ်တွေဖြစ်သွားပြီဆိုရင်တော့မျိုးရိုးဗီဇပြောင်းလဲသွားပြီးမမျိုးဥအိမ်ကနေလစဉ်သဘာဝအားဖြင်ထုတ်လုပ်ပေးနေတဲ့သဘာဝအက်စထိုဂျင်ဟော်မုန်းတွေနဲ့တွေ့ရင်တောင်ထိုကင်ဆာဆဲလ်တွေဟာဆတိုးပြီးအကြီးအကျယ်ပွားများတော့တာပါပဲ။ ———————- ဆေးရုံဆေးခန်းတွေမှာဆရာဝန်တွေကသွေးဆုံးနေတဲ့သဘာဝမဟုတ်ပဲလူလုပ်ထားတဲ့ဆင်တက်တစ်အက်စထရိုဂျင်(synthetic estrogens)တွေကကိုယ်ကနားလည်လို့မသုံးဘူးဆိုရင်ရှောင်လို့ရပါသေးတယ်။ပြင်ပပါတ်ဝန်းကျင်ကလာတဲ့ဇီနိုအက်စထရိုဂျင်ကြတော့ဘယ်မှာတွေရှိနေသလဲဆိုတာကိုယ်ကသေသေချာချာသိမှကိုဖြစ်မှာဘာကြောင့်လဲဆိုတော့အဲဒီဇီနိုအက်စထိုဂျင်ဓါတ်တွေနဲ့များများထိတွေ့လေလေကင်ဆာဖြစ်နိုင်ခြေပိုများလေလေဖြစ်နေလို့ပါပဲ။ဇီနိုအက်စထိုဂျင်ဓါတ်တွေနဲ့များများထိတွေ့ဖန်များလာရင်အနေးနဲ့အမြန်သာကွာမယ်၊ကင်ဆာရောဂါတခုခုကတော့မကြာခင်ဖြစ်လာဖို့အတော်လေးကိုသေချာနေပါတယ်။ဒီလိုဇီနိုအက်စထိုဂျင်ဓါတ်တွေနဲ့မထိမိအောင်၊မိမိကိုယ်တွင်းကိုဒီဓါတ်တွေဝင်ရောက်မလာနိုင်အောင်ကာကွယ်ဖို့ကအရေးတကြီးလိုနေပြီဆိုတော့ဘယ်ပစ္စည်းတွေမှာဒီဇီနိုအက်စထိုဂျင်ဓါတ်တွေပါဝင်နေတယ်ဆိုတာကိုအဓိကလေ့လာဖို့လိုအပ်နေပါပြီ။ဒါမှသူတို့နဲ့မထိတွေ့မိအောင်ရှောင်နိုင်မှာမဟုတ်လား။ ———— မနက်မိုးလင်းအိပ်ရာကထလိုက်ပြီဆိုတာနဲ့သွားတိုက်ဖို့သွားတိုက်တံနဲ့သွားတိုက်ဆေးလေးကိုစပြီးဆွဲယူလိုက်တာနဲ့၊အဲဒီမောင်မင်းကြီးသားဇီနိုအက်စထိုဂျင်နဲ့စတွေ့တော့တာပါပဲ။သွားတိုက်တံကကော်၊ပလတ်စတစ်နဲ့လုပ်ထားတော့ဇီနိုအက်စထိုဂျင်ပါနေတယ်။သွားတိုက်ဆေးကလဲဓါတုဗေဓပစ္စည်းတွေပါတော့ဇီနိုအက်စထိုဂျင်ကမလွတ်ပြန်ဘူး။မျက်နာသစ်မယ်လုပ်တော့လဲဆပ်ပြာမှာကဇီနိုအက်စထိုဂျင်၊ရေသုံးမယ်လုပ်တော့လဲရေပိုက်ခေါင်းကလာတဲ့ရေကလဲပလတ်စတစ်ပိုက်၊ကော်ပိုက်တွေသုံးထားလို့ဇီနိုအက်စထိုဂျင်ပါနေပြန်တယ်။စည်ပင်ရေသန့််စင်ရေးဌာနကလဲခြင်တွေပိုးလောက်လှမ်းတွေမဖြစ်ရအောင်ရေဖြန့်ဝေတဲ့ရေကန်မှာပိုးသတ်ဆေး(DDT)တွေဖြန်းထားတော့ဇီနိုအက်စထိုဂျင်ကပါနေပြန်ပါလေရော။မထူးပါဘူးမျက်နာလဲမသစ်တော့ဘူးရေခဲသေတ္တာထဲမှာပဲတခုခုသွားစားတော့မယ်ဆိုပြီးရေခဲသေတ္တာလက်ကိုင်ကိုကိုင်ဖွင့်လိုက်တော့အဲဒီပလတ်စတစ်လက်ကိုင်ကလဲဇီနိုမလွတ်ပြန်ဘူး။ရေခဲသေတ္တာမှာသုတ်ထားတဲ့ဆေးကလဲဓါတုပေဒဆေးတွေဖြစ်လို့ဇီနိုနဲ့မလွတ်ပြန်ဘူး။ရေခဲသေတ္တာထဲမှာအသီးအနှံတွေယူစားမယ်လုပ်တော့လဲစိုက်ပျိုးတုန်းကဓါတ်မြေသြဇာတွေပိုးသတ်ဆေးတွေသုံးထားတော့ကိုဇီနိုကမလွတ်ပြန်ဘူး။မထူးပါဘူးသောက်ရေသန့်ပဲသောက်တော့မယ်ဆိုပြီးတော့ပုလင်းလေးဆွဲထုတ်လိုက်တော့ပလတ်စတစ်ပုလင်းဖြစ်နေပြန်တယ်ဆိုတော့သူလဲမလွတ်ပြန်ဘူး။ဖန်ပုလင်းနဲ့လာတဲ့အချိုရေပဲသောက်တော့မယ်ဆိုပြီးဖန်ပုလင်းဆွဲထုတ်လိုက်တော့ဓါတုဗေဒဆိုးဆေးတွေဆိုးထားတော့မလွတ်ပြန်ဘူး။မထူးပါဘူးရေနွေးပဲတည်သောက်တော့မယ်ဆိုပြီးတော့လျှပ်စစ်ရေနွေးခရားကိုကောက်ကိုင်လိုက်တော့သူကလဲပလပ်စတစ်ဖြစ်နေပြန်တယ်။ရေနွေးခရားကစတီးဆိုရင်တောင်အဖုံးကပလပ်စတစ်ဖြစ်နေတယ်ဆိုတော့ဇီနိုကမလွတ်ပြန်ဘူး။ဘာမှလဲစားမနေသောက်မနေတော့ပါဘူး၊လေကောင်းလေသန့်လေးပဲရှုတော့မယ်ဆိုပြီးပြတင်းပေါက်ဖွင့်လိုက်တော့လေနဲ့အတူအရင်ဝင်လာတာကတော့လဲဇီနို၊မြို့ထဲမှာကားတွေမောင်းသွားတော့ကားအင်ဂျင်အိတ်ဇောကထွက်တဲ့ဇီနိုတွေလေထဲမှာလဲပြည့်နေပါလေ။အိမ်ထဲမှာလဲနံရံတွေမှာသုတ်ထားတဲ့ဆေးတွေကဇီနိုမလွတ်ပြန်ဘူး။ကားထဲမှာပဲသွားနေတော့မယ်ဆိုပြီးကားတံကားဖွင့်ဝင်လိုက်တော့ကားထဲကဒက်စ်ဘုတ်ကလဲဇီနိုမလွတ်ပြန်ဘူး။မထူးပါဘူးအိပ်ရာထဲဝင်ပြီးပြန်အိပ်တော့မယ်လုပ်တော့လဲ၊ခေါင်းဦးတွေစောင်တွေ၊ခြင်ထောင်တွေကဆပ်ပြာသုံးပြီးလျှော်ထားရလို့ဆပ်ပြာတွေအမွေးအကြိုင်တွေကနေလာတဲ့ဇီနိုတွေကကျန်နေပြန်ရော။အလှပဲပြင်တော့မယ်ဆိုပြီးကော်စမက်တစ်တွေမိတ်ကပ်တွေရေမွေးတွေလိမ်းမယ်ကြံလိုက်ရင်လဲအားလုံးမှာဇီနိုကပါနေပြန်ရော။မထူးပါဘူးဘုရားစင်ရှေ့သွားပြီးပုတီးပဲစိတ်တော့မယ်ဆိုပြီးတော့ပုတီးကောက်ကိုင်လိုက်တော့လဲပုတီးမှာအရောင်တင်ထားတဲ့ပေါလစ်ဆေးတွေကဇီနိုမလွတ်ပြန်ပါဘူး။ ————– ရှင်းရှင်းပြောရရင်တော့ခေါင်းပေါ်မှာလိမ်းထားတဲ့ခေါင်းလိမ်းဆီကနေပြီးတော့ခြေဖဝါးမှာစီးတဲ့ဖိနပ်အထိဆံပင်ဖျားကနေခြေဖျားအဆုံးသုံးလို့ရတဲ့ပစ္စည်းတွေထဲမှာဇီနိုအက်စထိုဂျင်နဲ့လွတ်တာဆိုလို့တခုမှကိုမရှိပါဘူး။အိမ်မှာဆိုရင်လဲကြမ်းမှာခင်းထားတဲ့ကြမ်းခင်းကအစပြုလို့ခေါင်မိုးမျက်နာကျက်မှာသုတ်ထားတဲ့သုတ်ဆေးအထိဆောက်လုပ်ရေးပစ္စည်းတွေအားလုံးမှာဇီနိုအက်စထရိုဂျင်(xenoestrogens)နဲ့လွတ်တာဘာမှကိုမရှိပါဘူး။ဇီနိုအက်စထရိုဂျင်နဲ့လွတ်ချင်ရင်တော့တနည်းပဲရှိတယ်၊လူမနှီးသူမနှီးဟိမဝန္တာတောတောင်တွေထဲသွားပြီးသစ်ရွက်မိုးကျောင်းလေးဆောက်ပြီးတယောက်ထဲနေမှပဲရတော့မယ်။ဒီခေတ်မှာဇီနိုအက်စထိုဂျင်နဲ့လွတ်တာဆိုလို့ဘာမှကိုမရှိတော့တာ။ကြာလေပိုဆိုးလေပိုမလွတ်လေပါပဲ။ပါတ်ဝန်းကျင်လေထုကလဲကြာလေညစ်ညမ်းလေ၊ဇီနိုပါဝင်မှုပိုများလာလေ။အမေရိကန်မှာဆိုရင်ဒီဇီနိုအက်စထိုဂျင်ကြောင့်အရွယ်မရောက်သေးတဲ့ခြောက်နှစ်လောက်ပဲရှိတဲ့ကလေးမလေးအချို့တွေတောင်မိန်းမအင်္ဂါအစိတ်အပိုင်းတွေကြီးထွားဖွံ့ဖြိုးလာပြီးငယ်ငယ်ရွယ်ရွယ်နဲ့ဓမ္မတာတွေစပြီးလာတဲ့ရောဂါတွေဖြစ်နေကြပြီ။စက်ရုံအလုပ်ရုံတွေနဲ့နီးတဲ့မြစ်တွေချောင်းတွေမှာငါးတွေပုဇွန်တွေဆိုရင်ဇီနိုအသ်စထရိုဂျင်ကြောင့်အထီးတွေပျောက်ပြီးအမတွေအဖြစ်ဘဝပြောင်းလဲသွားကြပါပြီ။ဒီခေတ်ကြီးမှာအဲဒီကင်ဆာဖြစ်စေတဲ့ဇီနိုအက်စထိုဂျင်ကိုရှောင်ဖို့ဆိုတာကတော့လုံးဝကိုမဖြစ်နိုင်တော့တာပါ။ဒါကြောင့်ဒီဟော်မုန်းနဲ့ပါတ်သက်တဲ့ကင်ဆာရောဂါတွေဟာလာမယ့်ဆယ်စုနှစ်တွေမှာလူတိုင်းနီးပါးဖြစ်လာလိမ့်မယ်လို့ကြိုတင်ပြီးအတိအကျသေချာပြောလို့ရတာပေါ့။တချို့ကဇီနိုကိုကြောက်လို့ရိုးရိုးပလတ်စတစ်ကိုမသုံးတော့ပဲ(BPA Free)ပလတ်စတစ်ဆိုပြီးဝယ်သုံးကြတယ်။ဒါပေမဲ့သိပ်တောမထူးပါဘူး(BPA Free)ခွက်နဲ့ရေထည့်သောက်လဲတခြားနေရာတွေကနေဇီနိုနဲ့တွေ့နေရဦးမှာပါပဲ၊အရှင်းကြီးတော့ဘယ်လိုမှမလွတ်နိုင်ပါဘူး။ဒီတော့ဒီကင်ဆာရောဂါတွေမဖြစ်ရအောင်ဘယ်လိုရှောင်ရမှာလဲ။ဒီဇီနိုကိုအလုပ်မလုပ်နိုင်အောင်ဘာလုပ်ရမလဲဆိုတာကိုသုသေသနတွေလုပ်ဖို့လိုလာပါပြီ။ဘာလုပ်ရမယ်ဆိုတာကိုတတိယပိုင်းတွင်ဆက်ရေးပေးပါမည်။အခုတော့နားပါဦးမည်။ ——- မှတ်ချက်။ဒီပို့စ်မှာရေးထားတဲ့အလွန်ဆိုးရွားတဲ့မဟော်မုန်းနဲ့အလားသဏ္ဍန်တူပြီးအကြီးအကျယ်ဒုက္ခပေးနိုင်တဲ့ပါတ်ဝန်းကျင်ပြင်ပကလာတဲ့ဇီနိုအက်စထရိုဂျင်ဆိုတာလူလုပ်တဲ့ဓါတုပစ္စည်းတွေကလာတဲ့ဆင်တက်တစ်ဇီနိုအက်စထိုဂျင်(synthetic xenoestrogens)ကိုသာဆိုလိုခြင်းဖြစ်ပြီး၊မိခင်သဘာဝကလာတဲ့(Natural Xenoestrogen)ဖြစ်တဲ့လူ့ကောင်းကျိုးပြု(Phytoestrogens)တွေကိုဆိုလိုထားခြင်းမဟုတ်ပါ။ Kelvin Albert Power ———————– WHERE ARE XENOESTROGENS FOUND? Hold on to …