American Best

Source from Kelvin A. Power’s Facebook on November 3, 2019 Diabetic Peripheral Neuropathy (DPN ) ဆီးချိုရှိတဲ့သူတွေအတွက်ဖြစ်စေ၊သွေးကြောထဲမှာသွေးတွေပြစ်ခဲနေလို့လေဖြတ်နိုင်ချေရှိနေတဲ့သူတွေအတွက်ဖြစ်စေအလွန်အရေးကြီးတဲ့ဓါတ်ပေါင်းနှစ်မျိုးကိုသုသေသနပြုပြီးတွေ့ရှိထားပါတယ်။ — ဆီးချိုသမားတွေမှာခြေလက်တွေကအာရုံကြောတွေထိခိုက်ပျက်စီးသွားပြီး၊ထုံကျင်၊နာကျင်၊ကိုက်ခဲနေတဲ့ဝေဒနာအမျိုးမျိုးကိုခံစားနေရတာကို(Diabetic Peripheral Neuropathy, DPN )လို့ခေါ်ပါတယ်။ဒီလိုဝေဒနာမျိုးမဖြစ်အောင်ကျွန်တော်တို့ဘယ်လိုကာကွယ်ပေးနိုင်မလဲ။ဘယ်လိုကုသပေးနိုင်မလဲ။ — တချို့ဆီးချိုမရှိတဲ့လူတွေမှာလဲကိုယ်လက်အင်္ဂါအစိတ်အပိုင်းတခုခုမှာထုံကျင်နေတာတို့၊ကြာရင်ဦးနှောက်နှင့်အာရုံကြောတွေထိခိုက်ပျက်စီးသွားပြီးရုတ်တရက်လေဖြတ်တာတို့၊ကိုယ်တပိုင်းသေသွားတာတို့၊ခြေလက်အင်္ဂါတွေအလုပ်မလုပ်နိုင်ပဲအပြီးတိုင်သေသွားတာတို့၊မသေရင်တောင်လေဖြတ်ပြီးတပိုင်းသေအိပ်ရာထဲလဲပြီး၊ဒုက္ခိတဘဝကိုတသက်လုံးရောက်သွားရတာတို့တွေဖြစ်နေတာတွေ့ရတော့တော်တော်လေးကိုစိတ်မကောင်းဖြစ်မိပါတယ်။အဲဒီအဖြစ်ဆိုးမျိုးမဖြစ်အောင်ကျွန်တော်တို့ဘယ်လိုကာကွယ်ကုသပေးနိုင်မလဲ။ — အမေရိကန်အစိုးရကအရေးကြီးတဲ့သုသေသနတွေအတွက်ဒေါ်လာသန်းပေါင်းထောင်နဲ့ချီပြီးသုံးစွဲနေတာဟာအလကားမဟုတ်ပါဘူး။ကျွန်တော်တို့တွေလဲဒီသုသေသနတွေကိုအခြေပြုပြီးတော့ကျွန်တော်တို့မြန်မာလူမျိုးဆီးချိုဝေဒနာသည်တွေ၊လေဖြတ်နိုင်တဲ့ဝေဒနာသည်တွေကိုကူညီစောင့်ရှောက်ဖို့လိုအပ်လှပါတယ်။ကျွန်တော်တို့တွေလဲဒီလိုခိုင်မာတဲ့သုသေသနတွေကိုအခြေပြုပြီးတော့ကိုယ့်လူမျိုးတွေအတွက်အကျိုးအမြတ်ရှိအောင်အသုံးချကြပါစို့။ — ခိုင်မာတဲ့သုသေသနတခု(https://www.ncbi.nlm.nih.gov/pmc/articles/PMC5009142/)ကဘာပြောလဲဆိုရင်(MC)နဲ့(ALC)လို့ခေါ်တဲ့သဘာဝဖြည့်စွက်စာပစ္စည်းတွေဟာ၊(DPN )လို့ခေါ်တဲ့အာရုံကြောထိခိုက်ပျက်စီးသွားပြီး၊ကိုယ်လက်အင်္ဂါတွေထုံကျင်၊နာကျင်၊ကိုက်ခဲနေတဲ့ဝေဒနာအမျိုးမျိုးတွေ၊ပြီးတော့ဦးနှောက်နဲ့အာရုံကြောစနစ်ပျက်စီးသွားပြီး၊လေဖြတ်သလိုကိုယ်လက်အင်္ဂါတွေသေဆုံးသွားတာတွေအတွက်အကာအကွယ်ပေးနိုင်ရုံတင်မကပဲ။ကုသမှု့ကိုပါအထောက်အကူပေးနိုင်ပါတယ်တဲ့။ (MC)တခုတည်းသုံးရင်ဖြစ်ဖြစ်၊(ALC)တစ်ခုတည်းသုံးရင်ဖြစ်ဖြစ်၊အဲဒီဦးနှောက်နဲ့အာရုံကြောရောဂါတွေကိုကာကွယ်ကုသပေးနိုင်တယ်လို့တိတိကျကျဖေါ်ပြထားပါတယ်။ဒါဆိုရင်အဲဒီသုတေသနရဲ့အကျိုးအမြတ်ကိုယူပြီးနှစ်ခုစလုံးတပြိုင်တည်းပေါင်းသုံးမယ်ဆိုရင်တော့၊(Mutal Benefit)ခေါ်တဲ့နှစ်မျိုးပေါင်းပြီးစုစုစည်းစည်းအလုပ်လုပ်နိုင်လို့အကျိုးအမြတ်အဆပေါင်းများစွာပိုရရှိနိုင်ပါမယ်။ — သို့သော်ဆေးနှစ်မျိုးပေါင်းလိုက်ရင်အာနိသင်အရမ်းပြင်းထန်လွန်းတဲ့အတွက်ရင်တုန်တတ်ပါတယ်။(ALC 1000mg)သို့မဟုတ်(1200mg)လောက်ကိုမနက်မိုးလင်းအိပ်ရာကထထခြင်းဘာမှမစားခင်မှာအစာနဲ့ခွာပြီးေရေတဖန်ခွက်နဲ့သောက်သင့်ပါတယ်။(MC)ကိုတော့ညအိပ်ရာဝင်ခါနီး(5000mcg)ကိုမြိုမချပဲ၊ဆေးလုံးကိုလျှာအောက်မှာအကုန်တဖြည်းဖြည်းပျော်ဝင်သွားသည်အထိငုံထားသင့်ပါတယ်။ — နှစ်ခုလုံးကိုတော့အာနိသင်ပြင်းလွန်းလို့တပြိုင်တည်းမသောက်စေလိုပါဘူး။(ALC 1000mg)သို့မဟုတ်(1200mg)ကိုအိပ်ရာထထခြင်းအစာအိမ်ထဲမှာအစာမရှိသေးခင်၊အစာနဲ့ခွါသောက်ရင်ပိုပြီးစုပ်ယူနိုင်ပါတယ်။(MC)ကတော့အူထဲကနေစုပ်ယူအားနည်းပြီးလျှာအောက်ကနေစုပ်ယူအားပိုများလို့ညအိပ်ရာဝင်ခါနည်းမှာတဖြည်းဖြည်းပျော်အောင်ငုံထားရပါတယ်။ —– သုတေသနမှာဖေါ်ပြထားတဲ့(MC)နဲ့(ALC)ဆိုတာတစ်ခြားမဟုတ်ပါဘူး၊(Methylcobalamin နဲ့ Acetyl L carnitine)နှစ်မျိုးကိုပြောနေတာပါပဲ။ဒီနှစ်မျိုးဟာဆီးချိုသမားတွေ၊လေဖြတ်နိုင်သူတွေ၊ဦးနှောက်နဲ့အာရုံကြောဝေဒနာသည်တွေတင်မကပါဘူး။ကျန်းမာပြီးရောဂါကင်းနိုင်ဖို့အတွက်၊လူတိုင်းလူတိုင်းအတွက်အကျိုးပြုနိုင်ပါတယ်။(Acetyl L carnitine)ဆိုတာရိုးရိုး(L carnitine )နဲ့မတူပါဘူး။ — ကျွန်တော်တို့(American Best )ကလဲဒီဆေးနှစ်မျိုးလုံးကိုအရည်အသွေးကောင်းမွန်စွာနဲ့သေချာထုတ်ပါတယ်။(American Best)ကနေဝယ်သောက်မှရမယ်လို့မဆိုလိုပါဘူး။ကြိုက်တဲ့နေရာကဝယ်ပါ။အရည်အသွေးစစ်မှန်ဖို့နဲ့၊ကလုန်းဆေးအတုတွေမမိရင်ပြီးတာပါပဲ။ — ဒီဓါတ်ပေါင်းနှစ်မျိုးအတွက်သုသေသနကတစ်ခုတည်းတော့မဟုတ်ပါဘူး။ကိုယ်တိုင်အင်္ဂလိပ်လိုဖတ်ရှူလေ့လာနိုင်အောင်(Post)ရဲ့နောက်ဆုံးမှာသုသေသနစာတန်းပေါင်းများစွာကို(Reference Links) …

ဆီးချိုရှိတဲ့သူတွေအတွက်ဖြစ်စေ၊သွေးကြောထဲမှာသွေးတွေပြစ်ခဲနေလို့လေဖြတ်နိုင်ချေရှိနေတဲ့သူတွေအတွက် Read More »

Source from Kelvin A. Power’s Facebook on October 26, 2019 ကျွန်တော်လဲအရေးကြီးတဲ့ကင်ဆာနဲ့ပါတ်သက်တဲ့သုတေသနတွေလုပ်နေရတာနဲ့(Post)အသစ်တွေတောင်မရေးဖြစ်တာကြာနေပြီ။ကျွန်တော့်ကိုယုံကြည်အားကိုးနေကြတဲ့လူတွေထဲမှာတချို့ဆိုရင်အလွန်ဆိုးရွားပြီးကြောက်စရာကောင်းလှတဲ့ကင်ဆာရောဂါတွေ(၃)(၄)မျိုးလောက်ဖြစ်နေရတဲ့လူတွေရော၊ကင်ဆာဆဲလ်တွေတကိုယ်လုံးပြန့်ပွားနေတဲ့လူတွေရော၊မိမိကိုယ်မိမိသေလူအဖြစ်သတ်မှတ်ထားခံရတဲ့ကင်ဆာရောဂါသယ်တွေရောပါဝင်နေကြပါတယ်။ — ဒီခောတ်ဆေးပညာအရ(ကီမိုသရဖီ)နဲ့ကုတာတို့(ဓါတ်ကင်)တာတို့ဟာကင်ဆာရောဂါကိုပျောက်အောင်မကုသနိုင်သေးတဲ့အပြင်အလွန်ဆိုးရွားလှတဲ့ဆိုးကျိုးအပြစ်တွေကိုပါဖြစ်ပေါ်လာစေနိုင်ပါတယ်။ဒီခောတ်ကုသနည်းတွေဟာဈေးလဲကြီး၊ထိရောက်မှု့လဲမရှိတဲ့အပြင်၊ဘေးထွက်ဆိုးကျိုးတွေကြောင့်ခန္ဓာကိုယ်၏(ခုခံအားစနစ်)ပျက်စီးသွားပြီး၊ရောဂါသယ်တွေကိုမသေမချင်းအလွန်ပြင်းထန်တဲ့ဝေဒနာဆိုးတွေနဲ့ပါနှိပ်စက်သတ်ဖြတ်နိုင်ပါသေးတယ်။ — ဈေးနုန်းကလဲချိုသာပြီး၊ကင်ဆာရောဂါကိုကာကွယ်နိုင်တဲ့၊သက်သာစေနိုင်ဖို့အထောက်အကူပြုမဲ့ဘေးထွက်ဆိုးကျိုးလုံးဝမရှိတဲ့သဘာဝဆေးတွေကတော့လိုအပ်နေပါပြီ။ကျွန်တော်လဲအစွမ်းရှိသလောက်တော့ကျွန့်တော့်ကိုယုံကြည်အားကိုးနေသူတွေအတွက်ဆေးကောင်းဝါးကောင်းတွေထုတ်လုပ်ပေးနိုင်ဖို့ကျိုးစားပြီးသုသေသနတွေလုပ်နေပါတယ်။အလုပ်မလုပ်ပဲပျောက်နေတာတော့မဟုတ်ပါဘူး။လူတွေအတွက်အလွန်ထိရောက်ပြီးအကျိုးတကယ်ရရှိစေမဲ့ဆေးဝါးမျိုးထုတ်လုပ်ပေးနိုင်ဖို့သုသေသနပေါင်းရာထောင်ချီပြီးစီစစ်လေ့လာနေရပါတယ်။ — မြန်မာပြည်ဟာတိုင်းပြည်ဆင်းရဲသလောက်၊ကင်ဆာရောဂါဖြစ်တဲ့လူတွေအလွန်များပြားနေပါတယ်။အရင်တုံးကကင်ဆာရောဂါသယ်ဆိုတာသိပ်ကိုရှားပါးပါတယ်။အခုကတော့နေရာတိုင်းမှာငယ်ငယ်ရွယ်ရွယ်နဲ့ကင်ဆာရောဂါကြောင့်အသက်ဆုံးရံှုးကြရတဲ့လူတွေနေ့စဉ်နေ့တိုင်းတွေ့နေကြားနေရလို့မထူးဆန်းတော့ပါဘူး။နောင်နှစ်(၂၀)လောက်မှာလူ(၅)ယောက်မှာ(၄)ယောက်လောက်ကကင်ဆာအမျိုးမျိုးထဲကတမျိုးမျိုးဖြစ်လာဖို့သေချာသလောက်ကိုရှိနေပါပြီ။ — ကျွန်တော်ဆိုလိုချင်တာကကင်ဆာရောဂါဆိုတာလူတိုင်းနဲ့ဆိုင်တဲ့ပြဿနာဖြစ်နေပါပြီ။။မိမိမှာမဖြစ်သေးဘူး(သို့မဟုတ်)မိမိဖြစ်နေတာကိုမသိရသေးဘူးဆိုပြီးတော့ပေါ့ပေါ့ဆဆမနေသင့်တော့ပါဘူး။ဘယ်လိုကြိုတင်ကာကွယ်ထားရမယ်၊ဖြစ်လာရင်ဘယ်လိုကုသရမယ်ဆိုတာကြိုတင်ဆုံးဖြတ်ထားဖို့အထူးလိုအပ်နေပါပြီ။ — ကင်ဆာအမျိုးမျိုးထဲကတမျိုးမှမဖြစ်အောင်ကာကွယ်နိုင်ဖို့၊ဖြစ်နေရင်လဲပျောက်အောင်ကုသနိုင်ဖို့၊မိခင်သဘာဝကပေးတဲ့အလွန်ထိရောက်ပြီးဘေးထွက်ဆိုးကျိုးမရှိတဲ့သဘာဝပစ္စည်းတွေရှိနေပါတယ်။ဒါပေမဲ့ဒီခောတ်ဆေးကုမ္ပဏီကြီးတွေကအဲဒီလိုဆေးပစ္စည်းတွေကိုလူတွေမသိအောင်မသုံးနိုင်အောင်လိုက်ပြီးတော့ဖုံးဖိဖျက်ဆီးပြီးသတင်းအမှန်အချက်အလက်တွေကိုဖျောက်ဖျက်ထားကြပါတယ်။ — တကယ်လို့သာမိခင်သဘာဝကပေးတဲ့ဘေးထွက်ဆိုးကျိုးမရှိတဲ့သဘာဝပစ္စည်းတစ်ခုခုကကင်ဆာရောဂါအမျိုးမျိုးကိုပျောက်အောင်ကုနိုင်မယ်ဆိုရင်၊အရင်းရှင်တွေဒေါ်လာသန်းထောင်နဲ့ချီ၊ရင်းနှီးမြုတ်နှံထားတဲ့ဈေးကြီးပြီးသုံးမရတဲ့အန္တရာယ်အလွန်များတဲ့ကီမိုတို့၊ဓါတ်ကင်တာတို့ဟာအကြီးအကျယ်အရံှုးပေါ်နိုင်ပါတယ်။ — အရင်းရှင်တွေရဲ့ကင်ဆာကုသနည်းဟာရင်းနှီးမြုတ်နှံမှု့အလွန်များပြီးအကျိုးအမြတ်လဲအလွန်များပါတယ်။(၂၀၁၇)မှာကင်ဆာရောဂါသယ်တွေဆီကဝင်ငွေအမေရိကန်ဒေါ်လာသန်းထောင်ပေါင်း ($121 billion) ရရှိထားပြီး။(၂၀၁၈)မှာဆိုရင်($147 billion)ဝင်ငွေရရှိနေပါတယ်။အရင်းရှင်တွေက(၂၀၂၂)မှာ($172.6 billion)ရရှိဖို့ရင်းနှီးမြုတ်နှံထားပါတယ်။ကင်ဆာတစ်ကယ်ကုနိုင်တဲ့ဆေးကိုရှာတွေ့သွားရင်အရင်းရှင်တွေဆုံးရှုံးသွားမှာဖြစ်လို့တမင်ကိုမရှာဖွေကြတာပါ။တွေ့ရှိထားတာတွေကိုလဲဖုံးဖိထားကြတာပါ။သဘာဝဆေးကကင်ဆာတွေကိုပျောက်နိုင်ပါတယ်လို့အမှန်အတိုင်းထုတ်ပြောလိုက်ရင်နှစ်စဉ်ဝင်ငွေဒေါ်လာသန်းထောင်ပေါင်းရာနဲ့ချီပြီးဆေုံးရှုံးနိုင်ပါတယ်။ — အမေရိကန်နိုင်ငံမှာဆရာဝန်ကသေပြီဆိုပြီးလက်လျှော့လိုက်ရလို့မိမိကိုယ်ကိုသဘာဝဆေးတွေနဲ့ကုသလိုက်လို့ပျောက်ကင်းသွားပြီး၊မိမိကိုယ်ကိုကင်ဆာရောဂါပျောက်အောင်သဘာဝဆေးတွေသုံးပြီးကုသလို့သူများကိုလဲလမ်းညွန်ပေးလို့ထောင်ကျသွားတဲ့လူတွေလဲအများကြီးရှိနေပါတယ်။အမေရိကားမှာဒီဆေး၊ဒီဆေးဟာကင်ဆာပျောက်တယ်။ကင်ဆာကိုပျောက်အောင်ကုသလို့ရတယ်လို့ပြောရင်ဥပဒေအရထောင်ကျနိုင်ပါတယ်။ဒီဆေး၊ဒီဆေးဟာကင်ဆာရောဂါသယ်တွေအတွက်အထောက်အကူပြုနိုင်တယ်။သက်သာစေနိုင်ပါတယ်လို့ပြောရင်တော့ဥပဒေအရဖမ်းဆီးထောင်ချလို့မရပါဘူး။လွတ်ကင်းပါတယ်။ဒါကြောင့်ကင်ဆာကိုပျောက်အောင်ကုနိုင်တယ်ဆိုတဲ့စကားမျိုးကိုကျွန်တော်တို့တွေလဲရှောင်ရှားပြီးသုံးရပါလိမ့်မယ်။ — တချို့လူတွေက(Vitamin B17)လို့ခေါ်တဲ့ (Amygdalin)ဓါတ်ပေါင်းကကင်ဆာဆဲလ်တွေကိုသေစေနိုင်တယ်လို့ပြောဆိုနေကြပါတယ်၊ကင်ဆာရောဂါကိုပျောက်အောင်ကုသနိုင်တယ်လို့လဲပြောနေကြပါတယ်။သုသေသနလုပ်ကြည့်လိုက်တော့၊(Amygdalin)ဟာကင်ဆာဆဲလ်တွေကိုသေစေနိုင်တယ်ဆိုတာဖန်ပေါင်းချောင်ထဲမှာထည့်ပြီးစမ်းသပ်ကြည့်ရင်တော့မှန်ပါတယ်။ဒါပေမဲ့လက်တွေ့မှာလူ့ခန္ဓာကိုယ်ထဲထည့်ပေးလိုက်ရင်တော့ကင်ဆာဆဲလ်တွေကိုသေစေနိုင်သလိုကောင်းမွန်စွာအလုပ်လုပ်နေတဲ့ဆဲလ်အကောင်းတွေကိုလဲသေစေနိုင်ပါတယ်။ပြင်းထန်စွာ(cyanide poisoning)အဆိပ်ဖြစ်ပြီးအသက်ပါသေစေနိုင်လို့(USA)မှာတော့(FDA)ကပိတ်ထားပါတယ်။ — B17 ဟာကင်ဆာဆဲလ်တွေကိုသေစေနိုင်သလို။လူ့ခန္ဓာကပုံမှန်ဆဲလ်တွေကိုလဲအဆိပ်သင့်ပြီးသေစေနိုင်လို့အသက်အန္တရာယ်ရှိပါတယ်။ကင်ဆာရောဂါနဲ့မသေရအောင်လို့ကင်ဆာဆဲလ်သေချင်သေ၊မသေရင်လဲကိုယ်သေဆိုပြီးတော့အဆိပ်သောက်ပြီးကုသရတဲ့စွန့်စားမှု့မျိုးဖြစ်လို့မှန်ကန်တဲ့ကုသနည်းလုံးဝမဟုတ်သလိုကျွန်တော်လဲအားမပေးချင်ပါဘူး။ — ဘေးထွက်ဆိုးကျိုးလုံးဝမရှိပဲတကယ်ကောင်းပြီးထိရောက်တဲ့သဘာဝဓါတ်ပေါင်းတွေကျွန်တော်ရှာဖွေတွေ့ရှိထားပါတယ်။ဒါပေမဲ့ကင်ဆာပျောက်တယ်ဆိုတဲ့စကားကိုမသုံးသင့်လို့ကျွန်တော်မသုံးပါဘူး။ကင်ဆာရောဂါအတွက်အထောက်အကူပြုတယ်လို့ပဲနောက်ပိုင်းသုံးစွဲပါရစေ။ — ကျွန်တော်တို့(American Best)ကနောက်ထုတ်တဲ့(Super Antioxidant)မှာပါတဲ့အန်တိုင်အောက်ဆီဒိုက်ဓါတ်ပေါင်းတွေထဲကတမျိုးတည်းတောင်မှသားအိမ်ခေါင်းကင်ဆာအဖုအကြိတ်ကြီးကိုကြုံ့သွားသေးငယ်သွားစေတာတွေ့ရပါတယ်။ပုံမှာပြထားတဲ့သုသေသနကယူထားတဲ့ပုံဟာအမေရိကန်အစိုးရအသိအမှတ်ပြုထားတဲ့သုသေသနတခုကနေကူးယူထားတာဖြစ်ပါတယ်။ — ကျွန်တော်တို့အသစ်စထုတ်တဲ့(Super Antioxidant)မှာပါတဲ့ဓါတ်ပေါင်းတွေများစွာထဲမှာမှတစ်မျိုးထဲတောင်မှ(Antioxidant)စွမ်းအားဟာ(Natural Vitamin E)ထက်အဆ(၂၀)လောက်ပိုပြီးပြင်းထန်စွမ်းအားကြီးမားပြီးတော့၊(Vitamin C)ထက်အဆပေါင်း(၅၀)လောက်ပိုပြီးပြင်းထန်စွမ်းအားကြီးမားတယ်လို့သိပ္ပံပညာရှင်တွေရှာဖွေစမ်းသပ်တွေ့ရှိထားပါတယ်။ဒီလိုပြင်းထန်တဲ့အန်တိုင်အောက်ဆီဒိုက်စွမ်းအားကြောင့်တခြားရောဂါသေးသေးမွားမွားတွေကိုမဆိုထားနဲ့သားအိမ်ခေါင်းကင်ဆာရဲ့ကင်ဆာဆဲလ်တွေကိုသေစေနိုင်လို့ကျူမာအရွယ်အစားကိုတောင်(၃၉)ရက်အတွင်းမှာမှုလနုန်းအတိုင်းမကြီးထွားမပွားများနိင်ပဲ((ငါးပုံတစ်ပုံ)လောက်အထိသေးငယ်သွားစေနိုင်ပါတယ်။ — ဒီဆေးထဲမှာပါတဲ့ဓါတ်ပေါင်းများစွာရဲ့အထွေထွေရောဂါတွေကိုကာကွယ်ကုသနိုင်တဲ့အကျိုးအာနိသင်တွေများပြားလွန်းလို့သုသေသနအထောက်အထားပေါင်းရာနဲ့ချီကိုလဲရှိနေပါတယ်။ဘာရောဂါတွေကိုဘယ်လိုပျောက်ကင်းစေနိုင်တယ်၊ကာကွယ်ပေးနိုင်တယ်ဆိုတာနောက်မှသုတေသနအထောက်အထားတွေတခုချင်းတင်ပြပြီးဆက်ရေးပေးပါမယ်။အခုတော့အချိန်မရလို့ဒီလောက်ပါပဲ။နောက်ပို့စ်တွေကြရင်တော့သုသေသနတွေကိုကိုယ်တိုင်လေ့လာနိုင်အောင်သေချာ(References)လင့်တွေပါချပေးပါမယ်။အခုတော့မြန်မာတွေအတွက်ကြိုတင်ပြီးသတင်းကောင်းပေးလိုက်တဲ့သဘောမျိုးပါပဲ။ — …

(ကီမိုသရဖီ)နဲ့(ဓါတ်ကင်)တာတို့ဟာကင်ဆာရောဂါကိုပျောက်အောင်မကုသနိုင်သေးတဲ့အပြင်အလွန်ဆိုးရွားလှတဲ့ဆိုးကျိုးအပြစ်တွေကိုပါဖြစ်ပေါ်လာစေနိုင်ပါတယ် Read More »

Source from Kelvin A. Power’s Facebook on October 13, 2019 (Vitamin E) က(Prostate Cancer)ခေါ်ဆီးကျိတ်ကင်ဆာကိုဖြစ်စေနိုင်တယ်လို့ရေးထားတဲ့(Post)တခုတွေ့လို့၊(Vitamin E) သောက်ရင်ကင်ဆာဖြစ်နိုင်တယ်ဆိုတာမှန်ပါသလားလို့ကိုချမ်းမြေ့ကကျွန်တော့်ကိုလာမေးထားပါတယ်။ — ခွဲခြားပြီးမမေးပဲနဲ့ရောပြီးမေးလာတော့၊ဟုတ်ပါတယ်၊မှန်ပါတယ်၊ဖြစ်နိုင်ပါတယ်လို့ပဲအလွယ်ဖြေရပါလိမ့်မယ်။ချက်ချင်းလဲလှန့်မသွားပါနဲ့၊လောကမှာ(99%)လောက်မှန်နေပြီး(1%)ပဲမှားနေတဲ့အရာတွေကိုအလွယ်တကူဖြေရမယ်ဆိုရင်(99%)ဖက်ကိုလိုက်ပြီးမှန်တယ်လို့အကြမ်းပြင်းဖြေရပါလိမ့်မယ်။(Vitamin E)သောက်ရင်ကင်ဆာဖြစ်နိုင်ပါသလား?လို့မေးရင်မှန်ပါတယ်။ဖြစ်နိုင်ပါတယ်လို့ပဲအရင်ဖြေရပါလိမ့်မယ်။ — ဘာကြောင့်ဒီလိုဖြေရသလဲဆိုတော့ကမ္ဘာမှာလူတွေသုံးစွဲနေတဲ့(Vitamin E)ဆိုတာဟာ(99%)က(Synthetic Vitamin E)ခေါ်တဲ့အရင်းရှင်တွေအတုလုပ်ထားတဲ့သဘာဝမဟုတ်ပဲသဘာဝကိုတုပထားတဲ့(Vitamin E)တွေပါပဲ။ချွင်းချက်အဖြစ်မိခင်သဘာဝကနေထုတ်ယူထားတဲ့(Natural vitamin E)ဆိုတာကတော့ဈေးကွက်ထဲမှာ(1%)လောက်ပဲရှိနေပါတော့တယ်။ — (Vitamin E) က(Prostate Cancer)ခေါ်ဆီးကျိတ်ကင်ဆာကိုဖြစ်စေနိုင်တယ်လို့ရေးထားတာမှန်ပါသလားလို့ခြုံပြီးမေးရင် (၉၉%)မှန်နေလို့၊ဟုတ်ပါတယ်၊မှန်ပါတယ်လို့ပဲဖြေရပါလိမ့်မယ်။မေးသူကတိတိကျကျ(Natural Vitamin E)ကကင်ဆာဖြစ်သလား၊(synthetic vitamin E)ကင်ဆာဖြစ်သလားဆိုတာခွဲခြားပြီးမေးလာရင်တော့အဖြေကတစ်မျိုးစီဖြစ်သွားပါလိမ့်မယ်။ —- (Vitamin E)ကင်ဆာဖြစ်တယ်လို့ကြားလိုက်တာနဲ့လန့်မသွားကြပါနဲ့၊ဒီနေရာမှာကင်ဆာဖြစ်စေတယ်ဆိုတဲ့(Vitamin E)ဆိုတာဘယ်(Vitamin E)အမျိုးအစားကိုသုံးပြီးသုသေသနလုပ်ထားသလဲဆိုတာသေသေချာချာသိရှိနိုင်ဖို့၊မှုလပင်ရင်းသုသေသနကိုရှာဖွေပြီးအသေးစိတ်သေချာစွာလေ့လာဖတ်ကြည့်တော့မှတိတိကျကျသိနိုင်ပါတော့မယ်။ကျွန်တော်နဲ့အတူမှုရင်းသုသေသနတွေကိုရှာဖွေလေ့လာကြည့်ကြရအောင်။ — ဒီကိစ္စနဲ့ပါတ်သက်ပြီး(Google)မှာသုသေသနတွေကိုရှာကြည့်လိုက်တော့။ (၂)ပထမလင့်က(Vitamin E)ကကင်ဆာဖြစ်စေတယ်လို့တိုက်ရိုက်မရေးပေမဲ့၊ကင်ဆာကိုမကာကွယ်နိုင်ပါဘူး။ “Dietary Supplements Fail to Prevent Prostate Cancer “လို့သွယ်ဝိုက်ပြီးရေးထားတာတခုတွေ့ပါတယ်။ပထမလင့်ကဒီမှာပါ။ https://www.nih.gov/…/dietary-supplements-fail-prevent… …

(Vitamin E) သောက်ရင်ကင်ဆာဖြစ်နိုင်တယ်ဆိုတာမှန်ပါသလား Read More »

Source from Kelvin A. Power’s Facebook on October 5, 2019 MK7 နဲ့ MK4 နှစ်မျိုးစလုံးအသုံးဝင်ပါတယ်။(Mk7)က(MK4)ထက်(၃၃)ပိုပြီးပြင်းအားများပါတယ်။MK7(45 ug)ကMK4(1500 ug)နဲ့ညီပါတယ်။ဘာကွာသလဲလို့သိချင်ရင်နွားနို့ထဲကိုရေ(33)ဆလောက်ရောထားပြီး၊ရေလုံးဝမရောတဲ့နွားနို့စစ်စစ်နဲ့ယှဉ်သောက်ကြည့်လိုက်ပါ။အရသာဘယ်လောက်ကွာလဲသိလာပါလိမ့်မယ်။ခန္ဓာကိုယ်မှာအဲဒီလောက်အထိအကျိုးပြုပုံခြင်းကွာခြားပါတယ်။ ———— နွားနို့စစ်စစ်တစ်ခွက်နဲ့ရေ(၃၃)ဆရောထားတဲ့နွားနို့ကိုဈေးအတူတူပေးပြီးဝယ်သောက်တဲ့လူဆိုရင်တော့မသိလို့နားမလည်လို့ဂျင်းမိတာပါပဲ။အောက်ကသုသေသနတစ်ခု(«Comparison of Menaquinone-4 and Menaquinone-7 bioavailability in healthy women». Nutritional Journal 2012)ကပုံကိုကြည့်ပါ။MK4 ဆိုတာဘာမှသုံးစားလို့မရတဲ့ဂျင်းသက်သက်ပါပဲ။ — MK7 မှသာစစ်ပါတယ်။ MK4 ဆိုတာဂျင်းသက်သက်ပါပဲ။MK7 ကိုခိုချင်လို့ MK4 ကိုဂျင်းထည့်ရောင်းတာပါပဲ။ — ကျွန်တောတို့(American Best)ကလဲ(K2)အရည်အသွေးကောင်းကောင်းမကြာခင်ထုတ်တော့မှာပါ။ဒါပေမဲ့(MK7)စစ်စစ်ပဲထုတ်မှာပါ။သူများတွေလို(K1)နဲ့(K2, MK4)ရောပြီးဂျင်းမထည့်ပါဘူး။ — လဖက်ကောင်းကောင်းစားချင်ရင်တော့ပလောင်တောင်တက်နှေးရတယ်ဆိုတဲ့စကားရှိပါတယ်။စောင့်ပေးပါ၊ပလောင်တောင်တက်နေပါတယ်။ — Kelvin A Power

Source from Kelvin A. Power’s Facebook on October 5, 2019 မေး။ကျနော်အသက်၅၅ ပါဆရာ။ အသက်၅၀ကျော်ရင် D3 သောက်ရင် K2 သောက်စရာမလိုဘူးလို့သိရပါတယ်ဆရာ။ မှန်မမှန်သိပါရစေခင်ဗျာ။ ————— (D3)သောက်ရင်(K2) သောက်ရမယ်လို့တော့မဟုတ်ပါဘူး။သောက်ရင်လဲရပါတယ်၊မသောက်ရင်လဲရပါတယ်။။အထူးသဖြင့်အမျိုးသမီးတွေ(၅၀)ကျော်သွေးဆုံးလို့အရိုးတွေဆွေးမှာစိုးလို့ကာကွယ်နိုင်မလားဆိုပြီးတော့(K2)သောက်ကြတာပါ။ဒါပေမဲ့ခက်တာကလူတွေကအသက်ကြီးရင်သွေးတွေပျစ်လာတတ်ကြပါတယ်။ — သွေးပျစ်လာတော့သွေးကောင်းကောင်းမလည်ပါတ်နိုင်ဘူး။မလည်ပါတ်နိုင်တော့သွေးဖိအားတွေများပြီးသွေးတိုးရောဂါဖြစ်လာတယ်။နှလုံးကသွေးတွေကိုမနိုင်မနင်းတွန်းကန်ထုတ်ရတော့နှလုံးကြွက်သားတွေရောင်ပြီးနှလုံးကြီးလာတယ်။ — (K1)ဆိုတာကသွေးကိုပျစ်ခဲစေပြီး(K2) ဆိုတာကသွေးကိုမပျစ်စေနိုင်ပါဘူး။(K2)ကအင်ဆူလင်အလွန်နည်းနေတဲ့(Ketosis)အခြေအနေမှာဆိုရင်(COQ10)နဲ့ပေါင်းပြီး၊(Ketone)တွေအကူအညီနဲ့သွေးကြောတွေကိုတောင်ရှင်းလင်းပေးနိုင်ပါတယ်။ (K1)ကတော့အသက်ကြီးလာသူတွေမှာသွေးခဲပြီးသွေးကြောတွေပိတ်စေနိုင်လို့(K2)နဲ့ဆန့်ဆန့်ကျင်ဖက်သဘောပါ။ — (K1)ကသွေးကိုပျစ်စေတဲ့အတွက်အသက်ကြီးပြီးသွေးပျစ်နေသူတွေအတွက်သွေးကြောတွေကိုပိတ်စေနိုင်တယ်။လေဖြတ်နိုင်တယ်။နှလုံးသွေးကြောပိတ်သေနိုင်တယ်။ဦးနှောက်သွေးကြောပိတ်သေနိုင်တယ်။သွေးကြောထဲမှာသွေးခဲစေနိုင်တယ်။ — ယောင်္ကျားဖြစ်ဖြစ်၊မိန်းမဖြစ်ဖြစ်အသက်(၅၀)ကျော်ရင်သွေးကအလိုလိုပျစ်လာတယ်။သွေးပျစ်လာလို့(K1)ဆေးသောက်ပေးစရာမလိုအပ်ဘူး။အစိမ်းရောင်ဟင်းသီးဟင်းရွက်စားပေးရင်(K1)ကလုံလောက်တာထက်ပိုနေပြီ။သွေးကျဲနေတဲ့လူငယ်တွေ(K1)သောက်တာပြသနာမရှိပါဘူး။ — အသက်ကြီးပြီးသွေးပြီးပျစ်နေတဲ့လူတွေ(K1)သောက်တာဟာ၊အဆိပ်သောက်နေတာနဲ့အတူတူပါပဲ။(Vitamin K1)နဲ့(Vitamin K2)ဆိုတာပေါင်းပြီးကိုမထုတ်လုပ်သင့်ဘူး။ — ဟင်းသီဟင်းရွက်လဲမကြိုက်၊သွေးလဲကျဲနေတဲ့ကလေးသူငယ်တွေမှာ၊ချော်လဲတာတို့၊ဒူးပြဲတာတို့၊လက်ဓါးထိတာတို့အစရှိတဲ့ထိခိုက်ဒဏ်ရာရရင်သွေးထွက်တယ်။အဲဒီသွေးတွေသိပ်အောင်၊ခဲသွားအောင်(K1)ကလုပ်ဆောင်ပေးတယ်ဆိုတော့လိုအပ်လှပါတယ်။ ဒါပေမဲ့သွေးပျစ်နေတဲ့လူကြီးတွေမှာကြတော့(K1)သွားသောက်ရင်သွေးကြောထဲမှာသွေးခဲတဲ့အန္တရာယ်ရှိတယ်။(K1)နဲ့(K2)တွဲထုတ်တဲ့ဆေးတွေကတစ်ကယ်တော့ရောင်းကောင်းအောင်အရင်းရှင်တွေကဂျင်းထည့်လိုက်တာ။ကောင်းကျိုးမပြုတဲ့အပြင်အန္တရာယ်တောင်ဖြစ်လာနိုင်ပါတယ်။ — ဟင်းသီးဟင်းရွက်ကလာတဲ့သဘာဝ(K1)ကတော့လွန်တယ်များတယ်လို့မရှိပါဘူးခန္ဓာကိုယ်ကလိုရင်စုပ်ယူမယ်၊မလိုရင်စွန့်ထုတ်ပြစ်မှာပါပဲ။အန္တရယ်ရှိတာကအရှင်းရှင်တွေဓါတုဗေဒနည်းနဲ့လုပ်ထားတဲ့၊ (synthetic=လက်လုပ်ဖြစ်သော)(K1)ကိုပြောတာပါ။ဟင်းသီးဟင်းရွက်ကြိုက်သလောက်စားလို့ရပါတယ်။(synthetic)(K1)ကိုမသောက်ဖို့ပဲပြောတာပါ။ — သာမှန်အားဖြင့်အသက်(၃၀)ကျော်ရင်တောင်(K1)မသောက်သင့်တော့ဘူး။(K2)ထဲ(K1)ရောထည့်လိုက်တာဟာ(K2)ကဈေးကြီးလို့ပေါတဲ့(K1)နဲ့ရောပြီးဂျင်းထည့်လိုက်တာပဲ။ဆန်ရောင်းတဲ့လူကဆန်ကိုပြည်ချိန်တိုးအောင်ပြည်ခိုးချင်လို့၊ဈေးကြီးတည့်ဆန်ထဲဈေးပေါတဲ့ဖွဲထည့်ပြီးရောင်းသလိုပါပဲ။(K1)ကိုရှောင်ကြပါ။အလွန်အန္တရာယ်ကြီးပါတယ်။မိမိခန္ဓာကိုယ်ထဲကသွေးကြောတခုခုပိတ်သွားရင်အစိတ်အပိုင်းတခုခုပျက်ဆီးသေဆုံးသွားရင်ဘယ်လိုမှပြန်မကောင်းနိုင်ပါဘူး။ပြန်ကောင်းအောင်ကုရာနတ္တိဆေးလဲမရှိပါဘူး။အသက်အန္တရာယ်လဲရှိပါတယ်။ – ပြည်ချိန်တိုးအောင်ဆန်ထဲဖွဲထည့်ပြီးရောင်းသလို၊(K2)ထဲကို(K1)ရောထည့်ပြီးရောင်းရင်တော့လူကြီးတွေအတွက်ကောင်းကျိုးမရနိုင်ပဲဆိုးကျိုးသာလျှင်ပိုရရှိနိုင်ပါတယ်။ကလေးတွေ၊လူငယ်တွေအတွက်ကတော့(K1)နဲ့(K2)ရောထားတဲ့ဆေးသောက်လို့ရပါတယ်၊အန္တရာယ်ရှိနိုင်မယ်မထင်ပါဘူး။ — ဘယ်အရင်းရှင်၊ဘယ်ကုမ္မဏီကိုမှရည်ရွယ်တိုက်ခိုက်ပြီးမပြောလိုပါဘူး။(Ingredients)အကြောင်းပဲပြောတာပါ။အသက်ကြီးလာတဲ့လူတွေ(K1)ကိုမသောက်သင့်ကြောင်းပဲပြောချင်တာပါ။ Kelvin Albert Power

Source from Kelvin A. Power’s Facebook on September 30, 2019 မေးခွန်း(၁)ကတရုတ်ပြည်မကြီးကလာပြီးတော့အမေရိကန်မှာဗူးပြန်သွတ်တဲ့ဖြည့်စွတ်စာဆေးတွေစားမိ၊သုံးမိရင်ဘယ်လိုအဆိပ်အတောက်တွေ၊ဘယ်လိုအန္တရာယ်တွေဖြစ်လာနိုင်မလဲ၊ရေရှည်မှာဘယ်လိုရောဂါမျိုးတွေဖြစ်လာနိုင်မလဲဆိုပြီးတော့မြန်မာပြည်ကလူတချို့ကစိုးရိမ်တကြီးမေးနေကြတယ်။ — မေးခွန်း(၂)က၊အရင်တုံးက(USA)ထင်ပြီးဝယ်ထားမိလိုက်တဲ့တရုတ်လုပ်ဆေးတွေကိုဆက်သောက်သင့်သလားမသောက်သင့်ဘူးလားလို့မေးနေကြပြန်တယ်။ — အရင်းရှင်စနစ်ဆိုတော့အမေရိကန်ကနာမည်ကြီးကုမ္မဏီတော်တော်များများကအမြတ်တွေပိုကျန်ဖို့တရုတ်ပြည်ကဆေးတွေဝယ်ပြီး(USA)မှာဗူးပြန်သွတ်တာများပါတယ်။(CMAP)စီမက်ဆေးတွေလို့ခေါ်ရမှာပေါ့။စီမက်ဆိုတာ(China Made American Packaging)ကိုဆိုလိုတာပါ။ — ဘူးပြန်သွတ်တယ်ဆိုတာကဥပမာ(Capsules)အမျိုးအစားဆေးတောင့်လေးတွေဆိုရင်(Capsules) အခွံအလွတ်လေးတွေနဲ့ပုလင်းဗူးခွံတွေကိုတရုတ်ပြည်ကမှာလိုက်ကြသလို၊ဆေးတောင့်လေးတွေထဲမှာထည့်ရောင်းဖို့ဆေးအမှုန့်တွေကိုလဲတရုတ်ပြည်ကပဲမှာလိုက်ကြပါတယ်။ — ဒီရောက်တော့မှ(Capsules)ဆေးတောင့်သွတ်တဲ့စက်ကြီးတွေထဲကိုတဖက်ကဆေးတောင့်အခွံအလွတ်ကလေးတွေထည့်တဖက်ကဆေးမှုန့်ကလေးတွေထည့်ပေးလိုက်ပြီးဆေးတောင့်ထဲအမှု့န်ပြန်သွတ်ကြတာပါ။ — အဲဒီလိုပြန်သွတ်လိုက်တဲ့ဆေးတောင့်တွေကိုပုလင်းထဲထည့်လိုက်ပြီးတော့(USA)လို့ရေးထားတဲ့တံဆိပ်ကပ်ရောင်းလိုက်ရင်(Made in USA) ဖြစ်သွားပါလေရော။ — အတွင်းကဆေးမှုန့်၊ဆေးတောင့်အခွံအလွတ်လေးတွေနဲ့ပုလင်းခွံအလွတ်တွေအားလုံးတရုတ်ကလာပြီးတော့၊ USA မှာဆေးတောင့်ပြန်သွတ်တယ်၊ပုလင်းပြန်သွတ်ပြီးအပေါ်မှာလဲ(Made in USA) ဆိုတဲ့တံဆိပ်ကလေးကပ်ပေးလိုက်တယ်ဆိုတော့၊( Made in USA)ဆိုတဲ့အဓိပ္ပာယ်ကတော့(USA)မှာပုလင်းသွတ်တာကိုပြောတာနေမှာပေါ့။ — (softgels)တွေ(tablets)တွေဆိုရင်တော့ဆေးလုံးအလုံးလိုက်လေးတွေနဲ့ဗူးခွံတွေကိုပါတရုတ် ပြည်ကနေမှာလိုက်ကြပြီးတော့၊ဒီရောက်တော့တရုတ်ပြည်ကလာတဲ့ပုလင်းတွေထဲကိုတရုတ်ပြည်ကလာတဲ့ဆေးလုံးလေးတွေကိုရေတွက်ထည့်လိုက်ပြီး၊အပြင်မှာ(Made in USA)ဆိုပြီးတော့တံဆိပ်ကလေးကပ်ရောင်းလိုက်တာပါပဲ။ — Made in USA ဆိုတာပုလင်းပေါ်မှာကပ်ထားတဲ့တံဆိပ်ကိုပြောတာနေမှာပါ၊ပုလင်းရောဆေးရောကတေ့တရုတ်ပြည်ကလာတာဆိုပေမဲ့အပေါ်မှာကပ်ထားတဲ့တံဆိပ်ကတော့(USA)မှာပုံနှိပ်တာများပါတယ်။ — ဒါနဲ့ပါတ်သက်ပြီးကျွန်တော်ကလေးဘဝတုံးကအကြောင်းလေးတခုသွားသတိရမိပါတယ်။ကျွန်တော့ဦးလေးရဲ့သူငယ်ချင်းတယောက်ကဟိုခေတ်(RTC)ခေါ်တဲ့ကုန်းလမ်းပို့ဆောင်ရေးမှာကုန်တင်တဲ့ဟီးနိုးကားကြီးတွေမောင်းတယ်။တနေ့ဟီးနိုးကားကြီးတစ်စီးနဲ့အိမ်ကိုရောက်လာတော့ကျွန်တော်လဲစပ်စုချင်တာနဲ့ကားပေါ်တက်ကစားတာပေါ့။ — အဲဒီကား(Body)တစ်နေရာမှာကပ်ထားတဲ့ငွေရောင်သတ္တုပြားလေးတခုတွေ့တယ်။အဲဒီသတ္တုပြားမှာ(မြန်မာပြည်အကြီးစားစက်မှု့လုပ်ငန်းမှထုတ်လုပ်သည်)လို့ရေးထားတဲ့စာကျွန်တော်ဖတ်လိုက်ရတော့၊။ဟာငါတို့မြန်မာနိုင်ငံကတော်တော်တိုးတက်နေပြီပေါ့၊ဟီးနိုးကားကြီးတွေကိုတောင်ကိုယ်တိုင်ထုတ်လုပ်ပေးနိုင်နေပြီဆိုပြီးတော့ကိုယ့်တိုင်းပြည်ကိုအထင်ကြီးလို့မဆုံးဘူးဖြစ်သွားတယ်။ — ဟုတ်တယ်လေ၊ဒါဂုဏ်ယူရမှာပေါ့အဲဒီအချိန်တုံးကကိုးရီးယားတို့၊တရုတ်တို့တောင်ကားတစ်စီးမှမထုတ်နိုင်သေးခင်မှာမြန်မာ့အကြီးစားစက်မ့ှုလက်မ့ှုလုပ်ငန်းကဟီးနိုးကားကြီးတွေစထုတ်နေပြီဆိုတာနည်းတဲ့တိုးတက်မှု့မှမဟုတ်တာ။ဒါနဲ့ဦးလေးသူငယ်ချင်းကိုမနေနိင်လို့ပြောလိုက်မိတယ်။ဦးလေးလို့၊ကျွန်တော်တို့နိုင်ငံကဒီလိုဟီးနိုးကားကြီးတွေကိုယ်တိုင်ထုတ်လုပ်နိုင်နေပြီဆိုတော့အရမ်းကိုတိုးတက်နေပြီပဲလို့။ — …

တရုတ်ပြည်မကြီးကလာပြီးတော့အမေရိကန်မှာဗူးပြန်သွတ်တဲ့ဖြည့်စွတ်စာဆေးတွေစားမိ၊သုံးမိရင် Read More »

Source from Kelvin A. Power’s Facebook on September 24, 2019 Link လင့်ကိုသွားပြီး Customer Questions အောက်က box မှာ(China)လို့ရိုက်ပြီးရှာရင်ရေးထားတာတွေအကုန်တွေ့လိမ့်မယ်။ဆေးကတရုတ်ဗူးကတော့(USA)မှာသွတ်တာတဲ့။ —– https://www.amazon.com/…/ref=redir_mobile_desktop… —– ဒီလင့်ခ်မှာလဲတချို့တွေ့လိုက်ပါတယ်။ https://www.amazon.com/…/Tx18T404N…/ref=ask_ql_ql_al_hza —- မြန်မာတွေသနားပါတယ်ဗျာ၊တိုင်းပြည်ကဆင်းရဲပါတယ်ဆိုမှ၊ရှိစုမဲ့စုထဲကအလိမ်ခံံလိုက်ရတယ်။မြန်မာတွေမ,အကြ၊မတုံးကြဖို့တော့လိုနေပါပြီ။အစကတည်းကပြောပါတယ်။အရင်းရှင်တွေထဲမှာအမေရိကန်အရင်းရှင်ကအဆိုးဆုံးဆိုတာကို။

Source from Kelvin A. Power’s Facebook on September 27, 2019 အပိုင်း(၁)မှာရှင်းပြထားတဲ့ခုခံမှု့စနစ်(Immune System)အလုပ်လုပ်ပုံရဲ့အခြေခံအကျဆုံးသဘောတရားကိုဥပမာတွေအမျိုးမျိုးပေးပြီးရှင်းပြပေမဲ့လူတော်တော်များများကသေသေချာချာနားလည်ပုံမရပါဘူး။ဒီသဘောတရားကိုသေချာရှင်းအောင်ပြန်ရှင်းပြမှရပါတော့မယ်။ — အပိုင်း(၁)မှာတုံးကခန္ဓာကိုယ်ရဲ့(ခုခံမှု့စနစ်)နဲ့(AUTOIMMUNE)ရောဂါဆိုတာကို(ပရိုတိန်း)ဆိုတဲ့ဝေါဟာရနဲ့အဓိပ္ပာယ်ဖွင့်ဆိုလိုက်တော့၊လူတွေတော်တော်များများနားမလည်တော့ဘူးဖြစ်သွားကြပါတယ်။ဘာဖြစ်လို့လဲဆိုတော့လူတွေနားလည်ထားတဲ့(ပရိုတိန်း)ဆိုတဲ့ဝေါဟာရကတစ်မျိုးဖြစ်နေပါတယ်။ရှင်းရှင်းပြောရရင်လူတော်တော်များများဟာ(ပရိုတိန်း)ဆိုတဲ့စကားကိုသာနေ့စဉ်စကားထဲမှာထည့်သုံးပြီးပြောနေကြတာပါ၊တကယ်တော့(ပရိုတိန်း)ဆိုတာဘာလဲဆိုတာကိုသေသေချာချာအမှန်အတိုင်းသိတဲ့လူတွေတော်တော်လေးကိုနည်းနေပါတယ်။(ပရိုတိန်း)ဆိုတဲ့ဓါတ်ပေါင်းတွေရဲ့အခြေခံသဘောသဘာဝကိုသေချာနားမလည်ထားကြတော့ကျွန်တော်ပြောလိုက်တဲ့သဘောတရားကိုနားလည်ဖို့ပိုပြီးခက်ခဲသွားပါတော့တယ်။(ကကြီး၊ခခွေး)တွေကိုအရင်မသင်ထားပေးပဲနဲ့၊ကျော်ပြီး(ကာ၊ကား၊ခါ၊ခါး)သွားသင်ပေးလိုက်မိသလိုဖြစ်သွားပါတယ်။ — (ပရိုတိန်း)ဆိုတာဘာလဲလို့သေချာနားလည်ထားတော့မှသာအပိုင်း(၁)မှာတုံးကကျွန်တော်ဆိုလိုချင်တဲ့ခုခံမှု့စနစ်နဲ့(AUTOIMMUNE)ရောဂါတို့ရဲ့သီအိုရီသဘောတရားအသစ်ကိုနားလည်နိုင်မှာပါ။ — (ပရိုတိန်း)ဆိုတာ၊ဘာပါလိမ့်?။ — လူအများသိထားတဲ့ပရိုတိန်းဆိုတာက(အသားဓါတ်)အဟာရတစ်ခုဖြစ်တယ်။ခန္ဓာကိုယ်ကိုသန်မာကြီးထွားစေတယ်။ခလေးငယ်တွေကြီးထွားဖွံ့ဖြိုးဖို့လဲပရိုတိန်းဓါတ်လိုအပ်သလို၊လူတိုင်းလဲကျန်းမာစွာနဲ့အသက်ရှင်နိုင်ဖို့ပရိုတိန်းဓါတ်မရှိမဖြစ်လိုအပ်တယ်။အသားအမျိုးမျိုးတွေ၊ငါးအမျိုးမျိုးတွေ၊ပဲအမျိုးမျိုးတွေ၊နို့အမျိုးမျိုးတွေအပြင်၊ပဲပြားတို့၊ပဲပင်ပေါက်တို့၊ဝိတ်သမားတွေစားနေတဲ့(ပရိုတိန်းပေါင်ဒါမှုန့်)တို့တွေမှာပရိုတိန်းဓါတ်တွေကြွယ်ဝကြတယ်။ခန္ဓာကိုယ်ကိုကြီးထွားသန်မာစေဖို့၊အသက်ရှင်သန်နိုင်ဖို့ခန္ဓာကိုယ်အတွက်မရှိမဖြစ်လိုအပ်တဲ့အဟာရဓါတ်တစ်မျိုးလို့အပေါ်ယံလေးပဲလူအများသိထားကြတယ်။ဒီအသိလေးကမှားလားဆိုတော့၊မမှားပါဘူး။ဒါပေမဲ့ပြည့်ပြည့်စုံစုံမမှန်ဘူးဖြစ်နေတယ်။ — ဥပမာတစ်ခုပေးပါမယ်။စူးစမ်းးလေ့လာတတ်ခါစအရွယ်ခလေးငယ်လေးတစ်ယောက်ကလူကြီးတစ်ယောက်ကို(ဦးဦးငှက်ဆိုတာဘယ်လိုသတ္တဝါလဲ)လို့မေးတယ်။လူကြီးကပြီးစလွယ်နဲ့(ငှက်ဆိုတာကျီးကန်းကွ)လို့လွယ်လွယ်လေးပဲကောက်ဖြေပေးလိုက်တယ်။ဒီအဖြေက၊မှားလားဆိုတော့မမှားပါဘူး။ဒါပေမဲ့တစိတ်တပိုင်းကလေးပဲမှန်ပါတယ်။တစ်ကယ်ဆိုရင်ငှက်ဆိုတာလေပေါ်မှာပျံနိုင်ကြတဲ့သတ္တဝါတွေဖြစ်တယ်။ခြေထောက်နှစ်ချောင်းရှိတယ်။တောင်ပံတစ်စုံရှိတယ်။နုတ်သီးကဘယ်လို၊အမွေး၊အတောင်၊အမြီးတွေကဘယ်လို၊အစာဘယ်လိုရှာစားတယ်။တောင်ပံဘယ်လိုခတ်ပြီးပျံသန်းနိုင်တယ်။ဘယ်လိုလေဟုန်စီးတယ်၊ဘယ်လိုနားတယ်၊ဘယ်နေရာတွေမှာအသိုက်လုပ်နေတယ်။အကောင်လိုက်မမွေးပဲ၊ဥကနေပေါက်ဖွားတယ်စသည်ဖြင့်သေချာရှင်းပြမှသာပြီးပြည့်စုံအောင်မှန်ကန်နိုင်ပါလိမ့်မယ်။(ငှက်ဆိုတာကျီးကန်းကွ)လို့လွယ်လွယ်လေးပြောလိုက်တာဟာမမှားပေမဲ့ပြည့်စုံအောင်မမှန်လို့သိပ်ပြီးအသုံးမဝင်တဲ့အဖြေပါ။ — ဒါကြောင့်၊(ပရိုတိန်းဆိုတာဘာလဲ)လို့မေးလာရင်လဲ။(ပရိုတိန်းဆိုတာခန္ဓာကိုယ်ကိုသန်မာကြီးထွားစေဖို့နဲ့ကျန်းမာစေဖို့လူတိုင်းလိုအပ်တဲ့အသားဓါတ်အဟာရတစ်ခုဖြစ်တယ်လို့)လွယ်လွယ်ကလေးဖြေလိုက်တာဟာ(ငှက်ဆိုတာကျီးကန်းကွ)လို့ဖြေလိုက်တာနဲ့အတူတူပါပဲ။မမှားပေမဲ့ပြည့်စုံအောင်မမှန်တော့သိပ်အသုံးမဝင်လှပါဘူး။ပရိုတိန်းဆိုတာဘာလဲလို့သေချာနားလည်သဘောပေါက်သွားအောင်ဥပမာကောင်းကောင်းတွေနဲ့သေချာရှင်းပြမှရပါတော့မယ်။ — တစ်ကယ်တော့ပရိုတိန်းဆိုတာအမီနိုအက်ဆက်(amino acids)အမျိုးအစားပေါင်း(၂၂)နှစ်မျိုးထဲက(၂)မျိုးထက်မနည်းပဲအမျိုးအစားပေါင်းများစွာကို၊မျိုးရိုးဗီဇ၊ဖေါ်မြူလာအမျိုးမျိုး၏လမ်းညွန်ချက်အတိုင်းမတူညီတဲ့အမီနိုအက်ဆစ်မျိုးအစားပါဝင်မ့ှု၊မတူညီတဲ့အစီအစဉ်၊မတူညီတဲ့ပမာဏ၊မတူညီတဲ့အရွယ်အစား၊မတူညီတဲ့အချိတ်အဆက်အတိုင်း၊ချိတ်ဆက်ပေါင်းစပ်ထားတာဖြစ်ပါတယ်။ — ကမ္ဘာပေါ်မှာကွဲပြားခြားနားနေတဲ့(ပရိုတိန်း)အမျိုးအစားပေါင်းသိန်းနဲ့သန်းနဲ့ချီရှိနေပြီး၊အသေးငယ်ဆုံးသောဘက်တီးရီးယားအမျိုးမျိုးတွေ၊ဗိုင်းရပ်စ်တွေကအစပြုလို့၊မြွေဆိပ်ကင်းဆိပ်အစရှိတဲ့ဇီဝအဆိပ်အတောက်တွေ၊အပင်တွေတိရိစ္ဆာန်တွေ၊လူတွေ၊ဇီဝသက်ရှိသက်မဲ့တွေ၊အကြီးဆုံးကုန်းမှာဆင်၊ရေမှာဝေလငါးအစရှိတဲ့သတ္တဝါတွေအထိတို့ရဲ့ကိုယ်အင်္ဂါအစိတ်အပိုင်းအသီးသီးအားလုံးမှာပုံစံမတူညီတဲ့ပရိုတိန်းအမျိုးမျိုးတွေနဲ့ဖွဲ့စည်းတည်ဆောက်ထားရတာပါ။ — ဇီဝသက်ရှိသက်မဲ့အားလုံးတိုင်းမှာ(DNA, RNA )ဆိုတဲ့မျိုးရိုးဗီဇဖေါ်မြူလာတွေပါလာပြီး၊ဖေါ်မြူလာအမျိုးမျိုး၏လမ်းညွန်ချက်အမျိုးမျိုးပေါ်မှုတည်ပြီးတော့ကွဲပြားခြားနားတဲ့ပရိုတိန်းအမျိုးအစားပေါင်းသိန်းနဲ့သန်းနဲ့ချီကိုအမီနိုအက်ဆစ်(Amino acids)(၂၂)နှစ်မျိုးကနေသဘာဝအလျောက်ဖွဲ့စည်းတည်ဆောက်ပေါင်းစပ်ပြီးထုတ်လုပ်ပေးရတာပါ။ပရိုတိန်းအမျိုးမျိုးကိုပေါင်းစပ်တည်ဆောက်ပေးနေတဲ့အခြေခံအမီနို(amino acids)အမျိုးအစားပေါင်း(၂၂)မျိုးဆိုတာတွေကတော့အောက်ပါအတိုင်းပဲဖြစ်ပါတယ်။ — ( Alanine(A), Cysteine(C), Aspartic acid(D), Glutamic acid(E), Phenylalanine(F), Glycine(G), Histidine(H), Isoleucine(I), Lysine(K), Leucine(L), Methionine(M) , Asparagine(N ), Pyrrolysine(O), Proline(P), …

အပိုင်း(2)(Autoimmune)ရောဂါဖြစ်လာရခြင်း၏အခြေခံအကြောင်းတရားများ။ Read More »

Source from Kelvin A. Power’s Facebook on September 25, 2019 American Best ဆိုတာကသူများအရင်းရှင်ကုမ္မဏီတွေလိုမဟုတ်ဘူး။သူများတွေလိုတရုတ်ဆေးတွေကိုပြန်ပြီး(USA)ဆိုပြီးအင်ထု(ဂျင်းထည့်)ဖို့မပြောနဲ့။ပုလင်းခွံတောင်တရုတ်ကြီးဆီကဝယ်မသုံးဘူး။ဆေးတွေမပြောပါနဲ့ပုလင်းခွံတောင်ဈေးကြီးရင်ကြီးပါစေ UV Resistant, BPA FREE, USA Made, ပဲသုံးတာ။ တရုတ်ဆိုရင်မယုံလွန်းလို့ပုလင်းခွံတောင်မဝယ်ဘူးဆိုတော့ဆေးကတော့ဝေလာဝေးပဲ။အမြတ်မကျန်ချင်နေပါစေ၊ဘာဆေးပဲထုတ်ထုတ်ကိုယ့်ကိုယုံကြည်သူတွေအန္တရာယ်မဖြစ်ဖို့ကအဓိကပဲ။ပုလင်းခွံတောင်(ချီးနားမိတ်)မသုံးဘူးဆိုတော့ဒီထက်ရှင်းတာမရှိတော့ဘူး။အမေရိကန်လုပ်(BPA FREE) ဖြစ်မှသာစားသုံးသူတွေအတွက်အန္တရာယ်ကင်းနိုင်ပါတယ်။

Source from Kelvin A. Power’s Facebook on September 23, 2019 ပြစ်တတ်ရင်တချက်ထဲနဲ့အကုန်ထိပါတယ်။သဘာဝသမားတော်ဆိုတာရောဂါအားလုံးကိုတခုခြင်းလက္ခဏာတွေကိုလိုက်ပြီးကုမနေပါဘူး။လက္ခဏာကိုမကုပဲဖြစ်ကြောင်းဇစ်မြစ်ကိုရှာကုရတာပါ။နာတာရှည်ရောဂါတွေအားလုံးရဲ့ဖြစ်ကြောင်းကတော်တော်များများတူနေကြပါတယ်။ — ရောဂါတွေသာအမျိုးမျိုးကွဲပြားသွားတာ၊ရောဂါတွေဖြစ်ကြောင်းတွေကအောက်ပါအတိုင်းအတူတူပါပဲ။။ (၁)အစာအိမ်နဲ့အူလမ်းကြောင်းမကောင်းတာ။အစာမကြေတာ။ (၂)Insulin Resistance ရှိတာ။ (၃)Inflammation ဖြစ်တာ။ (၄)PUFA Oxidative damage ဖြစ်တာ။ (၅)Blood PH acid ဖက်ပြုတ်ကျသွားတာ။ (6) Multivitamins, Minerals နဲ့ antioxidants တွေချို့တဲ့နေတာ။ (၇)Toxicity တွေဖြစ်နေတာ။ — ဘာနာတာရှည်ရောဂါပဲဖြစ်ဖြစ်ရောဂါနာမည်သိသိမသိသိ၊အမည်တတ်လို့ရရင်ရ၊မရရင်နေပါစေ၊ကုသနည်းကတော့အတူတူပါပဲ။လွယ်လဲလွယ်ပါတယ်။ — (၁)ကျန်းမာရေးလေ့ကျင်ခန်းတွေလုပ်၊မိခင်သဘာဝကရတဲ့သဘာဝအစားအစာနဲ့ဖြည့်စွက်စာတွေစားသောက်၊အရင်းရှင်အစားအသောက်တွေရှောင်။ — (၂) (PUFA, Polyunsaturated fatty acid)ကိုလုံးဝရှောင်ရပါမယ်။အရက်၊သကြားနှင့်(Fructose)ဆေးလိပ်၊လုံးဝရှောင်ရပါမည်။ — (၃)( carbohydrate absorption)နှေးကွေးသွားအောင်၊အစာမစားခင်(၁၀)မိနစ်အလိုတိုင်းမှာ(soluble Fiber)(3 gm)ကနေ(7 gm)အထိအစာများရင်များသလိုပိုပိုစားပါ။၊အစာစားပြီးမသောက်ပါနှင့်၊ရင်ပြည့်တတ်ပါသည်။ — (၄)(Liver Fat …

နာတာရှည်ရောဂါတွေအားလုံးရဲ့ဖြစ်ကြောင်း Read More »

Source from Kelvin A. Power’s Facebook on September 21, 2019 လူတိုင်းက(PUFA, Polyunsaturated fatty acid)စားတော့၊အသဲထဲမှာရော၊သွေးကြောတွေ၊ဆဲလ်တွေထဲမှာရော၊(lipid peroxidation)ဆိုတဲ့ဆီချေးတက်အဆိပ်ဖြစ်မှု့လူတိုင်းမှာဖြစ်နေပါတယ်။နာတာရှည်ရောဂါအားလုံးရဲ့တရားခံလက်သည်ကလဲ(PUFA)နဲ့(lipid peroxidation)ပါပဲ။ — အဲဒီဆီချေးအဆိပ်တွေမတက်ရအောင်ရှင်းပေးနိုင်တဲ့အဓိက(antioxidant)ကတော့(Vitamin E, Tocopherol)အမျိုးအစား(၈)မျိုးထဲကတစ်မျိုးပါပဲ။ကျန်တဲ့ခုနှစ်မျိုးကတော့ထိထိရောက်ရောက်မရှင်းပေးနိုင်တဲ့အပြင်တချို့ကအန္တရာယ်တောင်ဖြစ်စေနိုင်ပါတယ်။ — Vitamin E ဆိုတာကနားလည်ပြီးအမျိုးအစားရွေးချယ်တတ်ရင်ရောဂါတော်တော်များများကိုကာကွယ်ပေးနိုင်သလို၊နားမလည်ပဲအမျိုးအစားမရွေးတတ်ရင်၊ဆိုးကျိုးအန္တရာယ်တွေတောင်ရရှိနိုင်ပါတယ်။ – ကျွန်တော်ပြောချင်တဲ့(Tocopherol)ဆိုတဲ့(Vitamin E)ရှစ်မျိုးမှာ၊မိခင်သဘာဝမှာလုံးဝမရှိတဲ့၊လူတွေဓါတ်ခွဲခန်းထဲမှာဓါတုဗေဒတွေနဲ့ဓါတ်ပေါင်းပြီးလုပ်ထားတဲ့။(synthetic vitamin E)ဆိုတာ(၄)မျိုးရှိပါတယ်။ဒီနေရာမှာဆင်တက်တစ်(synthetic)ဆိုတဲ့အဓိပ္ပါယ်ကသဘာဝကိုပြိုင်ပြီးအတုလုပ်ယူတယ်၊(သဘာဝကိုလိုက်တုထားတဲ့လက်လုပ်အတုအပ)လို့ဆိုချင်ပါတယ်။မြန်မာအဘိဓာန်ကြည့်အဓိပ္ပာယ်ပြန်ရင်တော့(synthetic)ဆိုတာ(လက်လုပ်)လို့အဓိပ္ပာယ်ဖွင့်ထားပါတယ်။ — အရင်းရှင်တွေကသဘာဝကနေထုတ်ယူရင်၊သဘာဝအစစ်ကဈေးကြီးတော့အမြတ်သိပ်မကျန်ပါဘူး။သဘာဝကိုတုပြိုင်ပြီးအတုလုပ်လိုက်တော့ဈေးသက်သာပြီးအမြတ်ပိုကျန်တာပေါ့။တရားဝင်အတုလုပ်နေတာပါ။(FDA)ကလဲခွင့်ပြုထားပါတယ်။တံဆိပ်(Brand)တစ်ခုကိုအတုလုပ်တာမဟုတ်ပဲ၊သဘာဝကိုတုတာဆိုတော့ဘယ်သူမှလာပြီးတရားမစွဲပါဘူး၊ခွင့်ပြုထားပါတယ်။တချို့ပစ္စည်းတွေကသဘာဝနဲ့လက်လုပ်တထပ်တည်းတူချင်တူနိုင်ပါတယ်။ဗီတာမင်(E)ကတော့လုံးဝမတူပါဘူး။ — သဘာဝကိုပြိုင်ပြီးအတုလုပ်ထားတဲ့(synthetic Tocopherol Vitamin E)အမျိုးအစား(၄)မျိုးရှိပါတယ်။ အဲဒါတွေကတော့ (1)DL-alpha-tocopherol Vitamin E, (2) DL-beta-tocopherol Vitamin E, (3)DL- gamma-tocopherol Vitamin E, (5)DL-delta-tocopherol Vitamin E တို့ဖြစ်ပါတယ်။သဘာဝမဟုတ်တဲ့(Vitamin E)တွေအားလုံးဟာသဘာဝ(Vitamin E)နဲ့လုံးဝကိုမတူပါဘူး။မတူတော့ကောင်းကျိုးမပေးပဲဆိုးကျိုးတွေပဲပေးပါမယ်။အရင်းရှင်တွေဓါတ်ခွဲခန်းမှာလိုသလောက်ထုတ်ယူလို့ရလို့ဈေးသိပ်ပေါတဲ့အညံ့စားအဆိပ်အတောက်တွေပါပဲ။ — …

(Vitamin E, Tocopherol)အမျိုးအစားအကြောင်းအတိုချုပ် Read More »

Source from Kelvin A. Power’s Facebook on September 20, 2019 လူတိုင်းအတွက်အရေးအလွန်ကြီးသောပို့စ်။ (AUTOIMMUNE)ရောဂါအမျိုးမျိုးတွေနဲ့ဒုက္ခဖြစ်နေတဲ့လူတွေတော်တော်ကိုများနေကြပါတယ်။သိသင့်သိထိုက်တာတွေကိုကြိုသိထားပြီးဆောင်ရန်ရှောင်ရန်တွေကိုကြိုတင်လုပ်လို့ရအောင်၊ဆီးချိုရောဂါအကြောင်းအပိုင်း(၈)မရေးခင်ဒီထက်ပိုအရေးကြီးနေတဲ့(AUTOIMMUNE)ရောဂါအကြောင်းကြားဖြတ်ရေးပေးပါမယ်။ — ကျွန်တော့်ကိုမေးထားတဲ့အမျိုးတမီးတစ်ယောက်ဆိုရင်(AUTOIMMUNE)အမျိုးအစားတခုလို့ယူဆရတဲ့ရောဂါဖြစ်နေပြီးတဖက်ကလဲအစာအိမ်မကောင်းဘူးဖြစ်နေပြန်ပါတယ်။သူကိုယ်တိုင်ကလဲဆရာဝန်ပါပဲ။တကယ်တော့အစာအိမ်ရောဂါကိုအရင်ဦးဆုံးကုနိုင်မှရမယ်ဆိုတာလူတိုင်းနားလည်စေချင်လို့အဲဒီအမျိုးတမီးကိုအကြောင်းပြုပြီးတော့တခြားသော(AUTOIMMUNE)ရောဂါခံစားနေရတဲ့လူတွေအားလုံးအကျိုးအတွက်ရည်ရွယ်ပြီးဒီပို့စ်ကိုကြားဖြတ်ရေးသားပေးလိုက်ခြင်းဖြစ်ပါတယ်။ — အမျိုးပေါင်းရာနဲ့ချီဖြစ်နေတဲ့(AUTOIMMUNE)ရောဂါတခုချင်းစီကိုဘယ်ရောဂါဖြစ်ရင်ဘယ်လိုကုကြပါ။ဘာတွေရှောင်ပြီးဘာတွေစားကြပါ၊ဟိုဆေးတွေဖြတ်ပြီးဒီဆေးတွေသောက်ကြပါလို့အသေးစိတ်ခလေးထမင်းခ့ွံကျွေးသလိုပြောမှာမဟုတ်ပါဘူး။ဆိုလိုတာကကျွန်တော်ကရောဂါပျောက်အောင်ကုပေးမှာမဟုတ်ပါဘူး။မိမိကိုယ်တိုင်ပျောက်အောင်ကုသနိုင်ဖို့ရောဂါရဲ့သဘောသဘာဝအခြေခံသဘောတရားတွေကိုသိအောင်သင်ပေးမှာပါ။ကျန်းမာရေးပညာဆိုတာအလွန်နုးညံ့သိမ်မွေ့လွန်းတဲ့သက်စောင့်ပညာဖြစ်နေလို့ခက်ခဲနက်နဲတဲ့သဘောတရားတွေကို(ဃဂ၊ဏန)သေချာနားလည်ဖို့ဆိုတာသေချာစိတ်ရှည်ရှည်နဲ့ရေးပေးနေရလို့စာရှည်သွားတတ်ပါတယ်။ — စာရှည်သလောက်လဲဘဝအတွက်အလွန်အသုံးဝင်ပြီးအကျိုးများနိုင်ပါတယ်။ကျွန်တော်က(AUTOIMMUNE)ရောဂါအားလုံးဖြစ်ပေါ်လာရခြင်းရဲ့အခြေခံအကြောင်းတရားတွေကိုသေချာနားလည်အောင်(ဆေးပညာဝေါဟာရ)တွေတတ်နိုင်သလောက်မသုံးပဲ၊မြန်မာလိုများများသုံးပြီးဥပမာကောင်းလေးတွေနဲ့လယ်ပြင်မှာဆင်သွားသလို၊ရှင်းလင်းပြတ်သားစွာကျိုးစားပြီးရှင်းပြပေးလိုက်ရင်၊ကိုယ်တိုင်သေချာအကျိုးအကြောင်းဆက်စပ်သိရှိလာပြီး၊ဘာလုပ်သင့်တယ်၊ဘယ်လိုကုသနေထိုင်စားသောက်ရင်ပျောက်ကင်းနိုင်တယ်ဆိုတာသေချာနားလည်လာပါလိမ့်မယ်။ – ယခုအချိန်အထိ(AUTOIMMUNE)ဘာကြောင့်ဖြစ်လာရတယ်ဆိုတာဆးပညာရှင်တော်တော်များများကလဲသေချာမသိကြသေးပါဘူး။ဒီရောဂါမျိုးတွေကိုလက်တွေ့မှာအကြောင်းတရားမသိပဲနဲ့ဘယ်လိုမှပျောက်အောင်မကုသနိုင်သေးလို့ဝါရင့်ဆရာဝန်ကြီးတွေကိုယ်တိုင်တောင်ခံစားနေကြရရှာပါတယ်။ကျွန်တော်ကဒီရောဂါတွေအားလုံးဖြစ်လာရတဲ့အကြောင်းအရင်းကဘယ်လိုပါလို့ဘာမှအကြောင်းအကျိုးဆက်စပ်မှုမရှိပဲနဲ့တဲ့တိုးကြီးထုတ်ပြောချလိုက်ရင်၊မဟုတ်ပဲနဲ့ရမ်းပြောနေပါတယ်လို့တချို့ထင်မြင်သွားကြပြီးမလိုက်နာကြလို့၊အလွန်တန်ဖိုးရှိတဲ့အသိပညာဟာ၊အချီးနှီးသာလျင်ဖြစ်သွားပြီးသူတို့တွေရဲ့အသက်တွေကိုမကယ်တင်နိုင်၊အကျိုးမပြုနိုင်ဖြစ်သွားပါလိမ့်မယ်။ဒါကြောင့်အပင်ပန်းခံပြီးအကျိုးနဲ့အကြောင်းနဲ့ရှင်းပြနေရတာပါ။ — ကျွန်တော့်စကားကိုယုံကြည်တဲ့လူတစ်ချို့တွေကလိုက်နာကျင့်သုံးကြရင်တောင်၊မိမိကိုယ်တိုင်ဖြစ်စဉ်တစ်ခုကိုဘာအကြောင်းကြောင့်ဘာအကျိုးဖြစ်ရတယ်၊ဘာအကြောင်းကိုပါယ်လိုက်ရင်ဘာအကျိုးပျက်သွားမယ်ဆိုတာကောင်းကောင်းဘာမှသေချာသဘောမပေါက်ပဲနဲ့ကျွန်တော်ပါးစပ်ဖျားမှာလမ်းဆုံးသွားပါလိမ့်မယ်။ဒီရောဂါမျိုးကရေရှည်ဆွဲကုသရမယ့်ရောဂါဖြစ်နေလို့၊ကိုယ်တိုင်သိတာမဟုတ်ပဲသူများကိုယုံလို့၊သူများပါးစပ်ဖျားမှာလမ်းဆုံးပြီးလိုက်နာကျင့်သုံးရတဲ့ကုသနည်းဟာရေရှည်မှာဘယ်လိုမှမတည်တံ့မခိုင်မြဲနိုင်ပါဘူး။မိမိကိုယ်တိုင်ကောင်းကောင်းနားလည်သဘောပေါက်ထားမှသာရေရှည်ဇွဲသန်သန်နဲ့စွဲစွဲမြဲမြဲကုသနိုင်မှာဖြစ်သလို၊တခြားသူတွေကိုလဲတဆင့်နားလည်အောင်ပြန်လည်ရှင်းပြသင်ကြားပေးနိုင်မှာဖြစ်ပါတယ်။ — အမှန်တကယ်တော့သုသေသန(Research)လုပ်တယ်ဆိုတာတောင်၊ကိုယ်သိထားတဲ့(သုတ)တစ်ခုကိုဟုတ်မဟုတ်ကိုယ်တိုင်လက်တွေ့စမ်းသပ်လုပ်ကြည့်တာသက်သက်ဖြစ်နေလို့၊လုပ်ကြည့်လိုက်လို့ထင်ထားတဲ့အတိုင်းလဲဖြစ်လာတယ်ထားဦးတော့၊ဘာလို့ဒီလိုဖြစ်လာရတယ်ဆိုတဲ့အခြေခံအကြောင်းတရားကိုတော့တိတိကျကျသေချာသိဖို့မလွယ်ကူလှပါဘူး။လက်တွေ့လုပ်ကြည့်လိုအကျိုးဖြစ်လာပေမဲ့လဲအကျိုးအကြောင်းဆက်စပ်ပြီးမသိရင်ပြန်ရှင်းပြဖို့ခက်ပါသေးတယ်။။ဒါကြောင့်မိမိကိုယ်တိုင်ဖြစ်စဉ်တစ်ခုကိုအကျိုးနဲ့အကြောင်းဆက်စပ်ပြီးသေချာသိတယ်ဆိုတဲ့ပညာဟာရေရှည်စွဲစွဲမြဲမြဲကျင့်သုံးနိုင်ဖို့သုသေသနတစ်ခုထက်တောင်ပိုပြီးခိုင်မာစေနိုင်ပါတယ်။ — (AUTOIMMUNE)ရောဂါဆိုတာမိမိခန္ဓာကိုယ်ရဲ့ရောဂါခုခံကာကွယ်မှု့စနစ်(Immune System)ကဖောက်ပြန်ပျက်စီးသွားပြီးရောဂါတွေကိုခုခံတိုက်ခိုက်ပေးရမဲ့အစားမိမိခန္ဓာကိုယ်ကအရေးကြီးတဲ့အင်္ဂါအစိတ်အပိုင်းအမျိုးမျိုးတွေကိုတမျိုးပြီးတမျိုးပြန်လည်တိုက်ခိုက်လာတာပါ။မြန်မာလိုတော့(ခုခံမှု့စနစ်ဖေါက်ပြန်ပျက်စီးသွား)တဲ့ရောဂါတွေလို့ဆိုရမှာပါ။ — ဒီရောဂါကိုခန္ဓာကိုယ်ကဘယ်လိုအစိတ်အပိုင်းတွေကိုပြန်တိုက်ခိုက်နေတာလဲ၊ဘယ်လိုလက္ခဏာမျိုးရှိလဲဆိုတာကိုကြည့်ပြီးအမျိုးမျိုးခွဲခြားအမည်တပ်ပြောနေကြတာပါ။အရေပြားတွေကိုတိုက်ခိုက်ဖျက်ဆီးနေရင်ဘာရောဂါ၊ပန်ကရိယကိုတိုက်ခိုက်ဖျက်ဆီးနေရင်ဘာရောဂါ၊အဆစ်အမြစ်တွေကိုတိုက်ခိုက်ဖျက်ဆီးနေရင်ဘာရောဂါ၊အဆုတ်ကိုတိုက်ခိုက်ဖျက်ဆီးနေရင်ဘာရောဂါ၊သိုင်းရိုက်ကိုတိုက်ခိုက်ဖျက်ဆီးနေရင်ဘာရောဂါ၊စသည်ဖြင့်ဘယ်အင်္ဂါအစိတ်အပိုင်းကိုတိုက်ခိုက်ဖျက်ဆီးနေတာလဲဆိုတာကိုကြည့်ပြီးမတူညီတဲ့ကုသနည်းအမျိုးမျိူးနဲ့ဆေးဝါးအမျိုးမျိုးတွေခွဲခြားပေးပြီးကုသနေသရွှေ့တော့(ရောဂါရဲ့ဖြစ်ကြောင်းဇစ်မြစ်အကြောင်းတရားကိုကုနေတာမဟုတ်ပဲ၊ရောဂါကဖြစ်ပေါ်လာတဲ့မတူညီတဲ့လက္ခဏာတခုချင်းဆီကိုလိုက်ပြီးခွဲခြားကုသနေတာဖြစ်လို့)ဘယ်တော့မှပျောက်အောင်ကုနိုင်မှာမဟုတ်ပါဘူး။ — ဥပမာတခုပေးပါရစေ။ရွာကြီးတစ်ရွာ၏ရွာလယ်ခေါင်မှာအဆိပ်တွေ၊ရောဂါအသီးအပွင့်တွေသီးပေးပွင့်ပေးမဲ့(AUTOIMMUNE)ရောဂါအပင်ကြီးတပင်သန်မာထွားကြိုင်းစွာနဲ့ပေါက်ရောက်လာတယ်ဆိုကြပါစို့။တောင်ကိုင်းကထွက်တဲ့အသီးအရွက်ရဲ့အဆိပ်တွေကြောင့်ဘာရောဂါဖြစ်တယ်။မြောက်ကိုင်းကကြတော့ဘာရောဂါကိုဖြစ်စေတတ်တယ်။အရှေ့တောင်ဖက်အကိုင်းကတော့ဘာရောဂါကိုပြန့်ပွားစေတတ်တယ်။အနောက်မြောက်ကိုင်းကြတော့လက္ခဏာမတူတဲ့ရောဂါအသစ်တမျိုးကိုဖြစ်ပေါ်စေတယ်ဆိုပြီးတော့ရွာသူကြီးကိုယ်တိုင်ဒီသစ်ပင်ကြီးကဖြစ်လာတဲ့ရာနဲ့ချီတဲ့၊ရောဂါအမျိုးမျိုးတွေအကြောင်းကိုလေ့လာစာရင်းပြုစုပြီးတောင်ကိုင်းရောဂါဆိုရင်ဘယ်ဆေးစား၊တောင်ကိုင်းကိုခုတ်နိုင်သလောက်ဝိုင်းခုတ်ကျ၊မြောက်ကိုင်းကလာတဲ့ရောဂါဆိုရင်ဘာဆေးစား၊မြောက်ကိုင်းကိုတလှည့်ပြောင်းပြီးလိုက်ခုတ်ကြစသည်ဖြင့်တခုခြင်းခွဲခြားစိတ်ဖြာပြီးလိုက်ကုနေမယ်ဆိုရင်တော့အဲဒီရွာမှာနေနေတဲ့ရွာသူရွာသားတွေတသက်လုံးရောဂါကင်းပြီးကျန်းမာမှာလာကြမှာမဟုတ်ပါဘူး။ — ရောဂါပင်ကြီးက၊ကိုင်းအသစ်တွေထွက်လာတိုင်းရောဂါသစ်တမျိုးပေါ်လာ။ရောဂါအသစ်အတွက်နာမည်အသစ်တမျိုးပေးပြီးဆေးအသစ်တစ်မျိုးထပ်ရှာကုလိုက်၊ထွက်လာတဲ့ကိုင်းကိုခုတ်ပြစ်လိုက်နဲ့။နောက်မတူတဲ့အခြားကိုင်းတခုထပ်ထွက်လာရင်လဲရှေးနည်းအတိုင်းထပ်လုပ်နေဦးမယ်ဆိုရင်တော့ဘယ်လိုမှရောဂါမကင်းနိုင်ပါဘူး။တသက်လုံးတရွာလုံးရောဂါကင်းဖို့ဆိုရင်တော့အဲဒီအဆိပ်ပင်ကြီးရဲ့ရေသောက်မြစ်ကဘယ်နေရာမှာရှိနေလဲ၊ဘယ်ဖက်ကိုသွားနေလဲဆိုတာသေချာတူးဆွပြီးတွေ့အောင်ရှာဖွေကြရပါမယ်။အဲဒီအပင်ကြီးရဲ့ရေသောက်မြစ်ကိုဖြုတ်တောက်ဖျက်စီးပြစ်ပြီးအပင်ကြီးတခုလုံးကိုအမြစ်ပါမကျန်ခုတ်လှဲပြစ်မှကိုရပါတော့မယ်။ — အခုခေတ်ဆေးပညာအရ(AUTOIMMUNE)ရောဂါတွေကိုကုသနေကြတဲ့နည်းတွေဟာ၊အဆိပ်ပင်ကြီးကထွက်လာတဲ့အကိုင်းအခက်အလက်တခုချင်းစီတွေကိုတမျိုးပြီးတမျိုးထွက်လာတိုင်းလိုက်ပြီးခုတ်နေတာနဲ့သွားတူနေပါတယ်။တကယ်တော့ရောဂါအပင်ကြီးရဲ့ပင်မရေသောက်မြစ်ကြီးကိုရှာဖွေဖြတ်တောက်ပြစ်ပြီး၊ရောဂါပင်ကြီးကိုအပြီးတိုင်ခုတ်လှဲပြစ်ကြဖို့လိုအပ်ပါတယ်။ရေသောက်မြစ်ဆိုတာကတခြားတော့မဟုတ်ပါဘူး၊ဒီ(AUTOIMMUNE)ရောဂါဖြစ်ပွားလာရတဲ့စစ်မှန်တဲ့အဓိကအကြောင်းတရားတွေပါပဲ။ — အခုဆေးပညာတွေကဒီရောဂါမျိုးတွေဖြစ်လာရင်ခဏလေးသက်သာအောင်၊အနာကျင်အကိုက်အခဲပျောက်ဆေးတွေပေးမယ်၊(Steroids)တွေပေးပြီး(Inflammation)တွေကိုခဏတဖြုတ်ထိန်းထားမယ်။ (Immunosuppressive Medications)တွေပေးပြီးထိန်းချုပ်ထားမယ်ဆိုတာဘာနဲ့တူနေသလဲဆိုတော့အကြံကုန်လို့ဂဋ္ဌုန်ဆားထိုင်ချက်နေတာနဲ့သွားတူနေပါတယ်။မိုးကျိုးပြစ်နေတာကိုထန်းလျက်နဲ့ကာနေလို့ကတော့ရေရှည်ရနိုင်မယ်မထင်ပါဘူး။ — တစ်ကယ်တော့ခုတ်တတ်ရင်၊တစ်ချက်ခုတ်လိုက်ရုံနဲ့အချက်ပေါင်းများစွာပြတ်နိုင်ပါတယ်။ကျွမ်းကျင်လိမ္မာသောလယ်သမားတစ်ယောက်ဟာကောက်ပင်တွေကိုရိတ်သိမ်းတော့မယ်ဆိုရင်တပင်ချင်းလိုက်ပြီးမရိတ်သိမ်းနေပါဘူး။လက်တဖက်ကကောက်ပင်တွေအားလုံးကိုစုပြီးကျစ်ကျစ်ပါအောင်ဆုပ်ကိုင်ထားပြီးတော့ကျန်တဲ့လက်တဖက်နဲ့တံစဉ်ကိုကိုင်ပြီးအကုန်လုံးကိုတစ်ချက်တည်းနဲ့ဖြတ်ချလိုက်တာပါ။ဆိုလိုတာကခင်ဗျားတို့ကိုယ်တိုင်ရာနဲ့ချီနေတဲ့(AUTOIMMUNE)ရောဂါတွေအားလုံးဖြစ်ပွားလာရတဲ့အဓိကအခြေခံအကြောင်းတရားတွေကိုသေချာစွာသိရှိနားလည်သွားပြီဆိုရင်၊ကိုယ်တိုင်အသိပညာတွေကြွယ်ဝလာပြီး၊ဒီရောဂါအားလုံးဖြစ်ပွားရတဲ့အကြောင်းတရားရေသောက်မြစ်ကြီးကိုဖြတ်ချပြစ်လိုက်နိုင်ပြီးဒီလိုရောဂါဆိုးတမျိုးတလေမှမိမိကိုယ်မှာမဖြစ်ပေါ်လာအောင်ကာကွယ်ထားနိုင်သလို၊ဖြစ်နေတာကိုလဲပပျောက်သွားအောင်ကိုယ်တိုင်ကုသနိုင်လာမည့်အပြင်၊သူတပါးမှာဖြစ်လာရင်လဲကာကွယ်ကုသပေးနိုင်မှာဖြစ်ပါတယ်။ — ရိုးရိုးဆရာဝန်ပဲဖြစ်ဖြစ်၊အထူးကုကြီးပဲဖြစ်ဖြစ်၊အနောက်တိုင်းဆေးပညာရှင်ပဲဖြစ်ဖြစ်၊တိုင်းရင်းဆေးဆရာပဲဖြစ်ဖြစ်၊ဘယ်ကျောင်းကနေပဲဆင်းဆင်း၊နာမည်နောက်မှာပါရဂူဘွဲ့တွေဘယ်လောက်အရှည်ကြီးရေးထားပါစေ၊ရောဂါတခုကိုဘာကြောင့်ဖြစ်လာရတယ်ဆိုတဲ့အကြောင်းတရားအစစ်အမှန်ကိုသေချာမသိပဲနဲ့ရမ်းပြီးကုသပေးနေရင်တော့(ဒေါက်တာရမ်းကု)ပါပဲ။ဘယ်သူကကုတယ်၊ဘယ်ဝါကကုတယ်ဆိုတာကအရေးမကြီးပါဘူး။အရေးကြီးတာကဘာကြောင့်ဒီရောဂါစဖြစ်လာရသလဲဆိုတာသိဖို့နဲ့၊ဖြစ်လာရတဲ့အကြောင်းတရားကိုပြုပြင်ပြောင်းလဲပြစ်ပြီးကုသနိုင်ဖို့ပါပဲ။ — ဒီနေရာမှာ(အကြောင်းတရားအစစ်အမှန်ကိုသေချာမသိပဲနဲ့ကုသနေသူတွေဟာဒေါက်တာရမ်းကုတွေပါ)လို့ပြောလိုက်တာဟာ၊ဘယ်ပုဂ္ဂိုလ်၊ဘယ်ဆရာဝန်၊ဘယ်အထူးကု၊ဘယ်တိုင်းရင်းဆေးဆရာတွေကိုမှထိခိုက်ပုတ်ခတ်စော်ကားပြီးပြောလိုက်တာမဟုတ်ပါဘူး။ဒီ(AUTOIMMUNE)ရောဂါကိုလက်တွေ့မှာပျောက်အောင်အကြောင်းတရားမသိပဲနဲ့ဘယ်သူမှပျောက်အောင်မကုသနိုင်သေးလို့သာ(ဝါရင့်ဆရာဝန်ကြီးတွေကိုယ်တိုင်)မှာတောင်ဒီရောဂါ၊ဝေဒနာကိုခံစားနေကြရရှာတာပါ။ပုဂ္ဂိုလ်ရေးစော်ကားတာလုံးဝမဟုတ်ပဲ၊ရောဂါတခုရဲ့သဘောတရားကိုပေါ်လွင်အောင်ပြောလိုခြင်းသာလျှင်ဖြစ်ပါတယ်။ — ဒီနေရာမှာ(Immune System)ဆိုတာဘာလဲ၊ဘာလုပ်တာလဲ။ဘယ်လိုသဘောတရားလဲဆိုတာနက်နက်ရှိုင်းရှိုင်းအခြေခံ(ပရမတ်)ကျကျသိရှိနားလည်မု့ှကိုရပါမယ်။အပေါ်ယံလူတွေအားလုံးနားလည်ထားသလို၊(ပညတ်)တွေဖုံးပြီးနားလည်နေလို့ကတော့ဘာမှမထူးခြားလာနိုင်ပါဘူး။အသိထူးနဲ့ထူးခြားစွာနားလည်ဖို့လိုအပ်နေပါတယ်။ — မြတ်စွာဘုရားဟောထားတဲ့တရားတော်တွေထဲမှာပညတ်နဲ့ပရမတ်ဆိုတာရှိပါတယ်။ပညတ်ဆိုတာကနာမည်တွေကိုပြောတာပါ။ပရမတ်ဆိုတာကတော့သဘောတရားအနှစ်သာရတွေကိုပြောချင်တာပါ။လောကမှာအမြဲတန်းပရမတ်တရားတွေကိုပညတ်တရားတွေကဖုံးကွယ်နေတတ်ပါတယ်။မြန်မာလိုပြောရရင်တော့(အနှစ်သာရသဘောတရားအမှန်တွေကိုနာမည်တွေကဖုံးကွယ်နေတတ်ကြပါတယ်။) — ဥပမာပြောရရင်ဖခင်တစ်ယောက်ဟာ၊ရုပ်ကလဲဆိုး၊အသားကလဲမဲ၊သွားကလဲခေါ၊ဝကလဲဝ၊အရပ်ကလဲပုတဲ့သမီးရုပ်ဆိုးလေးတစ်ယောက်မွေးထားပြီးတော့သားမက်ဖမ်းချင်တယ်ဆိုရင်၊သမီးရဲ့ရုပ်ဆင်းအင်္ဂါလက္ခဏာတွေကိုတိတိကျကျ ။အရှိအရှိအတိုင်းလူတွေကိုမကွယ်မဝှက်ပဲသွားထုတ်ပြောလို့မရနိုင်ပါဘူး။အမှန်အတိုင်းသွားပြောရင်ဘယ်သူကမှကိုယ့်သမီးကိုစိတ်ဝင်စားမှာမဟုတ်သလိုပြောနေတာကိုလဲဆုံးအောင်နားမထောင်တော့ပဲထပြန်သွားကြပါလိမ့်မယ်။ — ကိုယ့်သမီးကိုလူတွေစပြီးစိတ်ဝင်စားလာအောင်အမှန်တရားတွေကိုနာမည်(ပညတ်)လှလှလေးအရင်ပေးပြီးဖုံးကွယ်ထားလိုက်ရပါတယ်။အလွန်ရုပ်ဆိုးလှတဲ့သမီးကို(ချောကလျာဖြူသွယ်နွဲ့နှောင်း)ဆိုပြီးနာမည်လှလှလေးပေးထားပြီးတော့၊(ချောကလျာဖြူသွယ်နွဲ့နှောင်း)လို့အမည်ရတဲ့ကျွန်တော့်ရဲ့သမီးလေးအကြောင်းဆိုပြီးတော့စကားအစခေါ်ပြီးပြောလိုက်တော့၊သူ့သမီးကိုအပြင်မှာမမြင်ဖူးသေးတဲ့နားထောင်နေတဲ့သူတွေမျက်လုံးထဲမှာသမီးချောလေးလို့အလိုလိုသိမြင်ခံစားနေရပြီးစိတ်ပါဝင်စားစွာနဲ့စကားဆုံးအောင်နားထောင်ပါတော့တယ်။ဒီနေရာမှာအဓိကေပြောချင်တာကသဘေတရားအမှန်တွေကိုနာမည်(ပညတ်)တွေကအမြဲတန်းဖုံးကွယ်ထားနိုင်တယ်လို့ပြောချင်တာပါ။ …

အပိုင်း(၁)(Autoimmune)ရောဂါဖြစ်လာရခြင်း၏အခြေခံအကြောင်းတရားများ။ Read More »

Source from Kelvin A. Power’s Facebook on September 16, 2019 မြန်မာပြည်မှာကျွန်တော်ကိုယ်တိုင်(Probiotics)တွေဝယ်သောက်မိလို့(ဂလုန်း)မိသွားခဲ့ရဖူးတယ်ဆိုတော့ကျန်တဲ့လူတွေသောက်နေကြတဲ့ဆေးတွေအတွက်ကတော့ကိုယ့်ဟာကိုယ်သာစဉ်းစားကြည့်ကြပေါ့ဗျာ။ — တခါတလေလူတွေကပုလင်းလေးတွေ(Comment)မှာလာထောင်ပြပြီးတော့ဆရာရေဒီဆေးတွေသောက်နေပါတယ်၊သောက်သင့်မသောက်သင့်ပြောပေးပါဦးဆိုပြီးတော့လာမေးကြတဲ့လူတွေအများကြီးပဲ။အဲဒါကျွန်တော်ဘယ်လိုဖြေပေးရမလဲ?။ကောင်းပါတယ်သောက်ပါလို့ဖြေလိုက်လို့အဲဒီဆေးတွေက(ကလုန်း)ဆေးဖြစ်နေလို့ရောဂါမသက်သာပဲအန္တရာယ်ဖြစ်သွားရင်ဘယ်သူ့ခေါင်းပေါ်ရောက်လာမလဲ။ဆရာကောင်းတယ်ပြောလို့သောက်မိတာအခုတော့ဒုက္ခရောက်ပြီဆိုရင်ကျွန်တော်ခေါင်းပေါ်ရောက်ပြီ။ဒါကြောင့်ကျေးဇူးပြု၍ဒီဆေးသောက်သင့်သလားဆရာလို့လာပြီးမမေးကြပါနဲ့။ဘယ်လိုမှမဖြေသင့်ပါဘူး။ကိုယ်ထုတ်တဲ့ဆေးကလွဲလို့တခြားဆေးတွေကိုယ်ဘယ်လိုမှအစစ်အတုမသိနိုင်ဘူး။ကိုယ်ထုတ်တဲ့ဆေးတောင်ဓါတ်ပုံကြည့်ယုံနဲ့အစစ်လား၊(ကလုန်းလား)မပြောနိုင်ပါဘူး။ဘယ်သူ့ဆီကဝယ်ထားတာလဲပြောပြတော့မှအစစ်အတုပြောနိုင်တာပါ။ — (Probiotics)အကြောင်းဆက်မယ်ဗျာ။ရှင်းရှင်းပြောရရင်မြန်မာတွေကလဲခက်တော့ခက်တယ်ဗျ။တနေ့တနေ့ကြည့်လိုက်ရင်၊ငါက(1 billion probiotics)သောက်တာကွ၊ငါကတော့(10 billion probiotics)မှသောက်တာကွ၊တချို့ကြတော့(30 billion probiotics)မှပေါ့၊တချို့ကြတော့လဲဘယ်သူမှလိုက်မမှီအောင်(50 billion probiotics)သောက်တယ်ပေါ့။ကျွန်တော့်အမြင်ကတော့ဂဏန်းအသေးအကြီးပြိုင်နေတယ်လို့ပဲမြင်ပါတယ်။ — ဒီနေရာမှာကျွန်တော်နဲနဲပြောချင်တာက၊(Probiotics)ဆိုတာကသက်ရှိအကျိုးပြုပိုးမွားလေးတွေကိုပြောတာ။ကိုယ်သောက်တဲ့ဆေးပုလင်းအပြင်ဖက်တံဆိပ်မှာ(50 billion probiotics)မကလို့(100 billion probiotics)လို့ပဲရေးထားရေးထား၊သိပ်အရေးမကြီးပါဘူး။အဲဒါကတော့ရေးချင်တာရေးပေးလိုက်လို့ရပါတယ်။အဓိကအရေးကြီးတာကဆေးတောင့်တစ်တောင့်စီထဲမှာ(အသက်)ရှင်နေတဲ့ပိုးမွားဘယ်လောက်ပါနေလဲဆိုတာဘယ်သူမှသေချာမသိပါဘူး။ဘာပိုးမွားမှမပါတဲ့(ကလုန်း)လဲဖြစ်နိုင်သလို။(ကလုန်း)မဟုတ်ရင်တောင်ပိုးမွားလေးတွေအသက်မရှင်ပဲသေနေတဲ့ဆေးတောင့်လေးတွေလဲဖြစ်နိုင်ပါတယ်။ — အထဲကပိုးမွားလေးတွေကသေသွားပြီဆိုရင်အပြင်မှာ(200 billion probiotics)လို့ရေးထားလဲဘာမှသုံးစားလို့မရတော့ပါဘူး။(Exp: Date)ပါတာကတော့မှန်ပါတယ်။ဒါပေမဲ့များသောအားဖြင့်ကတော့ပိုးမွားလေးတွေဟာ(Exp: Date)ကုန်တဲ့အထိကိုအသက်ရှင်မနေတတ်ကြပါဘူး။မြန်မာပြည်လိုလူတိုင်း(air-con)မသုံးနိုင်တဲ့တိုင်းပြည်၊သုံးနိုင်တယ်ပဲထားဦးမီးပုံမှန်မလာတဲ့တိုင်းပြည်မှာဆိုရင်၊အလွန်ပူပြင်းတဲ့ရာသီဥတုကြောင့်(Probiotics)ဆေးတွေမြန်မြန်တောင်သက်တမ်းကုန်ပျက်စီးလွယ်ပါသေးတယ်။တချို့(probiotics)ထုတ်လုပ်သူတွေဟာ(Lab)ထဲမှာစမ်းသပ်တဲ့အချိန်မှာသာသူတို့ပြောသလောက်ရှိချင်ရှိနေမှာပေါ့။ပုလင်းသွတ်ပြီးရောင်းတဲ့ဆိုင်တွေကိုပို့လိုက်တဲ့အချိန်ကြတော့ပိုးမွားတွေကတဝက်လောက်သေကုန်ပြီ။မြန်မာပြည်ရောက်၊ရာသီဥတုကလဲပူပြင်းနဲ့ဆို၊ကြာရှည်ခံရမယ့်သက်တမ်းတဝက်မကျိုးခင်မှာကိုအကုန်သေကုန်ပါလေရော။ — မသေပဲနည်းနည်းပါးပါးကျန်တယ်ထားဦး။အစာအိမ်ထဲရောက်ရင်အလွန်ပြင်းတဲ့အစာအိမ်အက်ဆစ်ဓါတ်နဲ့တွေ့ပြီးတချို့တွေထပ်ပြီးသေကြပါတယ်။ရှင်းရှင်းပြောရရင်တော့လိုအပ်တဲ့နေရာဖြစ်တဲ့အူမကြီးဆီကိုအသက်ရှင်ရက်နဲ့(Probiotics)တွေရောက်သွားဖို့ဆိုတာတော်တော်ကိုမလွယ်လှပါဘူး။ပိုက်ဆံပေါလို့၊ဖြုန်းတီးချင်လို့(probiotics)တွေသူ့ထက်ငါ၊အပြိုင်အဆိုင်ဝယ်သောက်နေကြတဲ့လူတွေကတော့သောက်ပေါ့ဗျာဘာမှမပြောလိုပါဘူး။ကိုယ့်ပိုက်ဆံနဲ့ကိုယ်သောက်တာပဲလေ။ — ဒါပေမဲ့မရှိဆင်းရဲသားတွေအတွက်ကြတော့(Probiotics)ဆေးတွေဈေးကြီးပေးဝယ်သောက်နေမယ့်အစား၊တခြားပိုပြီးထိရောက်တဲ့နည်းလမ်းတွေရှိပါသေးတယ်။ကိုယ်တိုင်နွားနို့စစ်စစ်ရှာပြီးဒိန်ချဉ်စစ်စစ်အိမ်မှာတည်ပြီးစားပါ။ချဉ်လေကောင်းလေပါပဲ။သကြားတော့ထည့်မစားကြပါနဲ့။အစပိုင်းမှာတော့ချဉ်တော့မစားနိုင်ဘူးပေါ့။အကျင့်ဖြစ်လာတော့အဲဒီချဉ်တာကိုပဲပိုပိုပြီးကြိုက်လာပါလေရော။နောက်တော့အချိုကိုမကြိုက်တော့တာ။ — နောက်တနည်းကတော့ဟင်းသီးဟင်းရွက်တွေဝယ်၊သန့်ရှင်းအောင်ရေသေချာဆေးကြောပြီးတော့၊အိုးတွေဖန်ပုလင်းတွေထဲမှာအချဉ်ဖတ်တည်ပြီးတော့စားကြပါ။(probiotics)ဆေးတွေထက်အကျိုးကျေးဇူးအဆပေါင်းများစွာပိုရဖို့သေချာပါတယ်။အသက်ရှင်မနေတော့ပဲသေနေတဲ့(probiotics)ဆေးတွေ၊တရုတ်ပြည်ကလာတဲ့(ကလုန်း)ဆေးတွေကိုသောက်မိတာနဲ့စာရင်၊ကိုယ်တိုင်အိမ်မှာလုပ်တဲ့ဒိန်ချဉ်နဲ့ဟင်းသီးဟင်းရွက်ချဉ်ဖတ်အိုးတွေကပိုပြီးတော့တန်ဖိုးရှိပါတယ်။ — (probiotics)ဆိုတာဆေးတွေသောက်လိုက်မှရတာမဟုတ်ပါဘူး။ကမ္ဘာဦးကတည်းကစလို့မိဘအဖိုးအဖွားတွေလက်ထက်အထိအချဉ်ဖတ်စိမ်စားလာခဲ့ကြတာနှစ်ပေါင်းပြန်ရေတွက်ရင်မနည်းတော့ပါဘူး။အခုကြမှသာ(probiotics)ဆေးအပြိုင်သောက်နေကြတာပါ။ချဉ်ဖတ်စိမ်စားတာကပိုသေချာပါတယ်။ဒါပေမဲ့သန့်ရှင်းဖိုေ့တာ့လိုပါတယ်။မသန့်ရှင်းရင်တော့ဝမ်းပျက်ဝမ်းလျှောဖြစ်ပါမယ်။ — ဘယ်လိုဟင်းသီးဟင်းရွက်မျိုးတွေကိုအချဉ်တည်ရင်(probiotics)တွေရမလဲလို့မေးရင်တော့အဖြေကလွယ်လွယ်လေးပါ။မည်သည့်ဟင်းသီးဟင်းရွက်မဆို(Soluble Fiber)ကြွယ်ဝတဲ့ဟင်းသီးဟင်းရွက်အားလုံးအချဉ်တယ်လို့ရပါတယ်။(probiotics)ပိုးတွေဆိုတာကကိုယ်ထည့်ပေးစရာမလိုပါဘူး။ (Soluble Fiber)ကိုအချဉ်ဖေါက်(Fermentation)လုပ်လိုက်ရင်သူ့ဟာသူ(သန္ဒေတစ)ကနေဖြစ်လာတာပါပဲ။အပြင်ကထည့်ပေးစရာမလိုပါဘူး။(Soluble Fiber)ကိုအချဉ်ဖေါက်(Fermentation)လုပ်တိုင်း(probiotics)တွေအလိုလိုဖြစ်လာတာပါပဲ။အချိန်မရှိလို့၊နေရာမရှိလို့ချဉ်ဖတ်အိုးတွေမတည်စားနိုင်ရင်တောင်၊(Soluble Fiber)ကိုစားပေးလိုက်ရုံနဲ့၊အူမကြီးထဲမှာအချဉ်ဖေါက်မှု့(Fermentation)အလိုလိုဖြစ်ပြီတော့ကောင်းမွန်တဲ့(probiotics)ပိုးမွားလေးတွေပေါက်ပွားလာတာပါပဲ။အစားအသောက်ထဲမှာ(Soluble Fiber)ပါတဲ့အစားအသောက်ကိုများများစားပေးတဲ့လူ(သို့)(Soluble Fiber)ဖြည့်စွက်စာစားတဲ့လူတွေဟာ(probiotics)ဆေးတွေသီးသန့်ဝယ်သောက်စရာလိုမယ်မထင်ပါဘူး။ — အနှစ်ချုပ်ပြောချင်တာကတော့အသက်ရှင်မနေတော့ပဲသေနေတဲ့(probiotics)ဆေးတွေနဲ့တရုတ်ပြည်ကလာတဲ့ (ကလုန်း)ဆေးတွေကိုသောက်မိတာနဲ့စာရင်၊လူတိုင်းလူတိုင်းအိုးတွေဖန်ပုလင်းတွေထဲမှာဟင်းသီးဟင်းရွက်တွေကိုအချဉ်ဖတ်တည်ပြီးတော့စားတာကပိုပြီးအကျိုးရှိပါတယ်။အိုးတွေဖန်ပုလင်းတွေထဲမှာအချဉ်ဖတ်မတည်နိုင်ရင်တောင်(Soluble …

(Probiotics)(သို့မဟုတ်)အချဉ်ဖတ်။ Read More »