မြန်မာလူမျိုးအများစုရဲ့အဆိုးဆုံးအကျင့်စရိုက်တစ်ခုကတော့စာဖတ်ပျင်းကြတာပါပဲ။

နောက်ပြီးသူကသေချာထပ်ပြောသေးတယ်။သားမှာရှိတဲ့သုညတွေဟာတစ်ကယ်တော့တန်ဖိုးမရှိတဲ့သုညတွေမဟုတ်ဘူးတဲ့ဗျ၊တန်ဖိုးဖြတ်လို့မရတဲ့သုညတွေဖြစ်နေပါတယ်တဲ့။ပြီးတော့သူကထပ်မေးပြန်တယ်၊သားမှာ(သုည) တွေတော့အများကြီးရှိနေပါတယ်ဆိုပါစို့၊ဒါပေမယ့်(၁)တစ်လုံး၊လုံးဝမရှိဘူးဆိုရင်ကောဘာများအသုံးဝင်မှာလဲတဲ့?။

—

သူကဆက်ပြီး၊သားမှာရှိနေတဲ့သုညတွေအများကြီးကိုအသက်သွင်းနိုင်ဖို့သား(၁)တစ်လုံးမရရအောင်ရှာချင်ပါတယ်တဲ့။အဲဒီ(၁)ကိုသားဘယ်မှာသွားရှာလို့ရနိုင်မလဲလို့သူကစိတ်အားထက်သန်စွာနဲ့ပြန်မေးလာပါတယ်။ကျွန်တော်ကပြန်ဖြေလိုက်တယ်။လွယ်လွယ်လေးပါကွာလို့၊အဲဒီမင်းလိုချင်တဲ့(၁)ဆိုတာဟာစာအုပ်ထဲမှာပဲရှိတယ်ကွလို့။စာအုပ်ထဲမှာသွားရှာပါလို့ပြောလိုက်ပါတယ်။

—

ဒီခလေးဟာအကင်းအလွန်ပါးတယ်ဗျ။သူ့ကိုစာဖတ်ခိုင်းလိုက်တယ်ဆိုတာကိုကောင်းကောင်းနားလည်သဘောပေါက်သွားပါတယ်။စာဖတ်တယ်ဆိုတာ(သုည)ကနေအလိုလိုနေရင်းနဲ့တစ်သိန်း၊တစ်သန်းဖြစ်စေနိုင်တယ်ဆိုတာဒီခလေးတောင်နားလည်သေးတာဒီစာကိုဖတ်နေသူအားလုံးလဲနားလည်သဘောပေါက်လောက်ပါပြီ။

—

တစ်ကယ်တန်းပြောရမယ်ဆိုရင်၊ဒီခလေးတစ်ယောက်တည်းကသာမောင်သုညမဟုတ်ပါဘူး။ခင်ဗျားတို့ကျွန်တော်တို့တွေအားလုံးလဲမွေးလာခါစတုံးကခေါင်းထဲမှာဘာပညာဗဟုသုတတွေမှမွေးရာပါအနေနဲ့ပါမလာကြပါဘူး။အားလုံးဟာမွေးရာပါ(မောင်သုည၊မသုညတွေပဲ)မဟုတ်ဘူးလား?။

—

ဒီနေရာမှာလူအဖြစ်မွေးလာတာနဲ့တိရိစ္ဆာန်အဖြစ်မွေးလာတာဟာဘာကွာပါသလဲလို့ထပ်မေးချင်ပါတယ်။လူအဖြစ်နဲ့မွေးလာတဲ့သူရောနဲ့တိရိစ္ဆာန်အဖြစ်နဲ့မွေးလာတဲ့လူရောနှစ်ဦးစလုံးဟာခေါင်းထဲမှာမွေးရာပါ၊ဘာပညာ၊ဗဟုသုတတွေမှအလိုလိုပါမလာကြပါဘူး။အားလုံးဟာမောင်သုည၊မသုည၊လူသုည၊ခွေးသုည၊နွားသုညတွေကြီးအတူတူပဲမဟုတ်လား။

—

ဒါပေမယ့်တစ်ခုတော့ကွာခြားပါတယ်။ကျွန်တော်တို့လူတွေမှာအဲဒီပါလာတဲ့သုညတွေကို(တစ်ဆယ်၊တစ်ရာ၊တစ်ထောင်၊တစ်သိန်း၊တစ်သန်း၊တစ်ကုဋေ)မကအောင်၊ရေတွက်နလို့မရနိုင်တဲ့တန်ဖိုးတွေဖြစ်သွားနိုင်အောင်အသက်သွင်းပေးနိုင်တဲ့အခွင့်အလမ်းတွေရှိနေကြပါတယ်။တိရိစ္ဆာန်တွေကြတော့အဲဒီအခွင့်အရေးမရရှိကြရှာပါဘူး။မွေးသုည၊သေသုညပါပဲ။

—

ကျွန်တော်တို့တွေမွေးရာပါ၊ပါလာတဲ့သုညတွေကို၊စာဖတ်ခြင်း၊အသိပညာသင်ယူခြင်း၊စူးစမ်းလေ့လာခြင်းဆိုတဲ့နည်းစနစ်တွေနဲ့အသက်သွင်းပေးနိုင်ခဲ့မယ်ဆိုရင်တော့ကျွန်တော်တို့တွေဟာတန်ဖိုးမဖြတ်နိုင်တဲ့လူသားအစစ်တွေဖြစ်သွားကြပြီ။စာမဖတ်ချင်ဘူး၊တနည်းအားဖြင့်ခေါင်းထဲကသုညတွေကိုလဲအသက်သွင်းနိုင်တဲ့အခွင့်အလမ်းတွေရှိရက်နဲ့အသက်မသွင်းချင်ဘူး၊ပျင်းနေတယ်ဆိုတဲ့လူသားဟာ၊သူ့ဘဝဆုံးရံှုးသွားပါပြီ။အဲဒီလူဟာခွေးတွေတိရိစ္ဆာန်တွေနဲ့ဘာမှကွာမခြားတော့ပါဘူး။သူလဲတိရိစ္ဆာန်တွေလိုမွေးသုည၊သေသုညအတူတူပဲအဟုတ်ဘူးလား?။

—

လောကမှာလူပဲဖြစ်ဖြစ်၊တိရိစ္ဆာန်ပဲဖြစ်ဖြစ်ရေရှည်မှာ၊ဉာဏ်ပညာဗဟုသုတများတဲ့လူက၊ဉာဏ်ပညာဗဟုသုတနည်းတဲ့လူကိုဦးဆောင်သွားတာဟာသဘာဝပဲမဟုတ်လား။ကမ္ဘာမှာအမေရိကန်ကဦးဆောင်နေတယ်ဆိုကြပါစို့။ဘာကြောင့်ဦးဆောင်နေတာလဲလို့မေးရင်၊ဉာဏ်များလို့ပါပဲ။တစ်ကယ်လို့သာတရုတ်ကဉာဏ်ပိုများလာတဲ့တစ်နေ့မှာကမ္ဘာကိုတရုတ်ကဦးဆောင်သွားမှာပါပဲ။

—

ဒီအတိုင်းပါပဲ၊တစ်ကယ်လို့တစ်နေ့မှာမြန်မာလူမျိုးတွေကတစ်ခြားလူမျိုးတွေထက်ဉာဏ်ပညာဗဟုသုတတွေများလာပြီဆိုရင်တော့ကမ္ဘာကိုမြန်မာကဦးဆောင်သွားနိုင်မှာပါပဲ။မြန်မာတွေဒါကိုနားမလည်သေးပဲစာဖတ်ဖို့ပျင်းနေဦးမယ်ဆိုရင်တော့တစ်နေ့သူများကျွန်ထပ်ပြီးဖြစ်ဦးမှာပါပဲ။သူများကျွန်ဖြစ်တာကနောက်မှပါ။လောလောဆယ်ကိုယ့်လူမျိုးခြင်းမှာတောင်စာဖတ်သူတွေကသခင်ဖြစ်ပြီး၊စာမဖတ်သူတွေကတော့ကျွန်ဖြစ်နေကြဦးမှာပါပဲ။

—

အနှစ်ချုပ်ပြောရရင်ဉာဏ်ပညာဗဟုသုတဆိုတာလူရော၊တိရိစ္ဆာန်ရော၊မွေးကတည်းကဘယ်သူမှပါလာတာမဟုတ်ပါဘူး၊အားလုံးက(သုည)နဲ့မွေးလာကြတာပဲမဟုတ်လား?။လေ့လာဆည်းပူးမှစာဖတ်မှသာလျှင်အဲဒီသုညတွေဟာအသက်ဝင်လာပြီး၊ဘဝမှာတန်ဖိုးမဖြတ်နိုင်အောင်အောင်မြင်သွားကြတာမဟုတ်ဘူးလား။စာမဖတ်သူကတော့လူနဲ့တိရိစ္ဆာန်အသိဉာဏ်ချင်းသိပ်ပြီးကွာနိုင်မယ်မထင်ပါဘူး။

—

အားလုံးစာဖတ်မပျင်းသူများဖြစ်ကြပြီးမိမိတို့ရဲ့အသက်နှင့်ခန္ဓာကိုယ်ကို၊ကိုယ်ပိုင်ဉာဏ်ပညာ၊ဗဟုသုတများဖြင့်စောင့်ရှောက်နိုင်ကြပါစေ။

—

Kelvin Albert Power