အချက်(၄)ချက်ပါ၊(Wuhan COVID-19)ကူးစက်ရောဂါကာကွယ်ကုသနည်း(Protocol)

အချက်(၄)ချက်ပါ၊(Wuhan COVID-19)ကူးစက်ရောဂါကာကွယ်ကုသနည်း(Protocol)

–

တစ်ချို့လူတွေကပြောကြတယ်။အရင်ဖြစ်ပေါ်သွားခဲ့တဲ့(SARS) တုံးကသေပျောက်နုန်း(၁၁)ရာခိုင်နုန်းလောက်တောင်ရှိခဲ့တယ်။အခု(Feb13,2020)တရုတ်ထုတ်ပြန်တဲ့စာရင်းအရရောဂါကူးစက်ခံရသူ(ခြောက်သောင်း)နီးပါးရှိနေပြီး၊သေဆုံးသူ(ထောင့်လေးရာ)နီးပါးလောက်ပဲရှိတာကိုကြည့်ပြီးတော့၊(၁၄၀၀)ကို(ခြောက်သောင်း)နဲ့အချိုးချပြီးတော့၊သေပျောက်မှု့နုန်း(၂.၃)ရာခိုင်နုန်းလောက်ပဲရှိတယ်ဆိုပြီးတော့လျှော့ပြီးမတွက်မိကြဖို့အထူးလိုအပ်ပါတယ်။

–

ဒီနေရာမှာတရုတ်ထုတ်ပြန်ချက်စာရင်းအရသေချာဂရုစိုက်ရမယ့်နံပါတ်(၃)မျိုးရှိပါတယ်။ရောဂါကူးစက်ခံရသူ(ခြောက်သောင်း)နီးပါးရှိနေပြီး၊သေဆုံးသူ(၁၄၀၀)နီးပါးပဲရှိသေးတယ်ဆိုတာဟာမှန်ပေမဲ့၊အမှန်တစ်ကယ်ရောဂါပျောက်ကင်းသွားတဲ့လူက(ခြောက်ထောင်)လောက်လေးပဲရှိပါသေးတယ်။ဒီနေရာမှာ(ခြောက်သောင်း)ရောဂါဖြစ်နေတယ်(၁၄၀၀)ပဲသေတယ်လို့တွက်လို့မရနိုင်ဘူး။

–

သေချာတွက်ရမှာက(ခြောက်သောင်း)ရောဂါဖြစ်နေတာတော့မှန်တယ်။ပြန်ကောင်းတဲ့လူက(ခြောက်ထောင်)လောက်လေးပဲရှိသေးတယ်။သေတဲ့လူက(၁၄၀၀)တောင်ရှိနေပြီဆိုတဲ့သဘောကဘာလဲဆိုတော့၊(ခြောက်သောင်း)ထဲကနေ(ခြောက်ထောင်)နဲ့(ထောင့်လေးရာ)ကိုနုတ်ကြည့်လိုက်။အဖြေကလူပေါင်း(ငါးသောင်းနှစ်ထောင့်ခြောက်ရာ)တောင်ဆေးရုံပေါ်မှာရှိနေသေးတယ်။အဲဒီလူပေါင်း(၅၂၆၀၀)ထဲကနေဘယ်နှစ်ယောက်ထပ်သေဦးမယ်ဆိုတာဘယ်သူမှမပြောနိုင်သေဘူး။

–

အမှန်တစ်ကယ်တွက်ရမှာက(ခြောက်ထောင်)ရောဂါပျောက်ကင်းသွားတယ်။(ထောင့်လေးရာသေတယ်)လို့တွက်ရမှာဖြစ်ပါတယ်။ဒီလိုတွက်လိုက်ရင်ရလဒ်ကလူ(၇၄၀၀)ယောက်ရောဂါကူးစက်ခံရရင်(၁၄၀၀)သေတယ်။(ခြောက်ထောင်)ရောဂါပျောက်ကင်းသွားတယ်ဆိုတာထင်ရှားနေပြီ။ကျန်တဲ့ဆေးရုံပေါ်မှာရောက်နေတဲ့၊သေမယ်ရှင်မယ်မသိသေးတဲ့လူ(၅၂၆၀၀)ယောက်ကိုထည့်တွက်စရာမလိုတော့ဘူး။

–

ဒီနည်းအတိုင်းဆိုရင်ရောဂါကူးစက်ခံရတဲ့လူ(၅)ယောက်မှာ(၁)ယောက်သေတယ်၊(၄)ယောက်ပြန်ကောင်းသွားတယ်ဆိုတာရှင်းသွားပြီ။ငါးယောက်မှာတစ်ယောက်သေတယ်ဆိုတော့သေပျောက်နုန်းအစစ်ဟာ(၂၀)ရာခိုင်နုန်းတောင်ရှိနေတယ်။

–

ဒီပုံစံအတိုင်းဆိုရင်၊ (Wuhan COVID-19)ဟာ(SARS)ထက်နှစ်ဆလောက်ပိုပြီးကြောက်စရာကောင်းနေပြီဆိုတာကိုအားလုံးသတိထားကြဖို့လိုလာပါပြီ။ပေါ့ပေ့ါဆဆမတွက်ကြပါနှင့်။အလွန်အန္တရာယ်ရှိပါသည်။အပိုတွေပြောပြီး၊ခြိမ်းခြောက်နေတာ(လုံးဝ)လုံးဝမဟုတ်ပါ။ဒီရောဂါဟာမကြာခင်အချိန်အတွင်းမှာသေချာပေါက်နည်းပါး၊တစ်ကမ္ဘာလုံးကိုကူးစက်လာနိုင်ပါတယ်။မြန်မာပြည်ကလဲချွင်းချက်အဖြစ်ကျန်နေမှာတော့မဟုတ်ပါဘူး။အဲဒါကိုလူတိုင်းနားလည်ကြပါ။

–

ဒါတောင်တရုတ်ကစာရင်းအမှန်မပြပဲနဲ့၊စာရင်းတွေအများကြီးလျှော့ပြီးပြတယ်လို့တော်တော်များများကသံသယရှိနေကြတယ်။တရုတ်ပြည်မှာသေပျောက်နုန်း(၂၀)ရာခိုင်နုန်းလောက်ရှိတယ်ဆိုပြီးမြန်မာပြည်ရောက်လာရင်၊တရုတ်လောက်ပဲသေပျောက်မယ်လို့တော့အသေမတွက်မိကြပါစေနှင့်။

–

ဘာကြောင့်လဲဆိုတော့မြန်မာပြည်နှင့်တရုတ်ပြည်သည်ဆေးပညာ၊ဆေးသုတေသန၊ဆေးရုံ၊ဆေးခန်း၊သုံးစွဲနိုင်သောစက်ပစ္စည်း၊အထောက်အကူပစ္စည်းများ၏အဆင့်အတန်းမှာအင်မတန်ကွာခြားလှပါသည်။တရုတ်ဆေးပညာ၊ဆေးသုတေသနများနှင့်ဆေးပစ္စည်းစက်ကိရိယာသုံးစွဲနိုင်မှု့အဆင့်အတန်းသည်အမေရိကန်ပြီးရင်ကမ္ဘာမှာဒုတိယလောက်လိုက်နေပါသည်။တရုတ်ပြည်မှာသေပျောက်နုန်းနည်းလျှင်သော်လည်း။မြန်မာပြည်မှာသေပျောက်နုန်းမြင့်မားနိုင်ပါသည်။ဒီအချက်ကိုအထူးထည့်သွင်းစဉ်းစားကြဖို့အထူးပြောကြားလိုပါသည်။

–

ဒါကြောင့်အခုပဲသုတေသနတွေကိုအခြေခံတဲ့၊ကျွန်တော့်ရဲ့ကူးစက်ရောဂါကာကွယ်ကုသနည်း(Protocol)ကိုရေးပေးပါမည်။လူတိုင်းမှတ်ရလွယ်အောင်(Hips Protocol)လို့လဲခေါ်ဆိုနိုင်ပါတယ်။(Hips)ဆိုတဲ့အဓိပါယ်ကတော့အဆင့်(၄)ဆင့်ရှိပါတယ်။

–

H= Health = ကျန်းမာရေးကောင်းမွန်နေစေရန်။

I= Isolation = ရောဂါမကူးစက်ဖို့်သီးသန့်ခွဲခြားနေထိုင်ရန်။

P= Protection = ရောဂါကာကွယ်ရန်။

S= Supportive therapy =အထောက်အကူပြုကုသရန်။

အဲဒီလေးမျိုးကို(Hips)လို့အတိုကောက်မှတ်ရင်လွယ်ကူပြီးမှတ်မိရလွယ်ပါတယ်။

—

၎င်းအချက်(၄)ချက်ကိုအကျယ်ရေးပေးပါမည်။

—

(၁) (H= Health)=ကျန်းမာရေးကောင်းမွန်နေစေရန်။

(Coronavirus)ရောဂါမိမိနေရာသို့ကူးစက်မလာမှီ၊မိမိကျန်းမာရေးနှင့်ခုခံအားကောင်းမွန်နေအောင်ကြိုတင်ကျိုးစားပြင်ဆင်ထားရန်ဆိုလိုခြင်းဖြစ်ပါသည်။

–

ပထမဆုံးအနေနဲ့ခုခံအားကောင်းမွန်ရန်အရေးကြီးဆုံးအချက်မှာအိပ်ရေးဝဝအိပ်ကြဖို့လိုပါသည်။စုစုပေါင်းအိပ်ချိန်(၈)နာရီ(၉)နာရီခန့်လိုအပ်ပါသည်။ခုခံမှု့စနစ်ကိုပြန်လည်ပြုပြင်သောအချိန်အကန့်အသတ်ဖြစ်သည့်ည(၁၀)နာရီနှင့်မနက်(၁)နာရီအချိန်ကိုမိမိရရအိပ်စက်မိဖို့လိုပါသည်။

–

စိတ်မပူပဲ၊စိတ်ဖိစီးမှု့တွေလျော့ချပြီးအိပ်ရေးဝဝအိပ်ပါ။တတ်နိုင်ရင်ကမ္မဌာန်းထိုင်ပါ။မေတ္တာပွားပါ။မေတ္တာစိတ်သည်ခန္ဓာကိုယ်ရဲ့ခုခံမှု့စနစ်ကိုအထူးကောင်းမွန်ပြီးအင်အားပြည့်စေနိုင်ပါသည်။စိတ်ဖိစီးမှု့သည်ခုခံမှု့စနစ်ကိုပျက်စီးစေနိုင်ပါသည်။စိတ်ဖိစီးမှ့ုမရှိအောင်နေပါ။

–

မနက်ဘာမှမစားခင်ရေနှစ်ခွက်၊သုံးခွက်အဝသောက်ပါ။လေ့ကျင့်ခန်းလုပ်ပါ။လမ်းလျှောက်ပါ။လေကောင်းလေသန့်ရူရှိုက်ပါ။ဆေးလိပ်ဖြတ်ပါ။အရက်ခဏဖြတ်ပါ။အဆုတ်အဓိကကျန်းမာရန်လိုအပ်သဖြင့်၊ဆေးလိပ်သောက်ရင်တော့ဒီရောဂါကြောင့်အသက်အန္တရာယ်ရှိနိုင်ပါသည်။

–

သကြားဓါတ်နှင့်ကာဗိုဟိုက်ဒရိတ်ကိုလျော့စားပါ။ရောင်ကိုင်းမှု့ကိုဖြစ်ပေါ်စေတတ်သော(Omega-6)အမျိုးအစား(polyunsaturated Fat)ခေါ်(PUFA)အဆီများကိုလျော့စားပါ။ရောင်ကိုင်းမှု့ပပျောက်သောငါးကြီးဆီ(Omega-3)အမျိုးအစားကိုပိုစားပါ။

–

ကျန်းမာရေးနှင့်ညီမျှသောဟင်းသီးဟင်းရွက်များနှင့်၊အသားဓါတ်၊(Omega3)ကြွယ်ဝသောငါးများများစားပေးပါ။(Organic)အစားအသောက်များစားပါ။ထမင်းကိုလျှော့စားပြီးကန်ဇွန်းဥနှင့်မုန်လာဥနီများများစားပေးပါ။ကန်ဇွန်းဥနှင့်မုန်လာဥနီတွင်ပါဝင်သော(Vitamin A)သည်ရောဂါကိုကာကွယ်ပေးနိုင်ပါသည်။(Vitamin A)ကိုဆေးသောက်ပါက၊များသွားလျှင်အန္တရာယ်ရှိနိုင်ပါသည်။အစားအသောက်ကရလျှင်တော့အန္တရာယ်ကင်းပါသည်။

–

ကျန်းမာ၍ခုခံမှု့အားကောင်းမွန်ရန်ကြိုတင်၍အောက်ပါအဟာရများ၊ဖြည့်စွက်စားများ၊ဗီတာမင်နှင့်သတ္တုဓါတ်များစားသုံးလျှင်အထောက်အကူပြုနိုင်ပါသည်။(Multivitamins Tablet(or)Multivitamins Gummy, Vitamin B Complex, Omega3 Fish oil, Apple Cider Vinegar Capsule, Vitamin D3, Bioperine, Vitamin C (or) Bio Zinc C, Natural Vitamin E, Zinc, Bioflavonoid, Rose Hips, (NAC) N-Acetyl-Cystine, COQ10, Magnesium, Selenium)စသည်တို့ဖြစ်ပါသည်။

–

အားလုံးမဖြစ်မနေသောက်ရမည်ဟုမဆိုလိုပါ။မိမိတို့တတ်နိုင်သလောက်သောက်ထားလျှင်ကျန်းမာရေးနှင့်ခုခံမှု့စနစ်အတွက်အထောက်အကူပြုကြောင်းအကြံပြုခြင်းသာဖြစ်ပါသည်။အတင်းမတိုက်တွန်းပါ။

———————-

(I= Isolation)=ရောဂါမကူးစက်ရန်သီးသန့်ခွဲခြားနေထိုင်ရန်။

ကူးစက်ရောဂါမိမိ၏မြို့သို့ကူးစက်ပြန့်ပွားလာပါက၊လူအများနှင့်ထိတွေ့ဆက်ဆံမှု့အားလုံးကိုလျော့ချပြီး၊မိမိ၏မိသားစုကိုလူအများနှင့်မရောနှောတော့ပဲသီးသန့်ခွဲခြားနေထိုင်ကြရန်ဖြစ်ပါသည်။

–

လူများသောနေရာများသို့တတ်နိုင်လျှင်မသွားပါနှင့်။လူအများနှင့်တွေ့ဆုံခြင်း။စုရုံးစကားပြောခြင်းများမလုပ်ပါနှင့်၊တတ်နိုင်လျှင်အလုပ်နှင့်ကျောင်းများကိုခွင့်ယူ၍တောရွာမိဘနေရပ်များသို့ခေတ္တထွက်ခွာအနားယူပါ။

–

တောရွာသို့မသွားနိုင်ပဲမြို့ပေါ်တွင်နေထိုင်ရမည်ဆိုပါက၊တာရှည်ခံပြီးကျန်းမာရေးနှင့်ညီညွတ်သောစားစရာသောက်စရာများ၊ဆန်ဆီ၊ကုန်ခြောက်များ၊ရေသန့်များ၊ဗူးသွတ်အစားအစာများ၊စက္ကူနှင့်ဆေးဝါး၊အသုံးအဆောင်ပစ္စည်းများနှစ်ပါတ်သုံးပါတ်စာဝယ်ယူထားပြီးအိမ်ထဲတွင်နေထိုင်၍၊အိမ်တံခါးကိုသော့ခတ်ထားပါ။ဧည့်သည်အဝင်မခံပါနှင့်၊လူစိမ်းအိမ်ပေါ်သို့အတက်မခံပါနှင့်၊ရောဂါသယ်ယူလာတတ်ပါသည်။

–

စားနပ်ရိက္ခာစုဆောင်းထားပြီး၊အိမ်တံခါးပိတ်၍အများနှင့်မဆက်ဆံပဲနေထိုင်ခြင်းဖြင့်(Isolation Protocol)ကိုပြီးပြည့်စုံစေနိုင်ပါသည်။

———————–

(P= Protection)= ရောဂါကာကွယ်ရန်။

ကူးစက်ရောဂါမိမိနေသောနေရပ်သို့ကူးစက်ပြန့်ပွားလာပါကမိမိကိုရောဂါမကူးစက်နိုင်အောင်ကာကွြယ်ခင်းကိုဆိုလိုပါသည်။၊ရောဂါမိမိထံသို့ကူးစက်ပြန့်ပွားလာနိုင်သည့်အဓိကနည်းလမ်းများမှာအောက်ပါအတိုင်းဖြစ်ပါသည်။

–

(၁)ရောဂါပိုးများနှင့်ထိတွေ့ထားသောလက်နှစ်ဖက်မှတဆင့်၊မျက်နှာ၊မျက်စိ၊နှာခေါင်းတို့ကိုမတော်တဆ၊အမှတ်တမဲ့ကိုင်တွယ်မိ၍ကူးစက်ပြန့်ပွားနိုင်ခြင်း။

–

(၂)ရောဂါရှိသူချောင်းဆိုးလိုက်သော၊နှာချေလိုက်သောရေမှုံများတိုက်ရိုက်မျက်စိ၊နား၊နာခေါင်း၊ပါးစပ်ထဲသို့ဝင်လာ၍ကူးစက်နိုင်ခြင်း။

–

(၃)ရောဂါရှိသူနှင့်တခန်းထဲတွင်နေထိုင်မိ၍၊ရောဂါရှိသူနှာချေ၊ချောင်းဆိုးစကားပြောရာမှအခန်းထဲတွင်ပျံ့နှံ့နေသောဗိုင်းရပ်(စ်)ပိုးများကိုရူသွင်းမိ၍ကူးစက်နိုင်ခြင်း။

–

(၄)ရောဂါရှိသူ၏အသုံးအဆောင်၊သို့မဟုတ်ရောဂါပိုးပြန့်ပွားနေသောအသုံးအဆောင်ပစ္စည်းများကိုကိုင်တွယ်မိ၍လက်မှတဆင့်၊မျက်နှာ၊နှာခေါင်း၊ပါးစပ်များသို့ကူးစက်နိုင်ခြင်း။

စသည်တို့ဖြစ်ကြပါသည်။

—

ရောဂါရှိသူကနှာချေလို့ပဲဖြစ်ဖြစ်၊ချောင်းဆိုးလို့ပဲဖြစ်ဖြစ်အပြင်ကိုရောက်ရှိပြန့်န့ှံလာတဲ့ဗိုင်းရပ်စ်ပိုးတွေဟာပါတ်ဝန်းကျင်မှာသေဆုံးမသွားပဲ(၅)ရက်လောက်အထိအသက်ရှင်သန်နေနိုင်ပါသည်။

–

ရောဂါပိုးဟာပြင်ပပါတ်ဝန်းကျင်မှာ(၅)ရက်လောက်အထိရှင်သန်ကူးစက်နိုင်သဖြင့်၊လွန်ခဲ့တဲ့(၅)ရက်အတွင်းကရောဂါရှိတဲ့လူတွေ၊ချောင်းဆိုးနှာချေမိသွားတဲ့နေရာ၊အခန်း၊ခန်းမ(သို့မဟုတ်)ကိုင်မိသွားတဲ့တံခါးလက်ကိုင်တွေ၊တံခါးဘောင်တွေ၊လက်ရန်းတွေ၊ကုလားထိုင်တွေ၊ဓါတ်လှေကားအတက်အဆင်းခလုတ်တွေ၊(Shopping Cart)တွေနဲ့အမျိုးမျိုးသောလူ့အသုံးအဆောင်ပစ္စည်းတွေကိုလဲမိမိမကိုင်မိဖို့လိုပါတယ်။

–

မလွဲသာလို့ကိုင်တွယ်ရရင်လဲအရက်ပျံစွတ်ထားတဲ့တစ်ရူးစက္ကူခံပြီးမှကိုင်တွယ်စေချင်ပါတယ်။(Hand Sanitizer)ဆောင်ထားရင်အကောင်းဆုံးပါ။မရှိပါကတစ်ရူးစက္ကူတွေကိုအရက်ပျံဆွတ်ပြီးလေလုံတဲ့ဗူးလေးတစ်ခုတွင်ထည့်၍ဆောင်ထားပါ။သို့မဟုတ်သံပုရာသီးကိုသေချာခြေပြီးဓါးနဲ့မွမ်းပြီးဆောင်ထားပါ။တစ်ခုခုကိုမလွဲသာမရှောင်သာကိုင်မိရင်၊လက်ကိုဆပ်ပြာနဲ့ချက်ချင်းစင်ကြယ်အောင်ပြန်ဆေးပါ။ရေနဲ့ဆပ်ပြာမရနိုင်လျှင်၊အရက်ပျံနှင့်ပြန်သုတ်ပါ။

—

အရက်ပျံမရနိုင်လျှင်သုံပုရာရည်နှင့်သုတ်ပါ။သံပုရာရည်စစ်စစ်သည်(pH=3.0)ခန့်ရှိသဖြင့်(Virus)ကိုသေစေနိုင်သောအက်ဆစ်အာနိသင်ရှိပါသည်။ရေပြန်ရရှိလျှင်လက်ကိုသေချာပြန်လည်ဆေးကြောပါ။မျက်နှာကိုလက်နှင့်မတော်တဆကိုင်မိလျှင်လက်ကိုသေချာစင်ကြယ်အောင်ဆေး၍မျက်နာချက်ခြင်းသစ်ပြစ်ပါ။

—

အပြင်လူများသောနေရာများသို့သွားပါကနှာခေါင်းနဲ့ပါးစပ်ကို(Mask)ပိတ်ထားရုံနဲ့တင်မရပါ။မျက်လုံးကနေလဲကူးစက်ပြန့်ပွားနိုင်ပြန်ပါတယ်။မျက်လုံးမှာလဲရေကူးရာမှာအသုံးပြုတဲ့(swimming goggles glasses)အလုံပိတ်မျက်မှန်ကလေးတွေတပ်ဆင်ထားရပါမယ်။အလုံပိတ်ရေကူးမျက်မှန်မရလျှင်ရိုးရိုးမျက်မှန်တပ်ဆင်ပါ။

–

စိတ်ချရသော(N95-Mask)ရလျှင်ပိုကောင်းပါသည်။(N95 Mask)မရလျှင်လဲရိုးရိုး(Mask)တတ်ပါ။ ရိုးရိုး(Mask)တောင်ဝယ်မရလျှင်၊လက်ကိုင်ပဝါကိုဒေါင့်ဖြတ်ခေါက်၍ နှစ်ထပ်လုပ်ပြီးနာခေါင်းနှင့်မျက်နှာတွင်စည်းပါ။

–

ရိုးရိုး(Mask)၊ရိုးရိုးမျက်မှန်နှင့်လက်ကိုင်ပဝါနှစ်ထပ်သည်၊ရောဂါပိုးကိုတိုက်ရိုက်ရူရိုက်မိမှု့ကို(N95-Mask)နှင့်အလုံပိတ်ရေကူးမျက်မှန်ကဲ့သို့မကာကွယ်ပေးနိုင်သော်လည်းရောဂါရှိသူ၏၊နှာချေခြင်း၊ချောင်းဆိုးခြင်းတို့မှထွက်လာသောရေမှုံများမိမိကိုတိုက်ရိုက်မထိတွေ့နိုင်အောင်အခိုက်အတန့်အားဖြင့်တားဆီးပေးနိုင်ပါသည်။ထို့အပြင်မိမိလက်နှင့်မျက်နှာ၊နှာခေါင်းနှင့်မျက်လုံးများအားမတော်တဆတိုက်ရိုက်မထိမိ၊မကိုင်မိအောင်ကာကွယ်ပေးနိုင်ပါသည်။

–

အဆိုးဆုံးအချက်ကတော့ပိုက်ဆံပါပဲ။မြန်မာပြည်မှာကပိုက်ဆံစက္ကူတွေကိုလူပေါင်းစုံကိုင်သုံးနေတော့မိမိကိုင်သုံးမိရင်လဲရောဂါကူးစက်နိုင်ပါတယ်။လွန်ခဲ့တဲ့ငါးရက်အတွင်းကရောဂါရှိသူကိုင်ထားခဲ့တဲ့ပိုက်ဆံစက္ကူကိုမိမိကကိုင်မိရင်လဲကူးစက်နိုင်ပါတယ်။ပိုက်ဆံကိုင်ရင်လက်အိတ်အမြဲစွတ်ပြီးမှကိုင်ကြရပါမည်။ပြန်အမ်းငွေများကိုအိပ်ကပ်ထဲမထည့်ပါနှင့်။အလုံပိတ်ပလတ်စတစ်(Zip Lock)အိပ်များဖြင့်ထည့်ထားရပါမည်။

–

အဓိကအရေးကြီးဆုံးအချက်ကမျက်နှာ၊နှာခေါင်း၊ပါးစပ်တွေကိုလက်နဲ့လုံးဝ(လုံးဝ)မထိမိ၊မကိုင်မိဖို့နှင့်လက်တွေကိုမကြာခဏစင်ကြယ်အောင်သေသေချာချာဆေးကြောဖို့လိုအပ်ပါသည်။

–

ကူးစက်ရောဂါမိမိတို့နေထိုင်သောပါတ်ဝန်းကျင်သို့ရောက်ရှိလာသောအခါရောဂါကာကွယ်နိုင်ရန်နှင့်ခုခံအားကောင်းမွန်အောင်ဖြည့်စွက်စာဆေးဝါးများကိုပုံမှန်ထက်ပို၍သောက်သုံးဖို့လိုအပ်ပါသည်။

–

ကျွန်တော်ဆိုရင်တော့၊(Health Protocol)တွင်ဖေါ်ပြခဲ့ပြီးသောအထက်ပါဖြည့်စွက်စာများကိုပုံမှန်အတိုင်းသောက်သုံးနေသည့်အပြင်၊အရေးပေါ်အခြေအနေတစ်ရပ်မှာမှာအောက်ပါဖြည့်စွက်စာများကိုပုံမှန်ထက်ပို၍သောက်သုံးပါမည်။