Source from Kelvin A. Power’s Facebook on September 27, 2019
အပိုင်း(၁)မှာရှင်းပြထားတဲ့ခုခံမှု့စနစ်(Immune System)အလုပ်လုပ်ပုံရဲ့အခြေခံအကျဆုံးသဘောတရားကိုဥပမာတွေအမျိုးမျိုးပေးပြီးရှင်းပြပေမဲ့လူတော်တော်များများကသေသေချာချာနားလည်ပုံမရပါဘူး။ဒီသဘောတရားကိုသေချာရှင်းအောင်ပြန်ရှင်းပြမှရပါတော့မယ်။
—
အပိုင်း(၁)မှာတုံးကခန္ဓာကိုယ်ရဲ့(ခုခံမှု့စနစ်)နဲ့(AUTOIMMUNE)ရောဂါဆိုတာကို(ပရိုတိန်း)ဆိုတဲ့ဝေါဟာရနဲ့အဓိပ္ပာယ်ဖွင့်ဆိုလိုက်တော့၊လူတွေတော်တော်များများနားမလည်တော့ဘူးဖြစ်သွားကြပါတယ်။ဘာဖြစ်လို့လဲဆိုတော့လူတွေနားလည်ထားတဲ့(ပရိုတိန်း)ဆိုတဲ့ဝေါဟာရကတစ်မျိုးဖြစ်နေပါတယ်။ရှင်းရှင်းပြောရရင်လူတော်တော်များများဟာ(ပရိုတိန်း)ဆိုတဲ့စကားကိုသာနေ့စဉ်စကားထဲမှာထည့်သုံးပြီးပြောနေကြတာပါ၊တကယ်တော့(ပရိုတိန်း)ဆိုတာဘာလဲဆိုတာကိုသေသေချာချာအမှန်အတိုင်းသိတဲ့လူတွေတော်တော်လေးကိုနည်းနေပါတယ်။(ပရိုတိန်း)ဆိုတဲ့ဓါတ်ပေါင်းတွေရဲ့အခြေခံသဘောသဘာဝကိုသေချာနားမလည်ထားကြတော့ကျွန်တော်ပြောလိုက်တဲ့သဘောတရားကိုနားလည်ဖို့ပိုပြီးခက်ခဲသွားပါတော့တယ်။(ကကြီး၊ခခွေး)တွေကိုအရင်မသင်ထားပေးပဲနဲ့၊ကျော်ပြီး(ကာ၊ကား၊ခါ၊ခါး)သွားသင်ပေးလိုက်မိသလိုဖြစ်သွားပါတယ်။
—
(ပရိုတိန်း)ဆိုတာဘာလဲလို့သေချာနားလည်ထားတော့မှသာအပိုင်း(၁)မှာတုံးကကျွန်တော်ဆိုလိုချင်တဲ့ခုခံမှု့စနစ်နဲ့(AUTOIMMUNE)ရောဂါတို့ရဲ့သီအိုရီသဘောတရားအသစ်ကိုနားလည်နိုင်မှာပါ။
—
(ပရိုတိန်း)ဆိုတာ၊ဘာပါလိမ့်?။
—
လူအများသိထားတဲ့ပရိုတိန်းဆိုတာက(အသားဓါတ်)အဟာရတစ်ခုဖြစ်တယ်။ခန္ဓာကိုယ်ကိုသန်မာကြီးထွားစေတယ်။ခလေးငယ်တွေကြီးထွားဖွံ့ဖြိုးဖို့လဲပရိုတိန်းဓါတ်လိုအပ်သလို၊လူတိုင်းလဲကျန်းမာစွာနဲ့အသက်ရှင်နိုင်ဖို့ပရိုတိန်းဓါတ်မရှိမဖြစ်လိုအပ်တယ်။အသားအမျိုးမျိုးတွေ၊ငါးအမျိုးမျိုးတွေ၊ပဲအမျိုးမျိုးတွေ၊နို့အမျိုးမျိုးတွေအပြင်၊ပဲပြားတို့၊ပဲပင်ပေါက်တို့၊ဝိတ်သမားတွေစားနေတဲ့(ပရိုတိန်းပေါင်ဒါမှုန့်)တို့တွေမှာပရိုတိန်းဓါတ်တွေကြွယ်ဝကြတယ်။ခန္ဓာကိုယ်ကိုကြီးထွားသန်မာစေဖို့၊အသက်ရှင်သန်နိုင်ဖို့ခန္ဓာကိုယ်အတွက်မရှိမဖြစ်လိုအပ်တဲ့အဟာရဓါတ်တစ်မျိုးလို့အပေါ်ယံလေးပဲလူအများသိထားကြတယ်။ဒီအသိလေးကမှားလားဆိုတော့၊မမှားပါဘူး။ဒါပေမဲ့ပြည့်ပြည့်စုံစုံမမှန်ဘူးဖြစ်နေတယ်။
—
ဥပမာတစ်ခုပေးပါမယ်။စူးစမ်းးလေ့လာတတ်ခါစအရွယ်ခလေးငယ်လေးတစ်ယောက်ကလူကြီးတစ်ယောက်ကို(ဦးဦးငှက်ဆိုတာဘယ်လိုသတ္တဝါလဲ)လို့မေးတယ်။လူကြီးကပြီးစလွယ်နဲ့(ငှက်ဆိုတာကျီးကန်းကွ)လို့လွယ်လွယ်လေးပဲကောက်ဖြေပေးလိုက်တယ်။ဒီအဖြေက၊မှားလားဆိုတော့မမှားပါဘူး။ဒါပေမဲ့တစိတ်တပိုင်းကလေးပဲမှန်ပါတယ်။တစ်ကယ်ဆိုရင်ငှက်ဆိုတာလေပေါ်မှာပျံနိုင်ကြတဲ့သတ္တဝါတွေဖြစ်တယ်။ခြေထောက်နှစ်ချောင်းရှိတယ်။တောင်ပံတစ်စုံရှိတယ်။နုတ်သီးကဘယ်လို၊အမွေး၊အတောင်၊အမြီးတွေကဘယ်လို၊အစာဘယ်လိုရှာစားတယ်။တောင်ပံဘယ်လိုခတ်ပြီးပျံသန်းနိုင်တယ်။ဘယ်လိုလေဟုန်စီးတယ်၊ဘယ်လိုနားတယ်၊ဘယ်နေရာတွေမှာအသိုက်လုပ်နေတယ်။အကောင်လိုက်မမွေးပဲ၊ဥကနေပေါက်ဖွားတယ်စသည်ဖြင့်သေချာရှင်းပြမှသာပြီးပြည့်စုံအောင်မှန်ကန်နိုင်ပါလိမ့်မယ်။(ငှက်ဆိုတာကျီးကန်းကွ)လို့လွယ်လွယ်လေးပြောလိုက်တာဟာမမှားပေမဲ့ပြည့်စုံအောင်မမှန်လို့သိပ်ပြီးအသုံးမဝင်တဲ့အဖြေပါ။
—
ဒါကြောင့်၊(ပရိုတိန်းဆိုတာဘာလဲ)လို့မေးလာရင်လဲ။(ပရိုတိန်းဆိုတာခန္ဓာကိုယ်ကိုသန်မာကြီးထွားစေဖို့နဲ့ကျန်းမာစေဖို့လူတိုင်းလိုအပ်တဲ့အသားဓါတ်အဟာရတစ်ခုဖြစ်တယ်လို့)လွယ်လွယ်ကလေးဖြေလိုက်တာဟာ(ငှက်ဆိုတာကျီးကန်းကွ)လို့ဖြေလိုက်တာနဲ့အတူတူပါပဲ။မမှားပေမဲ့ပြည့်စုံအောင်မမှန်တော့သိပ်အသုံးမဝင်လှပါဘူး။ပရိုတိန်းဆိုတာဘာလဲလို့သေချာနားလည်သဘောပေါက်သွားအောင်ဥပမာကောင်းကောင်းတွေနဲ့သေချာရှင်းပြမှရပါတော့မယ်။
—
တစ်ကယ်တော့ပရိုတိန်းဆိုတာအမီနိုအက်ဆက်(amino acids)အမျိုးအစားပေါင်း(၂၂)နှစ်မျိုးထဲက(၂)မျိုးထက်မနည်းပဲအမျိုးအစားပေါင်းများစွာကို၊မျိုးရိုးဗီဇ၊ဖေါ်မြူလာအမျိုးမျိုး၏လမ်းညွန်ချက်အတိုင်းမတူညီတဲ့အမီနိုအက်ဆစ်မျိုးအစားပါဝင်မ့ှု၊မတူညီတဲ့အစီအစဉ်၊မတူညီတဲ့ပမာဏ၊မတူညီတဲ့အရွယ်အစား၊မတူညီတဲ့အချိတ်အဆက်အတိုင်း၊ချိတ်ဆက်ပေါင်းစပ်ထားတာဖြစ်ပါတယ်။
—
ကမ္ဘာပေါ်မှာကွဲပြားခြားနားနေတဲ့(ပရိုတိန်း)အမျိုးအစားပေါင်းသိန်းနဲ့သန်းနဲ့ချီရှိနေပြီး၊အသေးငယ်ဆုံးသောဘက်တီးရီးယားအမျိုးမျိုးတွေ၊ဗိုင်းရပ်စ်တွေကအစပြုလို့၊မြွေဆိပ်ကင်းဆိပ်အစရှိတဲ့ဇီဝအဆိပ်အတောက်တွေ၊အပင်တွေတိရိစ္ဆာန်တွေ၊လူတွေ၊ဇီဝသက်ရှိသက်မဲ့တွေ၊အကြီးဆုံးကုန်းမှာဆင်၊ရေမှာဝေလငါးအစရှိတဲ့သတ္တဝါတွေအထိတို့ရဲ့ကိုယ်အင်္ဂါအစိတ်အပိုင်းအသီးသီးအားလုံးမှာပုံစံမတူညီတဲ့ပရိုတိန်းအမျိုးမျိုးတွေနဲ့ဖွဲ့စည်းတည်ဆောက်ထားရတာပါ။
—
ဇီဝသက်ရှိသက်မဲ့အားလုံးတိုင်းမှာ(DNA, RNA )ဆိုတဲ့မျိုးရိုးဗီဇဖေါ်မြူလာတွေပါလာပြီး၊ဖေါ်မြူလာအမျိုးမျိုး၏လမ်းညွန်ချက်အမျိုးမျိုးပေါ်မှုတည်ပြီးတော့ကွဲပြားခြားနားတဲ့ပရိုတိန်းအမျိုးအစားပေါင်းသိန်းနဲ့သန်းနဲ့ချီကိုအမီနိုအက်ဆစ်(Amino acids)(၂၂)နှစ်မျိုးကနေသဘာဝအလျောက်ဖွဲ့စည်းတည်ဆောက်ပေါင်းစပ်ပြီးထုတ်လုပ်ပေးရတာပါ။ပရိုတိန်းအမျိုးမျိုးကိုပေါင်းစပ်တည်ဆောက်ပေးနေတဲ့အခြေခံအမီနို(amino acids)အမျိုးအစားပေါင်း(၂၂)မျိုးဆိုတာတွေကတော့အောက်ပါအတိုင်းပဲဖြစ်ပါတယ်။
—
( Alanine(A), Cysteine(C), Aspartic acid(D), Glutamic acid(E), Phenylalanine(F), Glycine(G), Histidine(H), Isoleucine(I), Lysine(K), Leucine(L), Methionine(M) , Asparagine(N ), Pyrrolysine(O), Proline(P), Glutamine(Q), Arginine(R), Serine(S), Threonine(T), Selenocysteine(U), Valine(V),Tryptophan(W ),Tyrosine(Y))
—
ဒီပို့စ်ရဲ့(ဓါတ်ပုံမှာ)ပြထားသလိုရောင်စုံအလုံးလေးတွေတခုခြင်းသီးခြားစီရှိနေတာတွေကိုတော့အမီနိုအက်ဆစ်လို့ခေါ်ပြီး၊အလုံးရေ(၂)လုံးကနေ၊(၅၀)လောက်အထိတွဲထားရင်တော့ပရိုတိန်းအတိုအစ(peptide)ပက်တိုက်လို့ခေါ်ပါတယ်။တစ်ကယ်လို့အလုံးရေ(၅၀)ထက်ကျော်သွားရင်တော့ပရိုတိန်းလို့ခေါ်ပါတယ်။
—
သေချာနားလည်အောင်ဥပမာကောင်းကောင်းတစ်ခုနဲ့ရှင်းပြရရင်ဘုရားပွဲဈေးတန်းတွေမှာရောင်းနေတဲ့ရောင်စုံဆွဲပုတီးကုံးလေးတွေလိုပါပဲ။ဒီနေရာမှာ(၁၀၈)လုံးတိတိကျကျပါတဲ့စိတ်ပုတီးကုံးတွေကိုဆိုလိုတာမဟုတ်ပါဘူး။မိန်းကလေးတွေအလှဆွဲတဲ့ရောင်စုံဆွဲပုတီးကုံးလေးတွေကိုဆိုလိုချင်တာပါ။ဆွဲပုတီးတွေမှာအသုံးပြုမဲ့ရောင်စုံပုတီးလုံးလေးတွေကိုအရေအတွက်အားဖြင့်တော့လိုသလောက်ရရှိနိုင်ပြီးအရောင်အားဖြင့်တော့(၂၂)ရောင်ပဲရနိုင်မယ်ဆိုကြပါစို့။
—
ဒီဥပမာမှာရှိနေတဲ့အရောင်(၂၂)မျိုးသောပုတီးလုံးလေးတွေထဲကမိမိစိတ်ကြိုက်အရောင်(၁၀)မျိုးကိုရွေးချယ်ပြီးပုလဲလုံး(၁၀)လုံးစီပါတဲ့ပုတီးကုံးတွေကိုသီကုံးယူမယ်ဆိုရင်ရွေးချယ်ထားတဲ့အရောင်တွေတူညီဦးတော့ဘယ်အရောင်က၊ပထမနေရာမှာထားတယ်၊ဘယ်အရောင်ကဒုတိယနေရာမှာရှိတယ်၊ဘယ်အရောင်ကအလည်မှာ၊နောက်ဆုံးအရောင်ကဘာဆိုပြီးတော့အစီအစဉ်မတူညီတဲ့ပုလဲပုတီးကုံးပေါင်းများစွာရရှိနိုင်ပါတယ်။
—
တခါတလေရှိနေတဲ့အရောင်(၂၂)မျိုးကပဲ(၁၆)ရောင်လောက်ကိုရွေးချယ်ပြီးတော့(၃၄)လုံးပါတဲ့ပုတီးကုံးတွေသီကုံးမယ်ဆိုရင်လဲ၊တချို့အရောင်တွင်ကနှစ်ခါ၊သုံးခါ၊လေးခါလောက်လောက်ထပ်ချင်ထပ်နေမှာပေါ့။ဆက်တိုက်လဲထပ်ချင်ထပ်မယ်၊တစ်လုံးခြားနှစ်လုံးခြားလဲထပ်ချင်ထပ်မယ်၊အစနဲ့အဆုံးမှာလဲထပ်ချင်ထပ်မယ်။အစီအစဉ်လဲမတူ၊အရောင်ပါဝင်မှု့လဲကွဲပြားတဲ့ပုတီးကုံးပေါင်းများစွာရရှိနိုင်ပါတယ်။
—
(၂၂)ရောင်ပဲရှိလို့(၂၂)လုံးပုတီးကုံးတွေပဲသီကုံးမှာမဟုတ်ပါဘူး။(၅)လုံး၊(၁၀)လုံး၊အလုံး(၃၀)လုံး၊အလုံး(၁၁၅)၊အလုံး(၁၀၀၀) စသည်ဖြင့်အမျိုးမျိုးသီကုံးချင်လဲကုံးလို့ရပါတယ်။အရှည်အတိုမတူတဲ့ပုတီးအမျိုးမျိုးတွေကိုလဲကြိုက်တဲ့အရောင်၊ကြိုက်တဲ့အစီအစဉ်တိုင်းကုန်းမယ်ဆိုရင်၊မရေမတွက်နိုင်အောင်ကွဲပြားခြားနားနဲ့ပုတီးကုံးအမျိုးမျိုးရမှာကတော့သေချာပါတယ်။
—
မိမိကတိတိကျကျတထပ်တည်းတူညီတဲ့ပုတီးကုံးပေါင်းအမြောက်အများကိုဈေးသည်တွေအများကြီး၊ဆိုင်တွေအမျိုးမျိုးကနေဖြန့်ပြီးအထူးအော်ဒါမှာဝယ်ယူချင်တယ်ဆိုရင်တော့မိမိလိုချင်တဲ့ပုံစံ၊အရောင်၊အရေအတွက်တထပ်တည်းတိတိကျကျရအောင်လမ်းညွန်ချက်စာရွက်ကလေးတစ်ခုကတော့သေချာရေးပေးရပါလိမ့်မယ်။
—
အဲဒီစာရွက်မှာပုတီးကုံးတစ်ကုံးစီမှာအလုံးအရေအတွက်တိတိကျကျဘယ်လောက်ပါဝင်ရမယ်။(၂၂)ရောင်ထဲကဘယ်အရောင်တွေပဲသုံးပြီးဘယ်အရောင်တွေကိုမသုံးပဲဖယ်ထားရမယ်။အရောင်တွေစီရင်လဲဘာအရောင်ကိုပထမထားရမယ်၊ဘာအရောင်ကိုတော့ဒုတိရနေရာမှာထားကုံးရမယ်။ဘယ်အရောင်ကအလယ်မှာ။ဘယ်အရောင်ကနောက်ဆုံးမှာထားရမယ်။တချို့အရောင်တွေကဘယ်နေရာနဲ့ဘယ်နေရာမှာနှစ်ကြိမ်ထပ်ပြီးကုံးမယ်။တချို့အရောင်ကြတော့သုံးကြိမ်ထပ်မယ်။စသည်ဖြင့်စာရွက်လေးတစ်ခုအပေါ်မှာလမ်းညွန်စာရွက်ကလေးတိတိကျကျရေးပေးတော့မှတထပ်တည်းတူညီတဲ့ပုတီးကုံးလေးတွေရရှိနိုင်ပါမယ်။ဈေးသည်အမျိုးမျိုးကိုအရောင်(၂၂)မျိုးပေးပြီးကုံးချင်သလိုကုံးပေးပါလို့မှာလိုက်ရင်တော့တကုံးနဲ့တကုံးဘယ်လိုမှတထပ်ထဲကျတူညီနေမှာမဟုတ်ပါဘူး။
—
ဒီဥပမာအရဆိုရင်သေချာစီကုံးထားတဲ့ဆွဲပုတီးကုံးတစ်ကုံးစီဟာ၊ပရိုတိန်းတမျိုးစီကိုကိုယ်စားပြုပြီးတော့။(၂၂)ရောင်သောရောင်စုံပုတီးလုံးလေးတွေကတော့(၂၂)မျိုးသောအမီနိုအက်ဆစ်တွေကိုကိုယ်စားပြုကြပါတယ်။လမ်းညွန်ချက်စာရွက်ကလေးကတော့(DNA, RNA )လို့ခေါ်တဲ့မျိုးရိုးဗီဇဖေါ်မြူလာတွေကိုကိုယ်စားပြုပါတယ်။
—
ဥပမာမျောက်ထီးတစ်ကောင်နဲ့မျောက်မတစ်ကောင်ပေါင်းစပ်ရင်၊မျောက်မရဲ့ဝမ်းတွင်းထဲမှာရှိတဲ့မျိုးဥလေးကနေသန္ဒေသားလောင်းလေးကခန္ဓာကိုယ်တည်ဆောက်တဲ့အခါမှာမျောက်ခန္ဓာကိုယ်ပဲတည်ဆောက်မှာပါ။အဆိုပါမျောက်ထီးနဲ့မျောက်မစီကရတဲ့(DNA, RNA )လို့ခေါ်တဲ့မျိုးရိုးဗီဇဖေါ်မြူလာအတိုင်းမိခင်စားလိုက်တဲ့အစားအစာကနေရတဲ့အမီနိုအက်ဆစ်(၂၂)မျိုးကနေမတူညီတဲ့ခန္ဓာကိုယ်အစိတ်အပိုင်းအမျိုးမျိုးတွေအတွက်မတူညီတဲ့ပရိုတိန်းအမျိုးမျိုးထုတ်လုပ်တည်ဆောက်ပေးရတာပါ။ဒါပေမဲ့သေချာတာကမျောက်ကရတဲ့မျိုးရိုးဗီဇဖေါ်မြူလာဆိုတော့မျောက်ခန္ဓာကိုယ်အစိတ်အပိုင်းတွေ၊မျောက်ပရိုတိန်းတွေပဲတည်ဆောက်ပေးမှာပေါ့။မျောက်မကြီးခလေးမွေးရင်လဲ၊မျောက်ခလေးပဲမွေးမှာသေချာပါတယ်။အလွန်တိကျတဲ့တဲ့မျိုးရိုးဗီဇဖေါ်မြူလာလမ်းညွန်ချက်အတိုင်း(ပရိုတိန်း)တွေနဲ့ခန္ဓာကိုယ်တည်ဆောက်ရတာဆိုတော့မျောက်မကြီးကနေခွေးလေးတွေကြောင်လေးတွေတော့မွေးဖွားလာစရာအကြောင်းမရှိနိုင်ပါဘူး။
—
ကျွန်တော်တို့တွေအားလုံးမိခင်ဝမ်းတွင်းမှာသန္ဒေသယ်ပြီးလူဖြစ်လာတာကလဲဒီသဘော၊သဘာဝအတိုင်းပါပဲ။မိခင်နဲ့ဖခင်တို့ရဲ့(DNA, RNA )လို့ခေါ်တဲ့မျိုးရိုးဗီဇဖေါ်မြူလာတွေပေါင်းစပ်လိုက်မိကြပြီး၊အဲဒီဖေါ်မြူလာအတိုင်း(ပရိုတိန်း)တွေတည်ဆောက်ပြီးပထမဦးဆုံးအသားသစ်ကလေးစပြီးဖြစ်လာတယ်။အဲဒီအသားတုံးလေးကနေ၊တဖြေးဖြေးမိခင်စားသောက်လိုက်တဲ့အမီနိုအက်ဆစ်(၂၂)မျိုးကနေပြီးတော့၊မတူညီတဲ့ပရိုတိန်းတွေအမျိုးပေါင်းထောင်နဲ့သောင်းနဲ့ချီကိုမျိုးရိုးဗီဇဖေါ်မြူလာအတိုင်းတိတိကျကျတည်ဆောက်တယ်။အဲဒီပရိုတိန်းတွေက၊ခေါင်းတွေ၊လက်တွေ၊ခြေတွေ၊အသည်းတွေ၊ဦးနှောက်တွေ၊နှလုံးတွေ၊ကျောက်ကပ်တွေ၊အူတွေ၊သွေးတွေ၊အရိုးတွေ၊အစာအိမ်တွေတဖြေးဖြေးဖြစ်လာပြီးလူရယ်လို့နာမည်တတ်လို့ရတဲ့ကလေးငယ်လေးတစ်ယောက်အဖြစ်ဖြစ်တည်လာတာပေါ့။
—
လူတစ်ယောက်ဖြစ်လာဖို့ကအမီနိုအက်ဆစ်(၂၂)မျိုးကနေမျိုးရိုးဗီဇဖေါ်မြူလာအတိုင်းပရိုတိန်းတွေအမျိုးမျိုးနဲ့တည်ဆောက်ခဲ့ရတာပါ။အဲဒါကလေးငယ်ဘဝတုံးကပဲဖြစ်ခဲ့တာမဟုတ်ပါဘူး။မွေးတဲ့နေ့ကစပြီး၊သေတဲ့နေ့အထိခန္ဓာကိုအစိတ်အပိုင်းအမျိုးမျိုးကိုအမီနိုအက်ဆစ်(၂၂)မျိုးကပဲတည်ဆောက်ယူရတာပါ။ကိုယ်ဝန်ဆောင်မိခင်က၊အမီနိုအက်ဆစ်တစ်မျိုးမျိုးချို့တဲ့ရင်၊ဆွံ့အ၊နားမကြား၊မသန်မစွမ်း၊ဦးနှောက်ကျပ်မပြည့်တဲ့ခလေးမွေးလာမှာပေါ့။မိခင်က၊ခလေးခန္ဓာတည်ဆောက်ဖို့လိုအပ်တဲ့အမီနိုအက်ဆစ်အပြည့်အဝရရင်တော့ကျန်းမာသန်စွမ်းပြီးဉာဏ်ပညာထက်မြက်တဲ့ကလေးမွေးပေးမှာပေါ့။
—
ကိုယ်ဝန်ဆောင်မိခင်မှမဟုတ်ပါဘူး၊လူတိုင်းလူတိုင်းမှာကျန်းမာသန်စွမ်းဖို့အတွက်အမီနိုအက်ဆစ်အမျိုးမျိုးလိုအပ်ကြပါတယ်။တစ်ကယ်တော့ပရိုတိန်းကိုလူတိုင်းလိုအပ်တယ်လို့ပြောမယ့်အစားအမီနိုအက်ဆစ်ကိုလိုအပ်တယ်လို့ပြောရင်ပိုပြီးတော့မှန်ကန်ပြီးအဓိပ္ပာယ်ရှိပါလိမ့်မယ်။အမီနိုအက်ဆစ်လုံလုံလောက်လောက်မရရင်တော့နေ့စဉ်ပျက်စီးယိုယွင်းနေတဲ့ခန္ဓာကိုယ်အစိတ်အပိုင်းအမျိုးမျိုးတွေကိုဘယ်လိုမှပြန်လည်တည်ဆောက်ပြုပြင်ထိန်းသိမ်းပေးနိုင်မှာမဟုတ်ပါဘူး။
—
လူတွေ၊တိရိစ္ဆာန်တွေ၊သစ်ပင်တွေတင်မကပါဘူး၊ရောဂါဖြစ်စေတတ်တဲ့ဘက်တီးရီးယားအမျိုးမျိုးတွေ၊ဗိုင်းရပ်စ်အမျိုးမျိုး၊ဖန်းကပ်အမျိုးမျိုးတွေ၊မှိုအမျိုးမျိုးတွေ၊မြွေဆိပ်၊ကင်းဆိပ်၊အပင်ကဆူးအဆိပ်ကအစပြုလို့၊တခြားသောဇီဝအဆိပ်အတောက်အမျိုးမျိုးတွေ၊ပြင်ပကရောဂါကူးစက်မယ့်ဆဲလ်တွေအားလုံးဟာပရိုတိန်းတွေပါပဲ။ဒီရောဂါပိုးမွားတွေအားလုံးဟာလဲအမီနိုအက်ဆစ်(၂၂)မျိုးကနေမတူညီတဲ့မျိုးရိုးဗီဇဖေါ်မြူလာအတိုင်းတည်ဆောက်ထားတဲ့(ပရိုတိန်း)အမျိုးမျိုးတွေပါပဲ။
—
ဒါဆိုအပိုင်း(၁)ကိုပြန်ပြီးအနှစ်ချုပ်ကြည့်ကြရအောင်၊
—
ခန္ဓာကိုယ်ရဲ့ခုခံမှု့စနစ်(Immune System)ဆိုတာပြင်ပကဝင်လာတဲ့(ဘက်တီးရီးယား၊ဗိုင်းရပ်၊ဖန်းဂတ်)အစရှိတဲ့ရောဂါပိုးမွားတွေ၊မှိုတွေ၊ဝင်လာရင်ခုခံတိုက်ခိုက်ဖျက်ဆီးပေးနိုင်သလို၊အတွင်းကလဲ(ကင်ဆာ)ရောဂါလိုဖေါက်ပြန်ပျက်စီးသွားတဲ့ဆဲလ်တွေနဲ့တစ်ရှုးတွေကိုလဲတိုက်ခိုက်ဖျက်ဆီးနိုင်တဲ့စနစ်လို့အများသိထားကြပါတယ်။(AUTOIMMUNE)ရောဂါဆိုတာကိုတော့မိမိခန္ဓာကိုယ်ရဲ့ရောဂါခုခံကာကွယ်မှု့စနစ်ကဖောက်ပြန်ပျက်စီးသွားပြီးမိမိခန္ဓာကိုယ်ကအရေးကြီးတဲ့အင်္ဂါအစိတ်အပိုင်းအမျိုးမျိုးတွေကိုပြန်လည်တိုက်ခိုက်လာတဲ့ရောဂါလို့အများသိထားကြပါတယ်။ဒီလိုသိတာဟာအပေါ်ယံအသိသာလျင်ဖြစ်ပြီးအခြေခံအနှစ်သာရအထိနက်ရှိုင်းစွာမမှန်ကန်ပါဘူး။
—
တစ်ကယ်တော့(ခုခံမှု့စနစ်)ဆိုတာဘာရောဂါပိုးမွားကိုမှမသိသလို၊ခန္ဓာကိုယ်ကဘယ်အင်္ဂါအစိတ်အပိုင်းကိုမှလဲသူမသိပါဘူး။သူက(ပရိုတိန်း)ဆိုတဲ့ဓါတ်ပေါင်းတခုထဲကိုပဲသိတာပါ။(ခုခံမှု့စနစ်)ဟာသွေးထဲမှာ(ပရိုတိန်း)တမျိုးမျိုးကိုတွေ့လိုက်ပြီဆိုတာနဲ့ချက်ချင်းရန်သူလား၊မိတ်ဆွေလားဆိုပြီးနှစ်မျိုး၊နှစ်စားခွဲခြားသတ်မှတ်ပါတော့တယ်။(ခုခံမှု့စနစ်)ကအပြင်ကဝင်လာတဲ့၊ပုံမှန်မဟုတ်တဲ့ပရိုတိန်းအမျိုးအစားဆိုရင်ရန်သူလို့သတ်မှတ်ပြီးချက်ချင်းတိုက်ခိုက်ချေမုန်းပြစ်ပါတယ်။အတွင်းမှာရှိနေတဲ့ပုံမှန်၊မှတ်သားထားတဲ့ပရိုတိန်းအမျိုးအစားဆိုရင်တော့မိတ်ဆွေဆိုပြီး၊မတိုက်ခိုက်မဖျက်ဆီးပဲ၊လွတ်ပေးလိုက်ပါတယ်။ဒီနှစ်မျိုးကိုပဲသူသိတာပါ။
—
အဲဒီပရိုတိန်းက(ဘက်တီးရီးယားတွေဖြစ်ချင်ဖြစ်နေမယ်၊ဗိုင်းရပ်တွေဖြစ်ချင်ဖြစ်နေမယ်၊ဖန်းဂတ်တွေဖြစ်ချင်ဖြစ်နေမယ်၊ကင်ဆာဆဲလ်တွေလဲဖြစ်ချင်ဖြစ်နေမယ်၊ဇီဝအဆိပ်အတောက်တွေလဲဖြစ်ချင်ဖြစ်နေမယ်။ကောင်းမွန်စွာအလုပ်လုပ်နေတဲ့မိမိ့ခန္ဓာကိုယ်ရဲ့အစိတ်အပိုင်းတွေကဆဲလ်တွေလဲဖြစ်ချင်ဖြစ်နေပါမယ်။အဲဒါကို(ခုခံမှ့ုစနစ်)ကသေချာမသိသလို၊သူ့ကိုယ်သူလဲခန္ဓာကိုယ်ကဘယ်လိုအစိတ်အပိုင်းတွေကိုပြန်မှားပြီးတိုက်ခိုက်ဖျက်ဆီးနေမိသလဲဆိုတာကိုလဲမသိနိုင်ပါဘူး။
–
ဒီသဘောတရားတွေကိုအနှစ်ချုပ်လိုက်တော့၊
—
နံပါတ်(၁)ခုခံမှု့စနစ်ဆိုတာပြင်ပကဝင်လာတဲ့ပုံမှန်မဟုတ်တဲ့(ပရိုတိန်း)တွေကိုတိုက်ခိုက်ဖျက်ဆီးပြီး၊အတွင်းမှာရှိနေတဲ့ပုံမှန်(ပရိုတိန်း)တွေဆိုရင်မတိုက်ခိုက်မဖျက်ဆီးပဲလွတ်ပေးထားတဲ့စနစ်ဖြစ်ပါတယ်။
–
နံပါတ်(၂)(AUTOIMMUNE)ရောဂါဆိုတာကတော့ခန္ဓာကိုယ်ရဲ့ခုခံမှု့စနစ်ကမတိုက်ခိုက်သင့်တဲ့(ပရိုတိန်း)တွေကိုမှားယွင်းပြီးတိုက်ခိုက်မိတဲ့ရောဂါဖြစ်ပါတယ်။
–
ဒါကြောင့်ခန္ဓာကိုယ်၏အဓိကခုခံအားစနစ်ရဲ့အင်အား(၈၀%)ကျော်လောက်ဟာ၊အစာအိမ်နဲ့အူလမ်းကြောင်းဝမှာပြင်ပကရောဂါပိုးမွားတွေ၊ဇီဝအဆိပ်အတောက်တွေခန္ဓာကိုယ်ထဲကို(ပရိုတိန်း)အဖြစ်နဲ့ဝင်ရောက်လာရင်တိုက်ခိုက်ချေမှုန်းဖျက်စီးပြစ်နိုင်ဖို့အတွက်၊အသင့်စောင့်ဆိုင်းနေကြရပါတယ်။ပရိုတိန်းအဖြစ်မကျေညက်ပဲဝင်လာရင်တော့ခန္ဓာကိုယ်ကိုဘေးဥပါတ်ဖြစ်စေမယ့်ရန်သူပါပဲ။တကယ်လို့ပရိုတိန်းအဖြစ်နဲ့မဝင်လာပဲချေဖျက်ပြီးသားအမီနိုအက်ဆစ်အဖြစ်နဲ့ဝင်လာမယ်ဆိုရင်တော့ခန္ဓာကိုယ်အတွက်အလွန်ကောင်းကျိုးများပါတယ်။
—
အကြမ်းဖက်သမားတွေဝင်လာမယ်လို့သတင်းရထားရင်လေဆိပ်မှာ၊လူဝင်မ့ှုကြီးကြပ်ရေးတွေ၊ရဲတွေ၊စစ်တပ်တွေ၊ထောက်လှမ်းရေးတွေချထားပြီးတော့အလုပ်ရှုပ်နေသလိုပါပဲ။တကယ်လို့လူဝင်မှုကြီးကြပ်ရေးကသေသေချာချာမစီစစ်၊မစစ်ဆေးလို့အကြမ်းဖက်သမားတွေကလေဆိပ်ထဲကိုဝင်လာပြီသေနတ်နဲ့ဟိုပြစ်သည်ပြစ်၊ပြစ်ခတ်မှု့တွေလုပ်မယ်ဆိုရင်၊လေဆိပ်မှာရဲတွေစစ်တပ်တွေနဲ့တိုက်ပွဲဖြစ်ပြီး။အပြစ်မဲ့ပြည်သူတွေထိခိုက်နစ်နာသေကြေပျက်စီးကြရမှာအမှန်ပါပဲ။
—
အကြမ်းဖက်သမားတွေမြို့ထဲရောက်လာလို့မြို့လယ်ခေါင်မှာစစ်တပ်တွေ၊ရဲတွေနဲ့၊တဖက်နဲ့တဖက်အပြန်အလှန်ပြစ်ကျခတ်ကြနဲ့တိုက်ပွဲတွေဖြစ်မယ်ဆိုရင်လဲပြည်သူတွေဓါးစာခံဖြစ်လာမှာအမှန်ပါပဲ။အကြမ်းဖက်သမားတွေရပ်ကွက်ထဲကအိမ်တွေမှာခိုဝင်ပုန်းအောင်းနေပြီးပြည်သူအယောင်ဆောင်ပြီးတော့ရဲတွေကိုကခြုံခိုတိုက်ခိုက်မယ်ဆိုရင်၊ရဲတွေကလဲပြည်သူလား၊အကြမ်းဖက်သမားလားဆိုတာခွဲခြားမသိနိုင်ကြတော့ပဲကိုယ့်ကိုမဆော်ခင်ဦးအောင်ဆော်မယ်ဆိုပြီးတော့လူရိပ်မြင်တိုင်းလိုက်ပြီးပြစ်ခတ်ရမဲ့အခြေအနေကိုရောက်သွားနိူင်ပါတယ်။
—
ဒီနေရာမှာလူဝင်မ့ှုကြီးကြပ်ရေးနဲ့အလားတူတဲ့အစာအိမ်နဲ့အူလမ်းကြောင်းကပရိုတိန်းတွေကိုအမီနိုအက်ဆစ်(၂၂)မျိုးအဖြစ်ကြေညက်သွားအောင်မချေဖျက်နိုင်ပဲ၊ပရိုတိန်းအဖြစ်နဲ့အတုံးလိုက်အတစ်လိုက်သွေးကြောတွေထဲကိုပေးဝင်လာမယ်ဆိုရင်၊ခန္ဓာကိုယ်ရဲ့ခုခံမှု့စနစ်ကလဲပြင်ပကပရိုတိန်းတွေကိုလိုက်လံတိုက်ခိုက်ပါက၊ပြင်ပကပရိုတိန်းတွေကလဲအတွင်းကဆဲလ်တွေတစ်ရှုးတွေမှာတွယ်ကပ်ပုန်းအောင်းကြ၊ဆိုတော့ကြာလာရင်ခုခံမှု့စနစ်ကလဲမျက်စိလည်ရှုပ်ထွေးလာပြီး၊ပြင်ပကဝင်လာတဲ့ပရိုတိန်းလားခန္ဓာကိုယ်ထဲမှာရှိနေတဲ့ဆဲလ်တွေလားဆိုတာသေချာမခွဲခြားတတ်တော့ပဲဖယိုဖရဲဖြစ်ပြီးခန္ဓာကိုယ်အစိတ်အပိုင်းတွေကဆဲလ်တွေကိုလိုက်လံတိုက်ခိုက်ချေုမှုန်းနေမိတော့တာပါပဲ။
—
အဲဒီလိုပြင်ပကပရိုတိန်းတွေကိုခန္ဓာကိုယ်ထဲကိုမကျေညက်ပဲရောက်မလာနိုင်အောင်အမီနိုအက်ဆစ်တွေအဖြစ်သို့ခြေဖျက်၊ဖျက်ဆီးပြစ်နိုင်ဖို့ကအစာအိမ်နဲ့အူလမ်းကြောင်းရဲ့အဓိကကာကွယ်ရေးတာဝန်ပါပဲ။အစာအိမ်နဲ့အူလမ်းကြောင်းရဲ့အဓိကတာဝန်က(ပရိုတိန်း)တွေကိုအမီနိုအက်ဆစ်(၂၂)မျိုးအဖြစ်အဖြစ်ပြီးပြည့်စုံစွာချေဖျက်ပြစ်နိုင်ဖို့ပါပဲ။အစာချေစနစ်ကပရိုတိန်းဓါတ်တွေကိုကောင်းမွန်စွာကျေညက်စေပြီးတော့မှအမီနိုအက်ဆစ်(၂၂)မျိုးတွေအနေနဲ့ပြိုကွဲပျက်စီးပြီးဝင်လာတော့မှသာလျင်ခန္ဓာကိုယ်အဟာရအတွက်အသုံးပြုနိုင်မှာဖြစ်ပါတယ်။အဓိကအရေးအကြီးဆုံးအချက်ကအစာအိမ်ရဲ့အက်ဆစ်ဓါတ်ပြင်းထန်အားကောင်းနေဖို့လိုအပ်လှပါတယ်။
—
အစာအိမ်ရဲ့အက်ဆစ်ဓါတ်အားပျော့သွားရင်ပရိုတိန်းတွေကိုအမီနိုအက်ဆစ်အဖြစ်မခြေဖျက်နိုင်တော့ပဲ၊နောက်ပိုင်းမှာအကြီးအကျယ်ကိုဒုက္ခရောက်တော့တာပါပဲ။အခုခေတ်ဆေးပညာကအက်ဆစ်ဓါတ်အားပျော့ပြီး(PH)တန်ဖိုးမပြည့်လ့ို၊အစာအိမ်ရဲ့အပေါ်ဘားအဆို့မပိတ်နိုင်လို့လေချဉ်ပြန်တက်တဲ့လူတွေကိုအက်ဆစ်ဓါတ်အားကောင်းအောင်မလုပ်ပေးပဲ၊အလွယ်နည်းနဲ့အက်ဆစ်ဓါတ်ပြေစေတဲ့ဆေးတွေပေးနေတာဟာမီးလောင်နေတာကိုဓါတ်ဆီဖြန်းပြီးငြိမ်းပေးနေတာနဲ့အတူတူပါပဲ။ပိုပြီးတော့ဆိုးတဲ့ရောဂါအမျိုးမျိုးကိုဖြစ်ပေါ်စေတဲ့အကြောင်းအရင်းကြီးတခုဖြစ်ပေါ်လာစေပါတော့တယ်။
—
ဥပမာအားဖြင့်၊အမီနိုအက်ဆစ်အဖြစ်အစာမကျေညက်နိုင်ပဲပရိုတိန်းအဖြစ်နဲ့အတုံးလိုက်အတစ်လိုက်ကြီးဝင်လာတဲ့(ဂလူဒင်)ကဲ့သို့ပရိုတိန်းတွေအစာလမ်းကြောင်းကနေဝင်ရောက်လာရင်အူအတွင်းနံရံကအမြေးပါးတွေမှာရှိတဲ့ဆဲတွေမှာသွားကပ်နေတတ်ပြီး(ခုခံမှု့စနစ်)ကတိုက်ခိုက်တော့အူနံရံအမြေးပါးတွေကိုပါတိုက်ခိုက်ဖျက်ဆီးပြစ်ခြင်းခံရတော့တာပေါ့၊ခုခံမှ့ုစနစ်တွေမှာမှတ်ဉာဏ်ဆဲလ်လေးတွေလဲရှိတော့ကြာလာတော့အူနံရံအမြေးပါးလေးတွေကိုပါရန်သူအဖြစ်မှားယွင်းစွာမှတ်သားထားလိုက်ပြီးတော့နောက်ပိုင်းမှာခုခံမှ့ုစတင်ဖေါက်ပြန်ပျက်စီးသွားပြီးတော့(celiac disease)လို့ခေါ်တဲ့(AUTOIMMUNE)ရောဂါမျိုးစတင်ပြီးတော့အစပြုဖြစ်ပွားလာရတာအထင်အရှားပါပဲ။
—-
အူနံရံတွေတိုက်ခိုက်ခံရလို့ပျက်စီးသွားတာများလာလေလေ၊အူလမ်းကြောင်းမလုံခြုံလေလေ၊ပြင်ပကပရိုတိန်းတွေဝင်ရောက်လာလေလေ၊ခုခံမှု့စနစ်ကတိုက်ခိုက်လေလေ။ပိုပြီးဆိုးလာလေလေနဲ့မီးလောင်ရာလေပင့်ဖြစ်လာတော့တာပေါ့။ကြာတော့ခန္ဓာကိုယ်ထဲကိုပြင်ပကအစာမကျေညက်တဲ့ပရိုတိန်းတွေဝင်လာဖန်များလာပြီး။ခန္ဓာကိုယ်ထဲကိုဝင်လာတဲ့ပရိုတိန်းအမျိုးမျိုးတွေလိုက်ပြီးတွယ်ကပ်နေတဲ့ခန္ဓာကိုယ်အစိတ်အပိုင်းတွေကိုပါရောပြီးတိုက်ခိုက်ရင်းနဲ့ခုခံမှု့စနစ်ရဲ့မှတ်ဉာဏ်ဆဲလ်တွေထဲမှာအမှားတွေမှတ်သားထားမိပြီး၊ခန္ဓာကိုယ်အစိတ်အပိုင်းအမျိုးမျိုးကိုဆက်လက်မှားယွင်းတိုက်ခိုက်မိတော့တာပါပဲ။
—
ဒါပေမဲ့(AUTOIMMUNE)ရောဂါဖြစ်လာရတဲ့အကြောင်းတရားဟာ(leaky gut)လို့ခေါ်တဲ့ အစာအိမ်နဲ့အူလမ်းကြောင်းမကောင်းလို့အစာအိမ်နှင့်အူလမ်းကြောင်းမလုံခြုံလို့ဆိုတဲ့အကြောင်းတရားတစ်ခုတည်းကြောင့်တော့မဟုတ်ပါဘူး။တခြားအဓိကကြလှတဲ့အကြောင်းတရားတွေလဲအများကြီးရှိနေပါသေးတယ်။
—
လောကနိယာမဆိုတာကအကြောင်းတရားတစ်ခုတည်းကြောင့်အကျိုးတရားတွေဖြစ်နေရတာမဟုတ်ပါဘူး။အကြောင်းတရားအမျိုးမျိုးပေါင်းစပ်ညီညွတ်ပြီးတော့မှ၊အကျိုးတရားအမျိုးမျိုးတွေဖြစ်ပေါ်လာရတာပါ။တခြားအဓိကကြလှတဲ့အကြောင်းတရားတွေလဲအများကြီးရှိနေပါသေးတယ်။အဲဒီအကြောင်းတွေကိုနောက်အပိုင်းဆက်တွေမှာဆက်ပြီးသေချာနားလည်အောင်အကျယ်ချဲ့ရေးသားပေးပါဦးမယ်။
—
ဒီပို့စ်ဟာအလွန်အရေးကြီးလိုလူတိုင်းသိရှိအောင်ပြန်လည်ဖြန့်ဝေပေးခြင်းဖြင့်ကုသိုလ်ယူကြပါ။နားပါဦးမည်။
အားလုံးကိုကျန်းမာစေလိုသောဆန္ဒဖြင့်၊
Kelvin Albert Power
(Nutrition Specialist, Florida, USA)
—
မှတ်ချက်။။။ပရိုတိန်းအကြောင်းကောင်းကောင်းနားလည်သွားပြီဆိုတော့ပထမပို့စ်အပိုင်း(၁)ကိုတစ်ခေါက်လောက်ပြန်ဖတ်လိုက်ရင်ပိုပြီးနားလည်သဘောပေါက်လာမှာပါ။တခေါက်ပြန်ဖတ်စေလိုပါတယ်။ဒီမှာလင့်ပါ—
https://www.facebook.com/kelvin.power.1675/posts/137155244227558